کەشناسی هەرێم رایگەیاند، ئاسمان ساماڵ دەبێت لەگەڵ بوونی تۆز و خۆڵێکی سووک. 
بەڕێوەبەرایەتی کەشناسی و بوومەلەرزەزانی هەرێم لە راگەیەندراوێکدا بڵاویکردەوە، ئەمڕۆ ئاسمان ساماڵ دەبێت لەگەڵ بوونی تۆز و خۆڵێکی سووک، هەروەها پلەکانی گەرما نزیک دەبنەوە لە تۆمارکراوەکانی دوێنێ.
دەربارەی کەشوهەوای سبەینێش رایگەیاند، ئاسمان ساماڵ دەبێت و پلەکانی گەرما کەمێک بەرز دەبنەوە بە (1 – 2) پلە بەراورد بە پلەکانی ئەمڕۆ.

بەرزترین پلەی گەرمای پێشبینیکراو بۆ ئەمڕۆ:-
هەولێر : 41 پلەی سیلیزی 
پیرمام : 37 پلەی سیلیزی
سلێمانی : 38 پلەی سیلیزی
چەمچەماڵ : 40 پلەی سیلیزی
دهۆک : 40 پلەی سیلیزی
زاخۆ : 40 پلەی سیلیزی 
هەڵەبجە : 40 پلەی سیلیزی
سۆران : 39 پلەی سیلیزی
حاج ئۆمەران : 26 پلەی سیلیزی 
گەرمیان : 42 پلەی سیلیزی

کەشناسی: شەپۆلێکی خۆڵبارین روو لە هەرێم دەکات

کەشناسی هەرێم رایگەیاند، ئاسمان ساماڵ دەبێت لەگەڵ بوونی هەندێک پەڵە هەور لە ناوچە جیاوازەکانی هەرێم.
بەڕێوەبەرایەتی کەشناسی و بوومەلەرزەزانی هەرێم لە راگەیەندراوێکدا بڵاویکردەوە، ئەمڕۆ ئاسمان ساماڵ دەبێت لەگەڵ بوونی هەندێک پەڵە هەور و پلەکانی گەرماش نزیک دەبێتەوە لە تۆمارکراوەکانی دوێنێ.
دەربارەی کەشوهەوای سبەینێش رایگەیاند، ئاسمان ساماڵ دەبێت لەگەڵ بوونی هەندێک پەڵە هەور بە تایبەتی لە ناوچە شاخاوییەکان.
بەرزترین پلەی گەرمای پێشبینیکراو بۆ ئەمڕۆ:-
هەولێر : 41 پلەی سیلیزی
سلێمانی : 38 پلەی سیلیزی
دهۆک : 39 پلەی سیلیزی
هەڵەبجە : 41 پلەی سیلیزی
چەمچەماڵ : 39 پلەی سیلیزی
زاخۆ : 40 پلەی سیلیزی 
ئاکرێ : 40 پلەی سیلیزی
پیرمام : 36 پلەی سیلیزی
حاجی ئۆمەران : 28 پلەی سیلیزی
گەرمیان : 42 پلەی سیلیزی

کەشناسی: ئاسمان پەڵە هەور دەبێت

ئەنجوومەنی کۆلێجی زانستە ئیسلامییەکان، لەبارەی کەیسەکەی عەبدوللـەتیف ئەحمەد هاتە دەنگ و راگەیەندراوێکی بڵاوکردەوە.

دەقی راگەیەندراوەکە:

