شارەوانیی هەولێر: لافاوەکەی دوێنێ زیانی گیانی و ماددی زۆری لێکەوتەوە
کارزان هادی، سەرۆکی شارەوانیی هەولێر ڕایگەیاند کە لافاوەکەی دوێنێ جگە لە زیانی ماددی گەورە بۆ سەر موڵکی گشتی و ماڵی هاووڵاتییان، زیانی گیانیشی لێکەوتووەتەوە و تا ئێستاش بەهۆی بەردەوامیی کارەکانەوە ئاماری وردی زیانەکان یەکلایی نەکراوەتەوە.
ئەمڕۆ یەکشەممە، سەرۆکی شارەوانی ئاماژەی بەوە دا کە زیاتر من 600 کارمەندی شارەوانی بەسەر ناوچە زیانلێکەوتووەکاندا دابەش کراون بە مەبەستی پاککردنەوەی پاشماوەکانی لافاو و ئاوەڕۆکان، هەروەها سەبارەت بە زیانی ئۆتۆمبێلەکان ڕایگەیاند کە ژمارەیەکی زۆر ئۆتۆمبێل زیانیان پێگەیشتووە و لە هەندێک شوێنیش، لەوانە ژێرپردی ڕزگاری، تا ئێستاش ئۆتۆمبێل لەژێر ئاودا ماونەتەوە.
شایانی باسە، بەپێی زانیارییە سەرەتاییەکان، تا ئێستا دوو هاووڵاتی بەهۆی لافاوەکەوە خنکاون و گیانیان لە دەست داوە.&nbsp;

دوو هاووڵاتی بەهۆی لافاوەکەی هەولێرەوە خنکان

وەزارەتی کارەبای هەرێمی کوردستان بڕیاری دا قەرزە دواکەوتووەکانی کرێی کارەبا بکەیتە قیستی درێژخایەن کە ماوەکەی تا 24 مانگ دەخایەنێت، ئەم بڕیارەش نزیکەی 30%ی ئەو هاوبەشانە دەگرێتەوە کە تا ئێستا قەرزەکانی پێش سیستەمی "ڕووناکی"یان نەداوەتەوە و یەکەم قیستیش دەخرێتە سەر پسوولەی ئەم مانگە. ئەم هەنگاوە دوای ئەوە دێت کە پێشتر وەزارەتی کارەبا داشکاندنی لە قەرزەکان کردبوو و تێیدا ملیۆنێک هاوبەش سوودمەند بوون و بڕی 400 ملیار دینار لە قەرزی پێشووی هاووڵاتییان لێخۆشبوون کرا. لە ئێستادا زیاتر لە 500 هەزار هاوبەشی ڕووناکی قەرزیان لەسەر ماوە و خراونەتە سەر سیستەمی قیستی درێژخایەن، لەو ژمارەیەش 90 هەزار هاوبەش قەرزەکەیان کەمترە لە 5 هەزار دینار و بە یەک قیست قەرزەکانیان پاک دەبێتەوە. ئەو هاوبەشانەی قیستیان بۆ کراوە، لەمەودوا لە یەک پسوولەدا هەردوو کرێی مانگانەی کارەبا و قیستی قەرزەکەیان بۆ دێتەوە و پێویستە لە ماوەی 50 ڕۆژدا پارەکە بدەن. بەپێی خشتەی نوێی قیستەکان بۆ پۆلە جیاوازەکان: ماڵان و کشتوکاڵی: ماوەی قیستەکە تا 24 مانگ دەبێت؛ کەمترین بڕی قیستی مانگانە 20 هەزار دینار و بەرزترینیش 100 هەزار دینار دەبێت. بازرگانیی بچووک: ماوەکە 12 مانگە و بەرزترین قیست 200 هەزار دینار دەبێت. بازرگانیی گەورە و پیشەسازی: دەبێت لە ماوەی 6 مانگدا قەرزەکانیان بدەنەوە و کەمترین بڕی قیستیشیان 200 هەزار دینار دەبێت بێ ئەوەی سنوورێک بۆ بەرزترین بڕ دانرابێت. جێگەی باسە، ئەگەر بەهۆی دیاریکردنی بەرزترین سنووری قیستەوە قەرزەکە لەو ماوەیەدا تەواو نەبوو، ئەوا ماوەی قیستەکە بۆ مانگەکانی دواتر درێژ دەکرێتەوە.&nbsp;

