ئەنجومەنی وەزیرانی عێراق: بە بۆنەی "ڕۆژانی سەروەری"یەوە، لە ڕۆژی چوارشەممەی ئەم هەفتەیەوە تاوەکو ڕۆژی شەممەی داهاتوو، پشووی فەرمی بێت لە سەرجەم دامەزراوەکانی دەوڵەتدا.
ئەمڕۆ یەکشەممە 27ـی ئەیلوولی 2026، نووسینگەی ڕاگەیاندنی سەرۆک وەزیران رایگەیاند، ئێوارەی دوێنێ شەممە، عەلی فالح زەیدی، سەرۆک وەزیرانی عێراق، سەرپەرشتیی بیستەمین کۆبوونەوەی ئاسایی ئەنجومەنی وەزیرانی کردووە، لە کۆبوونەوەکەدا گفتوگۆ لەبارەی پێشهاتە گشتییەکانی وڵات و چەند دۆسیەیەکی گرنگ کراوە، هەروەها بڕیاری پێویست لەسەر بابەتەکانی ناو خشتەی کار دراون.
ڕاگەیەندراوەکە ڕوونیکردووەتەوە، بۆ ئاهەنگگێڕان بە بۆنەی "ڕۆژانی سەروەری"ی کۆماری عێراقەوە، ئەنجومەنی وەزیران بڕیاریداوە پشووی فەرمی لە سەرجەم دامەزراوەکانی دەوڵەتدا ڕابگەیەنێت، کە لە ڕۆژی چوارشەممە (30ـی ئەیلول) دەستپێدەکات و تاوەکو ڕۆژی شەممە (3ـی تشرینی یەکەم) دەخایەنێت، ڕۆژی یەکشەممە (4ـی تشرینی یەکەم)یش دەوامی فەرمی دەستپێدەکاتەوە.
هاوکات، هاوکات بڕیاریدا بڕی پارەی یەدەگ بۆ پڕۆژەی نۆژەنکردنەوەی نەخۆشخانەی ئیبن سینا لە بەغدا زیاد بکرێت.&nbsp;

چوار رۆژ پشووی فەرمی راگەیەندرا

فڕۆکەخانەی ئیمام خومەینی گەشتەكانی بۆ عێراق و سێ‌ وڵاتی دیكە ڕادەگرێت و دەڵێت، گەشتەکانمان بۆ تورکیا، چین و چەند وڵاتێکی تر ئاسایی بەردەوامن.

ئەمڕۆ شەممە 26ـی ئەیلوولی 2026، فڕۆکەخانەی نێودەوڵەتیی ئیمام خومەینی لە تاران هەڵوەشاندنەوەی گەشتە ئاسمانییەکانی بۆ عێراق، ئیمارات، عومان و جۆرجیا ڕاگەیاند، لە بەرامبەردا جەختی کردەوە، کە گەشتەکانیان بۆ وڵاتانی تورکیا، مالیزیا، چین، پاکستان، ڤێتنام و ئەفغانستان بەپێی خشتەی پێشوەختە بەردەوامن.

ئاماژەی بەوەشکردووە، کە هەوڵەکانیان بەردەوامە بۆ ئەوەی لە زووترین کاتدا گەشتە ئاسمانییە ڕاگەیەندراوەکان دەست پێ بپۆڕێننەوە.

هاوکات، ئەم هەنگاوەی ئێران دوای ئەوە دێت کە وەزارەتی گەنجینەی ئەمریکا سزای بەسەر 34 لایەنی پەیوەندیدار بە کەرتی فڕۆکەوانیی ئێراندا سەپاند، کە 27 کۆمپانیای فڕۆکەوانی دەگرێتەوە.

ئەمەش لەکاتێکدایە، حکومەتی عێراق ڕایگەیاندووە، کە لە گفتوگۆی ڕاستەوخۆدایە لەگەڵ ئیدارەی ئەمریکا بە مەبەستی بەدەرهێنانی هەندێک لە فڕۆکەخانەکانی عێراق لە بڕیاری قەدەغەکردنی گەشتە ئاسمانییەکانی ئێران.

ئێران گەشتەكانی بۆ عێراق و سێ‌ وڵاتی دیكە ڕادەگرێت

سەرۆکوەزیرانی عێراق: پڕۆسەی ڕادەستکردنی چەک لەلایەن گرووپە چەکدارەکانەوە زۆرەملێیە نەک ئارەزوومەندانە، هەر گرووپێک لە دوای وادەی دیاریکراو بەردەوام بێت، بە دەرچوو لە یاسا هەژمار دەکرێت.
 
ئەمڕۆ سێشەممە 22ـی ئەیلوولی 2026، عەلی فالح زەیدی سەرۆکوەزیرانی عێراق، لە چاوپێکەوتنێکدا لەگەڵ ڕۆژنامەی (نیویۆرک تایمز)ـی ئەمریکی رایگەیاند، پڕۆسەی کۆنتڕۆڵکردنی چەک بە پێدانی مۆڵەتێکی (90) ڕۆژە دەستپێدەکات، کە تێیدا گرووپە چەکدارەکان و ویلایەتە یەکگرتووەکانی ئەمریکا هێرشەکانیان بۆ سەر یەکتر ڕادەگرن.
 
ئاماژەی بەوەشکرد، گرووپە چەکدارەکان دەستدەکەن بە ڕادەستکردنی چەکەکانیان و مەرجیشە پڕۆسەکە تاوەکو (30)ـی حوزەیرانی ساڵی داهاتوو (2027) بەتەواوی کۆتایی پێبێت.
 