بەناوی خوای بەخشندەی میهرەبان

پەیامێک لە ئەنجوومەنی کۆلێجی زانستە ئیسلامییەکانەوە بۆ جەماوەری موسڵمانی کوردستان.
جەماوەری موسڵمان و بەشەرەفی کوردستان، لە پاش بڵاوبوونەوەی هەندێک تۆماری دەنگی، کە دراوەتە پاڵ مامۆستایەکی کۆلێجمان لە راگەیاندن و تۆڕە کۆمەڵایەتییەکان، بە پێویستی دەزانین ئەم روونکردنەوەیە رابگەیێنین بە موسلمانانی خەمخۆری دین و زانست و بەها رەوشتییە باڵاکانی میلـلەتەکەمان:
1- بەر لەوەی لیژنەی لێکۆڵینەوە پێکبهێندرێت لەو دۆسیەیە و دەست بە کاری لێکۆڵینەوە بکرێت، هەندێک خەڵک نابەرپرسانە لەبری لیژنە و دادگە و هەموو لایەنە یاساییە پەیوەندیدارەکان، پێشوەختە بڕیاری کۆتاییان لەسەر بابەتەکە دەرکردووە و لەو رێگەیەوە مافیان بە خۆیان داوە دوور لە هەموو بەها و ئادابێکی ئایینی و کۆمەڵایەتی و یاسایی، بکەونە سوکایەتیکردن و تۆمەت بەخشینەوە بەسەر تێکڕای مامۆستا و خوێندکارانی کۆلێجمان - کە هەمیشە لە خەمی پاراستنی رەوشتە بەرز و بەها بڵندە ئایینی و کولتوورییە رەسەنەکانی کوردایەتیی خۆیان و میلـلەتەکەیانن، بێ بیرکردنەوە لە گەورەیی و قێزەونیی ئەو بانگەشانەیان پەنجەی تۆمەت رادەکێشن بۆ تێکڕای مامۆستایان و خوێندکاران بەبێ جیاوازی.
2- مامۆستایانی زانکۆ بەگشتی و مامۆستایان و ئەندامانی دەستەی وانەبێژیی کۆلێجی زانستە ئیسلامییەکانی زانکۆی سلێمانی هۆشیارن و زۆر بە باشی ئەرک و بەرپرسیارێتیی شەرعی و یاسایی و زانستی و پەروەردەیی خۆیان دەزانن و بە پەرۆشی و لە روانگەی هەستکردنیان بەو بەرپرسیارێتییە گەورەیەی سەر شانیان، بە هیچ شێوەیەک ناکەونە ژێر کاریگەریی سۆز و عاتیفە و هەڵنان و ئاراستەکردنی هیچ کەس و لایەنێک یان پەیج و ئەکاونتێکی تۆڕە کۆمەڵایەتییەکان، پێش کارەکانی لیژنەی لێکۆڵینەوە ناکەون و لەبری لایەنە یاساییە بەرپرس و پەیوەندیدارەکان بڕیار دەرناکەن لەسەر ئەو دۆسیەیە و هیچ دۆسیەیەکی هاوشێوەی دیکە نە لەناو زانکۆ و نە لە دەرەوەی حەرەمی زانکۆ.
3- بەداخەوە لە هەندێک کەناڵی راگەیاندن و پەیج و ئەکاونت، بەیاننامەیەک بەناوی بەشێک لە مامۆستایانی کۆلێجمانەوە بڵاوکراوەتەوە، رایدەگەیێنین کە لەدوای بەدواداچوون دەرکەوت تاوەکو ئێستا هیچ مامۆستایەکی دیاریکراو خاوەندارێتیی خۆی بۆ ئەو بەیاننامەیە رانەگەیاندووە و گوزارشت لە را و بۆچوونی راستەقینەی تێکڕای مامۆستایان ناکات، کەواتە ئەگەر هەر مامۆستایەکیش تاک لایەنە ئەو کارەی کردبێت وەکو را و بۆچوونی خۆی، ئەوە خودی ئەو کارە کە بەبێ گەڕانەوە بۆ مامۆستا و هاوپیشەکانی ئەنجامی داوە، کارێکی هەڵە و نابەرپرسانەیە و دوورە لە کاری پیشەیی و یاسایی مامۆستای زانکۆ.
4- داواکارین لە لایەنی کارگێڕی و یاسایی بەرپرس و لیژنەی لێکۆڵینەوە، بە زووترین کات کاری جیددی دەستپێبکەن لەسەر دۆسیەکە و هەوڵ بدەن بۆ گەیشتن بە ئەنجامی راست و دروست و یەکلاکردنەوەی کەس و لایەنی تاوانبار یان بێ تاوان و گەڕانەوەی ماف بۆ خاوەن ماف. هەروەها کار بکەن بۆ پاراستنی شکۆی زانکۆ و کۆلێجی زانستە ئیسلامییەکان بەگشتی و پێگە و رێزی مامۆستایان و خوێندکاران بەتایبەتی، ئەویش بە گرتنەبەری رێکاری یاسایی و دادوەری بەرامبەر هەر کەس و لایەنێک کە سنوور دەبەزێنێت و تۆمەتی ناڕەوا هەڵدەبەستێت.
والسلام عليكم ورحمة الله
ئەنجوومەنی کۆلێجی زانستە ئیسلامییەکان