وەزارەتی کارەبا قەرزی هاووڵاتییان دەکاتە قیستی درێژخایەن

داهاتی نانەوتیی سلێمانی و دەوروبەری لە هەفتەیەکدا تێپەڕی؛ زیاتر لە 5 ملیار دینار تۆمار کرا کۆی داهاتی نانەوتیی پارێزگاکانی سلێمانی و هەڵەبجە لەگەڵ هەردوو ئیدارەی سەربەخۆی ڕاپەڕین و گەرمیان لە ماوەی یەک هەفتەدا گەیشتە سەروو 5 ملیار و 367 ملیۆن دینار. بەپێی داتا و زانیارییەکانی ماڵپەڕی شەفافیەت بۆ چاودێری و ڕێکخستنی داهاتە نانەوتییەکان، لە ڕێککەوتی 31ی تشرینی یەکەمی 2026 تاوەکو 6ی تشرینی دووەمی 2026، کۆی گشتیی داهاتی کۆکراوە بریتی بووە لە 5 ملیار و 367 ملیۆن و 718 هەزار و 340 دینار. ئامارەکان دەریدەخەن کە شێوازی کۆکردنەوەی داهاتەکان بە جۆرێک بووە کە 77%ی کۆی گشتییەکە بە شێوەی نەختینە (کاش) و 23%ەکەی تریش بە شێوەی چەک خەزن کراوە.

ماڵپەڕی شەفافیەت داهاتی یەک هەفتەی ڕاگەیاند

دەستەی هەڵبژاردنی ئیسرائیل: نەتەنیاهوو و بەرەی ئۆپۆزسیۆن نەیانتوانی زۆرینەی پەرلەمان بەدەستبهێنن.
ئەنجامە بەراییەکانی هەڵبژاردنی پەرلەمانی ئیسرائیل دوای جیاکردنەوەی 99%ی دەنگەکان دەریدەخەن کە بنیامین نەتەنیاهوو و بەرەی ڕکابەرەکەی، گادی ئیزنکۆت، سەرۆکی پێشووی ئەرکانی سوپا، نەیانتوانیوە زۆرینەی ڕەهای کورسییەکانی کەنێسێت (61 کورسی) بۆ پێکهێنانی حکوومەت مسۆگەر بکەن.
بەپێی ئەنجامەکان، بەرەی ڕاستڕەوی نەتانیاهۆ لە کۆی 120 کورسیی کەنێسێت 53 کورسی بەدەستهێناوە، لە کاتێکدا بەرەی ئۆپۆزسیۆنی «بەرەی گۆڕانکاری» بە سەرۆکایەتیی ئیزنکۆت 48 کورسی بردووەتەوە، هاوکات پارتە عەرەبییەکان لە سەرکەوتنێکی بێوێنەدا توانیویانە 19 کورسی مسۆگەر بکەن کە ئەمەش وایان لێدەکات ببنە کلیلی یەکلاکردنەوەی هاوکێشەکە، هەرچەندە زۆربەی پارتە جووەکان پێشوەختە ڕەتیانکردووەتەوە هاوپەیمانی لەگەڵ پارتە عەرەبییەکان پێکبهێنن.
ڕێژەی بەشداری لەم هەڵبژاردنەدا گەیشتە 77.7% کە بەرزترین ئاستە لە ماوەی زیاتر لە 20 ساڵی ڕابردوودا، ئیسحاق هێرزۆگ، سەرۆکی ئیسرائیل ڕایگەیاند دوای گەیشتنی ئەنجامە فەرمییەکان، دەست بە ڕاوێژ لەگەڵ سەرجەم لایەنەکان دەکات بۆ دیاریکردنی کەسێک بە مەبەستی پێکهێنانی کابینەی نوێ، هاوکات هۆشداریشی دا کە پێویستە هەموو هەوڵێک بدرێت بۆ ئەوەی وڵاتەکە بەرەو هەڵبژاردنێکی دیکە نەڕواتەوە.
لە کاتێکدا ژماردنی نزیکەی 480 هەزار دەنگی تایبەت (سەربازان، دیپلۆماتکاران و نەخۆشەکان) بەردەوامە و ئەگەری هەیە گۆڕانکاری لە کورسییەکان دروست بکات، هەردوو سەرکردە، نەتانیاهۆ و ئیزنکۆت، خۆیان بە شایستە دەزانن بۆ پێکهێنانی حکوومەت، لە لایەکی دیکەشەوە پارتی لیکود پارتە عەرەبییەکانی بە بەکارهێنانی پارەی دەرەکی و ساختەکاری تۆمەتبار کردووە و داوای لێکۆڵینەوەی کردووە، بەڵام لایەنە عەرەبییەکان و وەزارەتی دەرەوەی قەتەریش ئەو تۆمەتانەیان بە تەواوی ڕەتکردووەتەوە.