کۆلێجی زانستە ئیسلامییەکان لەبارەی کەیسەکەی عەبدوللەتیف ئەحمەدەوە هاتە دەنگ

کەشناسی هەرێم رایگەیاند، کەش بە گشتی ساماڵ و پەڵە هەور دەبێت و پلەکانی گەرما کەمێک بەرز دەبنەوە.
ئەمڕۆ یەکشەممە،21-6-2026، بەڕێوەبەرایەتی کەشناسی و بوومەلەرزەزانی هەرێم لە بڵاوکراوەیەکدا رایگەیاند، ئەمڕۆ کەش بە گشتی ساماڵ و پەڵە هەور دەبێت و پلەکانی گەرما کەمێک بەرز دەبنەوە.
دەربارەی کەشوهەوای سبەینێش رایگەیاند، ئاسمان ساماڵ دەبێت بە گشتی و پلەی گەرما کەمێک بەرز دەبێتەوە.
بەرزترین پلەی گەرمای پێشبینیکراو بۆ ئەمڕۆ:-
هەولێر : 40 پلەی سیلیزی 
پیرمام : 38 پلەی سیلیزی
سلێمانی : 38 پلەی سیلیزی
چەمچەماڵ : 41 پلەی سیلیزی
دهۆک : 39 پلەی سیلیزی
زاخۆ : 40 پلەی سیلیزی

کەشوهەوای یەکەم رۆژی وەرزی هاوین راگەیەندرا

کەشناسیی فەرەنسا رایگەیاند، پێشبینی دەکرێت پلەکانی گەرما بگەنە 38 پلەی سیلیزی و بەهۆی بەهێزی ئەم شەپۆلەشەوە باری نائاسایی لە وڵات راگەیەندرا. 
دەستەی کەشناسیی فەرەنسا لە راگەیەندراوێکدا رایگەیاند، شەپۆلێکی گەرمای بەهێز روو لە ناوچەکە دەکات و لە 60 شاری ئەو وڵاتەدا باری نائاسایی جۆری 'نارنجی' راگەیەندرا، کە زیاتر لە دوو سێی خاکى فەرەنسا دەگرێتەوە.
هەروەها، مانگی ئایاری رابردووش چەندین ژمارەی پێوانەیی گەرمی لە مێژووی ئەو وڵاتەدا تۆمارکران و رۆژی 26ی ئایار وەک گەرمترین رۆژ لە مێژووی تۆمارە کەشوهەواییەکانی فەرەنسادا دیاریکرا.
کەشناسی ئاماژەی بەوەشکرد، بەهۆی بەهێزی ئەم شەپۆلەوە، بڕیارە ئەمڕۆ شەممە، سەرۆکوەزیرانی فەرەنسا کۆبوونەوەیەکی بەپەلەی شانەی قەیرانەکان ئەنجام بدات، بە مەبەستی گرتنەبەری رێوشوێنی پێویست بۆ رووبەڕووبوونەوەی دەرهاویشتەکانی ئەم شەپۆلە بەهێزە.

لەم وڵاتە باری نائاسایی راگەیەندرا

وەزارەتی دارایی، دابەشکردنی مووچەی مامۆستایانی گرێبەست و بەشێک لە فەرمانبەرانی هەمیشەیی و گرێبەست رادەگەیەنێت.
ئەمڕۆ پێنجشەممە، 18-6-2026، وەزارەتی دارایی و ئابووری هەرێم لە بڵاوکراوەیەکدا رایگەیاند، (رۆژی یەکشەممە،21ـی حوزەیران تا رۆژی پێنجشەممە، 25ـی حوزەیرانی 2026) مووچەی مانگی ئایاری مامۆستایانی گرێبەستی وەزارەتی پەروەردە و خوێندنی باڵا و توێژینەوەی زانستی و سەرجەم ئەو فەرمانبەرانە دابەش دەکرێت کە گرێبەستن و تەمویلیان لەسەر داهاتی ناوخۆیە.
ئاماژەی بەوەشکرد، مووچەی مانگی ئایاری سەرجەم ئەو فەرمانبەرانەش دابەش دەکرێت کە لەدوای (1-7-2024) بەشێوەی گرێبەست و هەمیشەیی لەسەر میلاکی دامەزراوەکانی حکومەتی هەرێم دامەزراون، کە شایستەکانیان لەسەر داهاتی ناوخۆی هەرێمی کوردستان خەرج دەکرێت.

مووچەی مامۆستایانی گرێبەست دابەشدەکرێت

سایلۆی سلێمانی رایگەیاند، ئەو جوتیارانەی کە ساڵی رابردوو گەنمیان رادەست کردووە و ژمارەی پسوڵەیان گەیشتووەتە 1060 سەردانی هۆبەی ژمێریاری بکەن.
ئەمڕۆ چوارشەممە، 17-6-2026، بەڕێوەبەرایەتی سایلۆی سلێمانی لە ئاگادارییەکدا دەلێت، ئەو جوتیارانەی کە ساڵی رابردوو گەنمیان رادەست کردووە و ژمارەی پسوڵەیان گەیشتووەتە 1060، ئەمڕۆ سەردانی هۆبەی ژمێریاری بکەن لە پیرەمەگروون بە مەبەستی وەرگرتنی چەکی شایستە داراییەکانیان.
ئاماژەی بەوەشکرد، چەکی شایستە داراییەکانی بەشێکی ئەو جووتیارانە دابەش دەکرێت کە گەنمیان بە سایلۆی سلێمانی داوە و ژمارەی پسوڵەیان گەیشتووەتە 1060.

ئاگادارییەک لە سایلۆی سلێمانییەوە

کەشناسی هەرێم رایگەیاند، کەش بە گشتی ساماڵ و پەڵە هەور دەبێت لەگەڵ زیادبوونی خێرای با، هەروەها پلەکانی گەرما (2-3) پلە نزم دەبنەوە.
بەڕێوەبەرایەتی کەشناسی و بوومەلەرزەزانی هەرێم لە بڵاوکراوەیەکدا رایگەیاند، ئەمڕۆ کەش بە گشتی ساماڵ و پەڵە هەور دەبێت لەگەڵ زیادبوونی خێرای با لە هەندێک کاتی دوای نیوەڕۆ.
ئاماژەی بەوەشکرد، پلەکانی گەرما لە نزیک ناوچە شاخاوییەکان کەمێک نزم دەبنەوە. 
دەربارەی کەشوهەوای سبەینێش رایگەیاند، ئاسمان ساماڵ و پەڵە هەور دەبێت و لە هەندێک کات و ناوچە نیمچە هەور دەبێت.
کەشناسی ئەوەشی خستەڕوو، پلەکانی گەرما (2-3) پلەی سیلیزی نزم دەبنەوە بەراورد بە پلەکانی دوێنێ. 
بەرزترین پلەی گەرمای پێشبینیکراو بۆ ئەمڕۆ:-
هەولێر : 38 پلەی سیلیزی 
پیرمام : 34 پلەی سیلیزی
سلێمانی : 35 پلەی سیلیزی
چەمچەماڵ : 37 پلەی سیلیزی
دهۆک : 36 پلەی سیلیزی
زاخۆ : 37 پلەی سیلیزی 
حاجی ئۆمەران : 26 پلەی سیلیزی 
گەرمیان : 40 پلەی سیلیزی

کەشناسی: پلەی گەرما نزم دەبێتەوە 

بەپێی رۆژمێری فەرمی، رۆژی سێشەممە بە بۆنەی سەری ساڵی کۆچییەوە دەکرێتە پشووی فەرمییە.
بەپێی رۆژمێری فەرمی حکومەتی هەرێم، رۆژی سێشەممە، 16ـی 6 بە بۆنەی یادکردنەوەی سەری ساڵی کۆچییەوە دەکرێتە پشووی فەرمی.
هەروەها، ئەم پشووە سەرجەم وەزارەتەکان، فەرمانگەکان و دامودەزگا فەرمییەکان دەگرێتەوە.