قەیرانی پێکهێنانی حکومەتی نوێ دەستپێدەکاتەوە

نرخی زێڕ لە بازاڕەکانی جیهان و هەرێمی کوردستان بە شێوەیەکی بەرچاو دابەزی ئەمڕۆ هەینی 30ی تشرینی یەکەمی 2026، نرخی زێڕ لەسەر ئاستی جیهان دابەزینێکی بەرچاوی تۆمار کرد و هەر ئۆنسەیەک بۆ 3 هەزار و 974 دۆلار دابەزی، بەو هۆیەوە لە بازاڕەکانی هەرێمی کوردستان نرخی هەر مسقاڵێک لە سەرجەم عەیارەکان بەراورد بە دوێنێ بە ڕێژەیەکی هەستپێکراو شکایەوە. نرخی مسقاڵی زێڕ لە بازاڕەکانی هەرێمی کوردستان بۆ ئەمڕۆ بەم شێوەیەیە: عەیارە 24: 1 ملیۆن و 77 هەزار دینار (دوێنێ: 1 ملیۆن و 101 هەزار دینار بوو، 24 هەزار دینار دابەزیوە) عەیارە 22: 987 هەزار دینار (دوێنێ: 1 ملیۆن و 9 هەزار دینار بوو، 22 هەزار دینار دابەزیوە) عەیارە 21: 943 هەزار دینار (دوێنێ: 963 هەزار دینار بوو، 20 هەزار دینار دابەزیوە) عەیارە 18: 809 هەزار دینار (دوێنێ: 825 هەزار دینار بوو، 16 هەزار دینار دابەزیوە) دابەزینی بەهای ئۆنسە بۆ خوار 4 هەزار دۆلار لە بۆرسەی جیهانیدا، هۆکاری سەرەکیی دابەزینی بەهای زێڕە لە بازاڕەکانی هەرێمی کوردستان بۆ ئەمڕۆ هەینی.