رۆژێک پشوو راگەیەندرا

شارەوانیی سلێمانی رایگەیاند، رۆژی هەینی بەشێک لە شەقامی بازنەیی مەلیک مەحمود لە مەودای کارکردندا بەربەست دەکرێت.
ئەمڕۆ پێنجشەممە، 11-6-2026، سەرۆکایەتیی شارەوانیی سلێمانی لە ئاگادارییەکدا دەڵیت، ئەمڕۆ پێنجشەممە لەدوای کاتژمێر (12)ـی نیوەڕۆ دەست بە کاری (قشط) هەڵگرتنەوەی بەشە خراپبووەکانی شەقامی بازنەیی مەلیک مەحمود لە مەودای نزیک مزگەوتی ئەحمەد حاجی عەلی بە ئاڕاستەی چوارڕیانی سەرچنار دەکرێت بەمەبەستی ئامادەکردنیان بۆ سەرلەنوێ قیرتاوکردن.
ئاماژەی بەوەشکرد، بۆ ئاسانکردنی جێبەجێکردنی کارەکان، رۆژی هەینی بەشێک لە شەقامی بازنەیی مەلیک مەحمود لە مەودای کارکردندا بەربەست دەکرێت، هەروەها شۆفێران دەتوانن شەقامی خزمەتگوزاریی مزگەوتی ئەحمەد حاجی عەلی وەک رێگای جێگرەوە بەکاربهێنن.

شەقامێکی سەرەکی بەربەست دەکرێت

کەشناسی هەرێم رایگەیاند، ئاسمان بە گشتی ساماڵ دەبێت و پلەکانی گەرماش (1 تــــا 2) پلە بەرز دەبنەوە.
بەڕێوەبەرایەتی کەشناسی و بوومەلەرزەزانی هەرێم لە بڵاوکراوەیەکدا رایگەیاند، ئەمڕۆ ئاسمان بە گشتی ساماڵ دەبێت و پلەکانی گەرماش (1 تــــا 2) پلە بەرز دەبنەوە بەراورد بە تۆمارکراوەکانی دوێنێ.
دەربارەی کەشوهەوای سبەینێش رایگەیاند، ئاسمان ساماڵ و پەڵە هەور دەبێت، هەروەها پلەی گەرما بە نزیکی (2 تـــــا 3) پلە نزمتر دەبێت بەراورد بە تۆمارەکانی ئەمڕۆ.
بەرزترین پلەکانی گەرمای پێشبینیکراو بۆ ئەمڕۆ:-
هەولێر : 42 پلەی سیلیزی 
پیرمام : 37 پلەی سیلیزی
سلێمانی : 39 پلەی سیلیزی
چەمچەماڵ : 42 پلەی سیلیزی
دهۆک : 40 پلەی سیلیزی
زاخۆ : 42 پلەی سیلیزی 
حاجی ئۆمەران : 30 پلەی سیلیزی

کەشوهەوای سبەینێ بۆ سەیران گونجاوە؟

هەندێ شوێن هەن، مرۆڤ تێیاندا تەنها نایژی؛ بەڵکو بەشێک لە ڕۆحی خۆی لێ جێدەهێڵێت.

خانەقین بۆ من ئەو شوێنە بوو..

کاتێک مرۆڤ دەگاتە سەر لێواری ئێوارەی تەمەن، ڕابردوو وەک تەمومژێکی چڕ لەبەردەم چاوەکانیدا دەنیشێتەوە. نووسینی ئەم دێرانە، کۆششێک نییە بۆ گۆڕینی مێژوو؛ بەڵکو گەڕانە بەدوای ئەو سێبەرە ونبووانەی کە ڕۆژێک لە ڕۆژان، لەژێر تیشکی هەتاوی گەنجێتیدا، بە شانازییەوە هەنگاویان دەنا. لێرەوە، دڵ و پێنووس دەکەمە هاوسەفەری کەشکۆڵێک لە حەسرەت و ئومێد؛ لە ئازاری شەهیدبوونی هاوڕێکانمەوە تا شەپۆلی نەرمی ڕووباری ئەڵوەن.


لە کوێوە دەست پێبکەم، زۆر کات، یادەوەری من دەباتەوە بۆ خانەقین؟ بۆ لای ئەو کووچە تەسک و باریکانەی کە هێشتا بۆنی قوڕی بارانخواردووی منداڵیمانی لێ دێت. خانەقین تەنها شارێک نییە لەسەر نەخشە؛ خانەقین شووناسێکی هەڵکۆڵراوە لەسەر جەستەی ڕۆحە. ئەڵوەن ئەو ڕووبارەیە کە تەمەنی ئێمەی بەڕێ کرد و خۆی هێشتا هەر دەڕوات، گەنجێتی ئێمە وەک ئاوی ئەڵوەن تێپەڕی؛ پاک، بەخۆڕ و پڕ لە مەینەتی و جوانی.