دابەزینی گەورە لە بەهای زێڕی بازاڕەکاندا

بەلەمێکی کۆچبەران بە ڕەنگی ئاڵای کوردستانەوە بەرەو بەریتانیا بەڕێکەوت؛ کاردانەوەی سیاسیی لێکەوتەوە بەلەمێکی تایبەت دروستکراوی کۆچبەران کە بە ڕەنگەکانی سوور، سپی، سەوز و هێمای خۆری ئاڵای کوردستان نەخشێندراوە، لە کەناراوەکانی بەلجیکاوە بەرەو بەریتانیا بەڕێکەوت، ئەمەش کاردانەوەی توندی سیاسیی لە بەریتانیا لێکەوتەوە و وەک ئاماژەیەک بۆ گرووپە قاچاخچییە کوردییەکان لە کەناڵی ئینگلیز لێکدرایەوە. بەپێی زانیارییەکان، بەلەمەکە لە کاتژمێر 3ی بەیانی لە کەناراوێکی نزیک سنووری فەرەنسا بەڕێکەوتووە، لە کاتێکدا شاهێدحاڵێک ڕایگەیاندووە پۆلیسی بەلجیکا لە نزیکەوە وەستاوە و هیچ ڕێگرییەکی لێ نەکردوون، هاوکات کەشتییەکی هێزەکانی پاراستنی سنووری بەریتانیا بە ناوی (BSC Courageous) لە دەریای مانش لە ڕۆژهەڵاتی کالی چاودێریی ڕەوشەکەی کردووە. کریس فیلپ، وەزیری ناوخۆی حکوومەتی سێبەری پارتی پارێزگاران، ڕەخنەی توندی لە حکوومەت گرت و ڕایگەیاند، قاچاخچییە کوردەکان لە ڕێگەی بەکارهێنانی ئەو بەلەمەوە ڕاستەوخۆ گاڵتە بە پلانەکانی حکوومەت دەکەن، داواشی کرد بەریتانیا لە پەیماننامەی ئەوروپی بۆ مافەکانی مرۆڤ دەربچێت تا بتوانێت دەستبەجێ کۆچبەران دیپۆرت بکاتەوە، لە لایەکی دیکەشەوە نایجڵ فەراج، سەرۆکی پارتی ڕیفۆرم، بەرپرسانی فەرەنسا و بەلجیکای بە کەمتەرخەمی تۆمەتبار کرد بەرامبەر بەم دیاردەیە. بەپێی لێدوانی بەرپرسانی ئاژانسی نیشتمانیی تاوان لە بەریتانیا (NCA)، کوردی عێراق و ئەفغانییەکان زۆرترین بەشدارییان لە باندەکانی قاچاخچێتیکردن بە مرۆڤ لە کەناڵی ئینگلیزدا هەیە، لە ساڵی 2024یش دادگای شاری لیلی فەرەنسی سزای 15 ساڵ زیندانیی بەسەر میرخان ڕەسووڵ، سەرۆکی تەمەن 26 ساڵی باندێکی قاچاخچێتی کە زۆربەیان کوردی عێراق بوون سەپاند، کە بە بەرپرسیاری گواستنەوەی 10 هەزار کۆچبەر دادەنران. لە لایەن خۆیەوە گوتەبێژی وەزارەتی ناوخۆی بەریتانیا ڕایگەیاند، هەوڵە هاوبەشەکانیان لەگەڵ هاوبەشە نێودەوڵەتییەکان توانیویەتی ڕێگری لە زیاتر لە 50 هەزار هەوڵی پەڕینەوە بگرێت و دەست بەسەر 1,100 بەلەم و بزوێنەردا بگرێت، هەروەها ژمارەی ئەفسەرانیان لە فەرەنسا زیاد دەکەن بۆ ڕێگریکردن لەم پەڕینەوە مەترسیدارانە.

بەلەمێکی کۆچبەران بە ئاڵای کوردستانەوە دەپەرێتەوە

داهاتی هەفتەی ڕابردووی سلێمانی زیاتر لە 20% کەمی کردووە داهاتی نانەوتیی هەفتەی ڕابردووی سنووری پارێزگاکانی سلێمانی و هەڵەبجە، لەگەڵ هەردوو ئیدارەی سەربەخۆی ڕاپەڕین و گەرمیان، بەراورد بە هەفتەی پێشتر بە ڕێژەی زیاتر لە 20% دابەزینی بەخۆوە بینیوە و گەیشتووەتە زیاتر لە 12 ملیار دینار. بەپێی داتاکانی ماڵپەڕی شەفافیەت، کە لە لایەن نووسینگەی قوباد تاڵەبانی، جێگری سەرۆک وەزیرانی هەرێمی کوردستانەوە سەرپەرشتی دەکرێت، کۆی داهاتی نانەوتیی هەفتەی ڕابردووی ناوچەکە بڕی 12 ملیار و 150 ملیۆن و 220 هەزار و 74 دینار بووە، لەو بڕەش 87%ی بە شێوەی نەختینە و 13%ی بە شێوەی چەک وەرگیراوە. بەگوێرەی ئامارە فەرمییەکانی ماڵپەڕەکە، ئەم داهاتە بەراورد بە هەفتەی پێشتر کەمبوونەوەیەکی بەرچاوی تۆمار کردووە، لە کاتێکدا داهاتی هەفتەی پێشووتر گەیشتبووە 15 ملیار و 194 ملیۆن و 12 هەزار دینار، بەمەش داهاتی هەفتانە زیاتر لە 3 ملیار دینار کەمی کردووە.

داهاتی هەفتانەی سلێمانی زیاتر لە 20% دادەبەزێت

وەزارەتی تەندروستی فرۆشتنی دەرمان بە ئۆنلاین قەدەغە دەکات و هۆشداری دەداتە سەرپێچیکاران وەزارەتی تەندروستیی حکوومەتی هەرێمی کوردستان بڕیاری دا بە قەدەغەکردنی کڕین و فرۆشتنی هەر جۆرە دەرمانێک لە ڕێگەی ئۆنلاین و تۆڕە کۆمەڵایەتییەکانەوە، هاوکات هۆشدارییەکی توندی دایە هاووڵاتییان سەبارەت بە مەترسییە تەندروستییەکانی بەکارهێنانی دەرمان و بەرهەمەکانی کێشدابەزاندن و قەڵەوبوون، جەختیشی کردەوە کە دەرمان تەنها دەبێت بە ڕەچەتەی پزیشکی پسپۆڕ و لە دەرمانخانە مۆڵەتپێدراوەکانەوە دابین بکرێت. بەپێی ڕاگەیەندراوی وەزارەتەکە، لە سۆنگەی پاراستنی ئاسایشی تەندروستیی نیشتمانی و سەلامەتیی گشتی، هەموو جۆرە بازرگانییەکی دەرمان لە ڕێگەی ئینتەرنێتەوە بە نایاسایی هەژمار دەکرێت و تیمەکانی چاودێری ڕێکاری توندی یاسایی بەرامبەر سەرپێچیکاران دەگرنەبەر و ڕەوانەی دادگایان دەکەن، ڕوونیشیکردەوە کە دەرمانەکانی لاوازکردنی سەر هێڵ بەهۆی بوونی هاندەری کیمیایی توند، دەبنە هۆی بەرزبوونەوەی مەترسیداری پەستانی خوێن، تێکچوونی لێدانی دڵ، جەڵتە و زیانگەیاندن بە جگەر و گورچیلە، هەروەها دەرمانەکانی قەڵەوبوونیش ڕێژەیەکی زۆری کۆرتیزۆن و ستیرۆیدی نائاسایییان تێدایە کە بەرگریی لەش تێکدەدەن. ئەم هەنگاوەی وەزارەتی تەندروستی لە کاتێکدایە کە لە ماوەی ڕابردوودا ساغکردنەوەی گیادەرمان و بەرهەمی نایاسایی لە پلاتفۆرمەکانی وەک تیکتۆک و ئینستاگرام زیادی کردبوو، لەو چوارچێوەیەشدا کۆنتڕۆڵی جۆریی دەرمان (KMCA) ڕێکارەکانی بۆ ڕێگریکردن لە دەرمانی قاچاخ و بێمۆڵەت توندتر کردووەتەوە تا بەبێ پشکنینی تاقیگەیی نەگەنە دەستی هاووڵاتییان.