لەژێر سێبەری دارخورما و دارپورتوقڵ و نارەنجەکاندا، عەشق وەک یەکەم خونچەی بەهار دەپشکوێت. هێشتا دەنگی خشەی گەڵا وشکەکانی سەر ڕێگا باریکەکانی کوێچەبانخەکان لە گوێمدا دەزرینگێتەوە. ئێمە لەوێ فێری عەشق بووین؛ فێری ئەوەی کە نیشتمان لە باوەشی دایک و عەتری خاکەوە دەست پێدەکات.


تەمەنی مرۆڤ چەند سەیرە! سەفەرێکە لە لوتکەی جوانی و ڕەوانبیرییەوە بەرەو کەناری بێدەنگی و کڕنۆشبردن بۆ یاسای سروشت. ئەو لۆچانەی ئەمڕۆ لەسەر دەموچاو و دەستەکانم نەخشاون، نیشانەی شکست نین؛ ئەوانە نەخشەی ئەو ڕێگا سەختانەن کە بڕیومن. هێڵی ئەو پێکەنین و گریانانەن کە ژیان پێیان بەخشیم.


لە گەنجێتیدا بیر تیژە وەک شمشێر؛ هەموو شتێک تۆمار دەکات. بەڵام لە پیریدا، لەبیرچوونەوە دەبێتە میوان. زۆرجار لەبیرچوونەوە نیعمەتە؛ مرۆڤ لە قورسیی یادەوەرییە تاڵەکان ڕزگار دەکات، بەڵام حەسرەتی ئەوەش جێدەهێڵێت کە ناوی ئازیزانت لە تەمدا ون ببن.


مرۆڤ بەبێ عەشق، کۆیلەیەکی ڕووتە لە کارگەی زەمانەدا. عەشق ئەو هێزە فەلسەفییەیە کە واتا دەبەخشێتە پیری و بەرگەی تاڵی ژیان دەگرێت. خەون و ئارەزووەکانمان تەنها خەیاڵی شەوانە نین؛ ئەوانە بزوێنەری مرۆڤن بۆ مانەوە. کاتێک لە خەو ڕادەپەڕین و دەبینین جیهان هێشتا پڕە لە نادادی، عەشق دەبێتە تاکە پەناگە. گەنجێتی عەشقی لە گڕدایە، و پیری عەشقی لە قووڵایی و تێڕاماندا؛ یەکەمیان وەک لافاوە و دووەمیان وەک دەریاچەیەکی کڕ و ئارام.


ژیانی ئێمە لەنێوان دوو جەمسەردایە: جەمسەری ژیان و سەوزایی، و جەمسەری کۆچی هەمیشەیی. باخی گشتی و هەواری شار، لە سلەیمانی، شوێنی ژوان، پیاسەی ڕۆشنبیران، ژاوەژاوەی منداڵان و یەکەم بڵێسەی عەشق و ئارەزوون. لێرە ژیان هاوار دەکات و گوڵەکان سەر بەرەو ئاسمان، بە سییەکانیان هەوای ئازادی هەڵدەمژن.


لەو سەرەوە، گردی سەیوان و گۆڕستانی سەلیم بەگ و گردی مامەیارە، کڕ و بێدەنگ پاڵیان داوەتەوە. لێرە، گوڵەکان سیس و شۆڕ دەبنەوە بەرەو زەوی؛ وەک کڕنۆشبردنێک بۆ یاسای سروشت. لێرە ئارامییەکی ئەبەدی هەیە؛ عەشق، خەون و کێبڕکێ سیاسییەکان هەموویان لەژێر ئەم خاکەدا دەبنە یەک. سەیوان و سەلیم بەگ و مامەیارە تەنها گۆڕستان نین؛ کتێبخانەی مێژووی زیندووی نەتەوەیەکن کە شاعیر و نووسەر و هونەرمەند و تێکۆشەرەکانی لە باوەش گرتووە.