فرۆشتنی دەرمان بە ئۆنلاین قەدەغە کرا

نرخی زێڕ لە بازاڕەکانی هەرێمی کوردستان بە شێوەیەکی بەرچاو بەرزبووەوە ئەمڕۆ چوارشەممە 28ی تشرینی یەکەمی 2026، بەهای زێڕ لەسەر ئاستی جیهان و ناوخۆ بەرزبوونەوەیەکی نوێی تۆمار کرد و نرخی هەر ئۆنسەیەک گەیشتە 4 هەزار و 30 دۆلار، بەو هۆیەوە لە بازاڕەکانی هەرێمی کوردستان بەهای هەر مسقاڵێک لە سەرجەم عەیارەکان بەراورد بە دوێنێ بە ڕێژەیەکی بەرچاو گران بوو. نرخی مسقاڵی زێڕ لە بازاڕەکانی هەرێمی کوردستان بۆ ئەمڕۆ بەم شێوەیەیە: عەیارە 24: 1 ملیۆن و 102 هەزار دینار (دوێنێ: 1 ملیۆن و 87 هەزار دینار بوو، 15 هەزار دینار بەرزبووەتەوە) عەیارە 22: 1 ملیۆن و 10 هەزار دینار (دوێنێ: 996 هەزار دینار بوو، 14 هەزار دینار بەرزبووەتەوە) عەیارە 21: 964 هەزار دینار (دوێنێ: 952 هەزار دینار بوو، 12 هەزار دینار بەرزبووەتەوە) عەیارە 18: 826 هەزار دینار (دوێنێ: 816 هەزار دینار بوو، 10 هەزار دینار بەرزبووەتەوە) هەڵکشانی نرخی ئۆنسە لە بازاڕە جیهانییەکان هۆکاری سەرەکیی ئەم گۆڕانکاری و بەرزبوونەوە خێرایەی بەهای زێڕە لە بازاڕەکانی ناوخۆدا.

بەرزبوونەوەی بەرچاوی نرخی زێڕ

وەزارەتی ناوخۆ: ئۆتۆمبێلی بێسەرەتا دەستی بەسەردا دەگیرێت و ڕێنمایی نوێ دەردەچێت وەزارەتی ناوخۆی حکوومەتی هەرێمی کوردستان هۆشدارییەکی توندی ئاراستەی شۆفێران کرد سەبارەت بەو ئۆتۆمبێلانەی بەبێ تابلۆی فەرمی و تەنها بە سیستەمی «کۆد» لەسەر شەقامەکاندا دەجووڵێنەوە، جەختیشی کردەوە کە هەر ئۆتۆمبێلێک بەدەر لە ڕێنماییەکانی هاتووچۆ بێت، دەستبەجێ دەستی بەسەردا دەگیرێت و لێپرسینەوەی یاسایی لەگەڵ خاوەنەکەی دەکرێت. ڕێبەر ئەحمەد، وەزیری ناوخۆی هەرێمی کوردستان ڕایگەیاند کە بەشێکی زۆر لە ئۆتۆمبێلە بێسەرەتاکان، بەتایبەت ئەو جۆرانەی لە ناو خەڵکدا بە «مەلیکە» ناسراون، لە پشکنینە تەکنیکییەکاندا دەرنەچوون و هیچ مەرجێکی سەلامەتییان تێدا نییە، ئاماژەی بەوەش کرد کە پێشتر هەوڵی بنبڕکردنیان دراوە، بەڵام لە هەندێک ناوچە پرسەکە کراوەتە موزایەدەی سیاسی و بە نایاسایی کۆدیان پێدراوە. وەزیری ناوخۆ ئاشکراشی کرد کە لە ئێستادا سەرقاڵی داڕشتنی ڕێنماییەکی نوێن تا بە تەواوی میکانیزمی مامەڵەکردن لەگەڵ ئەو ئۆتۆمبێلانە یەکلایی بکرێتەوە کە بە شێوەیەکی یاسایی هاوردە کراون بەڵام مەرجەکانی سەلامەتییان تێدا نییە، بە مەبەستی دانانی سنوورێکی یەکلاکەرەوە بۆ ئەو پرسە.

بڕیاری نوێ بۆ ئۆتۆمبێلە بێ تابلۆکان

وەزارەتی دارایی و ئابووری لەگەڵ ئەنجوومەنی ڕاژەی گشتیی هەرێمی کوردستان ڕەشنووسی ڕێنماییەکانی بەگەڕخستنەوەی پڕۆسەی «لەجێگەدانان»یان ئامادە کرد، بە مەبەستی پڕکردنەوەی شوێنی ئەو مامۆستا و فەرمانبەرە گرێبەستانەی وەزارەتەکانی پەروەردە و خوێندنی باڵا کە بەهۆی خانەنشینبوون یان کۆچی دواییەوە خزمەتەکەیان کۆتایی هاتووە. بەپێی ڕاگەیەندراوێکی وەزارەتی دارایی، لە کۆبوونەوەیەکی هاوبەشی نێوان لیژنەی باڵای ڕێنماییەکان لە وەزارەتەکە و ئەنجوومەنی ڕاژەی گشتی، ڕێکارەکانی جێبەجێکردنی بڕیاری ژمارە 303ی ئەنجوومەنی وەزیران خرایە بەرباس کە لە 16ی ئەیلوولی ئەمساڵ دەرچووبوو، کۆبوونەوەکە تایبەت بوو بە داڕشتنی میکانیزمی دووبارە پڕکردنەوەی شوێنی ئەو وانەبێژ و فەرمانبەرە گرێبەستانەی کە پێشتر لەسەر داهاتی ناوخۆ دامەزرابوون، بەڵام بەهۆی خانەنشینبوون، دەستلەکارکێشانەوە، کۆچی دوایی یان هەر هۆکارێکی دیکە لە کارەکانیان دابڕابوون. لە ڕاگەیەندراوەکەدا جەخت کراوەتەوە کە دوای گفتوگۆیەکی ورد، ڕەشنووسی ڕێنماییەکان لە لایەن هەردوولاوە واژۆ کراوە تا ڕەوانەی سەرۆکایەتیی ئەنجوومەنی وەزیران بکرێت بۆ پەسەندکردنی کۆتایی، پڕۆسەکەش لەسەر بنەمای ڕەخساندنی هەلی یەکسان و پڕکردنەوەی شوێنە بەتاڵەکان بە کەسانی شایستە و بەپێی پێوەرە فەرمییەکان جێبەجێ دەکرێت.

پڕکردنەوەی پۆستە بەتاڵەکانی پەروەردە

ئەمڕۆ چوارشەممە 28ی تشرینی یەکەمی 2026، ئەنجوومەنی وەزیرانی هەرێمی کوردستان کۆبوونەوەی ئاسایی خۆی ساز دەکات و تێیدا چەندین تەوەری هەستیار لەبارەی پەیوەندییە دارایی و نەوتییەکانی نێوان هەولێر و بەغدا تاوتوێ دەکرێن. فەرمانگەی میدیا و زانیاری ڕایگەیاند کە لە بڕگەی یەکەمی کۆبوونەوەکەدا، شاندی دانوستانکاری هەرێمی کوردستان ڕاپۆرت و ئەنجامی دوا کۆبوونەوەیان لەگەڵ وەزارەتی دارایی فیدراڵ دەخەنە ڕوو، کە لە 24ی ئەم مانگە تایبەت بە بڕگە پێشنیازکراوەکانی ماددەی 10ی ڕەشنووسی بودجە بەڕێوەچوو بوو. لە بڕگەی دووەمی کۆبوونەوەکەشدا، ئەنجوومەنی وەزیران هەڵسەنگاندن بۆ ئەنجامی سەردانی شاندی باڵای حکوومەتی فیدراڵ دەکات بە سەرۆکایەتیی جێگری سەرۆک وەزیران بۆ کاروباری وزە و بەشداریی وەزیرانی نەوت و کارەبا، کە تایبەت بوو بە گفتوگۆکردن لەسەر دۆسیەکانی نەوت، وزە و ڕێکخستنیان لە چوارچێوەی ڕەشنووسی پڕۆژەیاسای بودجەی فیدراڵیدا.

سینەمای قەلەم

گەڕان بکە بۆ نوێترین فیلم و دراما جیهانیەکان لە سینەمای قەڵەم بە زمانی کوردی و بیانی

نوێترین