دەکرێت باسی تەمەن بکەین و ناوی ئەو هاوڕێیانە نەهێنین کە لە نیوەی ڕێگادا بوونە سێبەری سەر کێلەکان؟ شەهیدەکان کاتژمێری تەمەنیان لە لوتکەی گەنجێتیدا وەستاند تا تەمەنی نیشتمان درێژ بێت. ڕێبازی شەهیدان تەنها دروشمێکی سیاسی نییە؛ فەلسەفەیەکە لە خۆبەخشین. ئەوان ڕۆیشتن تا ئێمە باسی ئازادی بکەین. چەند تاڵە کاتێک هاوڕێی تەمەنت تەنها ناوێک بێت لەسەر دیواری بیرەوەری و کێلی گۆرێک، بەڵام چەند شیرینە کاتێک دەبینیت ڕێبازەکەیان هێشتا وەک مەشخەڵێک ڕێگای نەوەکانی داهاتوو ڕووناک دەکاتەوە.


ئێمە لە نیشتمانێکدا دەژین کە هەمیشە لەسەر لێواری مێژوودا ڕاوەستاوە. داهاتووی کوردستان چی دەبێت؟ ئەو پرسیارەیە کە زۆرجار خەو لە چاوەکانم دەزڕێنێت. سەرەڕای هەموو تەمومژ و ڕەشپۆشییە سیاسییەکان، من هێشتا بڕوام بە ئایندە هەیە. نیشتمانێک کە خاوەنی خوێنی شەهیدان، شکۆی گردی سەیوان،مامەیارەو گۆرستانی سەلیم بەگ و مەزاری سەرۆک مام جەلال لە دەباشان بێت، مەحاڵە لەناو بچێت.


ئایندەی کوردستان لە دەستی ئەو گەنجانەدایە کە لە باخی گشتی خەونی گەورە دەبینن، لە کووچەکانی خانەقینەوە فێری کەرامەت دەبن، لە خاسە و قەڵا و مەتین فێری بەرگری دەبن و لە هەڵەبجەش فێری لێبوردوویی.


لێرەدا، لەسەر لێواری ئەم ئێوارەی تەمەنە، پێنووسەکەم دادەنێم؛ نە وەک کەسێک کە گوتنی تەواو کردووە، بەڵکو وەک ڕۆحێک کە هێشتا دەیەوێت لە ناو بێدەنگیدا دەنگێک جێبهێڵێت. تەمەن وەک ئاوی ئەڵوەن ڕۆیشت، بەڵام سێبەری ئەو ڕۆژانە هێشتا لە ناو دڵدا دەجوڵێتەوە. لۆچەکانی دەموچاو، کێلەی شەهیدان، کووچە باریکەکانی خانەقین و ئارامیی سەیوان، هەموویان پێکەوە دەبنە کتێبێکی ناوازە؛ کتێبێک کە ناونیشانەکەی نیشتمانە.


ئەگەر ڕۆژێک ئەم دێرانە بخوێنرێنەوە، دەمەوێت خوێنەر هەست بکات کە ئەمە تەنها پەخشانێک نەبوو؛ بەڵکو فرمێسکێک بوو لەسەر خاک، چرایەک بوو لەسەر کێلی هاوڕێیان، و هەناسەیەک بوو بۆ ئەو نیشتمانەی کە هەرچەندە برینەکانی قووڵن، بەڵام هێشتا دڵی لە لێدان نەکەوتووە.


چونکە نیشتمان ئەو شوێنە نییە کە تێیدا دەژین؛ نیشتمان ئەو ئاوێنەیە، ڕۆحمان تێیدا خۆی دەناسێتەوە.


ئەگەر کوردێک لە دوای مردنیدا شوێنێک لە جیهاندا بۆی بمێنێتەوە، ئەوە گۆڕەکەی نییە..

ئەو ڕووبارەیە کە منداڵیی خۆی تێدا شۆردووە،

ئەو خاکەیە کە ناوی خۆی لەسەر نووسیوە،

و ئەو نیشتمانەیە کە هەرچەندە دوور بێت،

هێشتا لە ناو ڕۆحیدا نیشتەجێیە.

سینەمای قەلەم

گەڕان بکە بۆ نوێترین فیلم و دراما جیهانیەکان لە سینەمای قەڵەم بە زمانی کوردی و بیانی

نوێترین