هاوکات، لە بەشێکی دیکەی چاوپێکەوتنەکەدا، عەلی فالح زەیدی ڕوونیکردووەتەوە کە عێراق بەهۆی جەنگەوە سەدا 60ـی داهاتی مانگانەی نەوتی لەدەستداوە، هەر بۆیە کۆنتڕۆڵکردنی چەک بە مەرجێکی سەرەکی دەزانێت بۆ بنیاتنانی ئابوورییەکی بەهێز و دروستکردنی پەیوەندیی ئابووریی لەگەڵ وڵاتانی جیهاندا.&nbsp;&nbsp;&nbsp;

رادەستکردنی چەک زۆرەملێیە نەک ئارەزوومەندانە

ئەمڕۆ دەست بە دابەشکردنی مووچەی مانگی ئابی مامۆستایانی گرێبەست دەکرێت، کە مووچەکانیان لەسەر داهاتی ناوخۆیە.

وەزارەتی دارایی و ئابووری هەرێم رایگەیاند، دەست بە دابەشکردنی مووچەی مانگی ئابی مامۆستایانی گرێبەستی وەزارەتی پەروەردە و خوێندنی باڵاو توێژینەوەی زانستی دەکرێت و تا ڕۆژی پێنجشەممە 24ـی ئەیلوول، سەرجەمیان مووچەکانیان وەردەگرن.

ئاماژەی بەوەشکرد، لەهەمان کاتدا دەست بە دابەشکردنی مووچەی مانگی ئابی سەرجەم ئەو فەرمانبەرانە دەکرێت کە لەدوای 1ی تەمموزی 2024ـەوە بە شێوەی گرێبەست و هەمیشەیی لەسەر میلاکی دامەزراوەکانی حکومەتی هەرێم دامەزراون و شایستەکانیان لەسەر داهاتی ناوخۆی هەرێمی کوردستان خەرج دەکرێت.

ئەمەش لەکاتێکدایە، لە هەرێمی کوردستان زیاتر لە 80 هەزار مامۆستا و فەرمانبەر هەیە، کە بەشێوەی گرێبەست کاردەکەن و مووچەکانیان لەسەر داهاتی ناوخۆیە، دوێنێ فالح ساری، وەزیری دارایی عێراق ڕایگەیاند، سەرجەم گرێبەستەکان لەناو پڕۆژە یاسای بودجەی 2027 دەکرێنە هەمیشەیی.

مووچەی مانگی ئابی مامۆستایانی گرێبەست دابەش دەکرێت

سەرۆکی پەرلەمانی ئێران: ڕەخنەی توندی لەو لایەنانە دەگرین کە وڵاتەکەمان بەرەو "جەنگێکی بێکۆتا" دەبەن و تاران لە ڕێگەی نێوەندگیرەکانەوە پەیام و مەرجەکانی خۆی ئاراستەی ئەمەریکا کردووە.
ئەمڕۆ یەکشەممە 20ـی ئەیلوولی 2026، محەمەد باقر قالیباف سەرۆکی پەرلەمانی ئێران، لە وتارێکدا لە پەرلەمانی ئێران ڕایگەیاند، هەندێک لایەن باس لە جەنگ دەکەن بێ ئەوەی هیچ ئاسۆ و میکانیزمێکیان بۆ کۆتاییهێنانێکی بەهێز پێبێت.&nbsp;
ئاماژەی بەوەشکرد، ئەم جۆرە تێڕوانینە کە هەر جۆرە گفتوگۆ و دیپلۆماسییەک ڕەتدەکاتەوە بێ لەبەرچاوگرتنی تواناکان، وڵات بەرەو داڕمان و جەنگێکی بێکۆتا دەبات و دەڵێت:" پێویستە هەم بجەنگین و هەم دانوستان بکەین".&nbsp;
دەشڵێت، پەیام و مەرجەکانیان بەڕوونی لە ڕێگەی نێوەندگیرەکانەوە گەیاندووەتە بەرامبەرەکەیان و هۆشداریشیدا کە تا مەرجە پێشوەختەکانی ئێران جێبەجێ نەکرێن، هیچ دەروازەیەک نییە بۆ گەڕانەوە بۆ دۆخی پێشووی دانوستانەکان و کردنەوەی گەرووی هورمز. ئەمەش لەکاتێکدایە،&nbsp;
ڕۆژی ڕابردوو موحسین ڕەزایی، سکرتێری ئەنجومەنی باڵای ئاسایشی نەتەوەیی ئێران ڕایگەیاندبوو، تاران لە ڕێگەی نێوەندگیرەکانی قەتەر و پاکستانەوە مەرجەکانی خۆی بۆ دانوستان گەیاندووەتە ئەمەریکا و لە ئێستادا "چاوەڕوانی وەڵامی ترەمپ" دەکەن.&nbsp;

نە دانوستان دەکەین نە گەرووی هورمز دەکەینەوە

کەشناسی هەرێم: ئەمڕۆ ئاسمان ساماڵ دەبێت، پلەکانی گەرما ڕوو لە نزمبوونەوە دەکەن.

ئەمڕۆ یەکشەممە 20ـی ئەیلوولی 2026، کەشناسی هەرێم رایگەیاند، ئاسمان ساماڵ دەبێت، پلەکانی گەرما لە ناوەراست و باکووری هەرێم کەمێک نزمتر دەبێتەوە، بەڵام لە رۆژهەڵاتی هەرێم (2-3) پلە نزم دەبێتەوە بە بەراورد بە تۆمارەکانی دوێنێ.

بەرزترین پلەکانی گەرمای ئەمڕۆ:

هەولێر: 34 پلەی سیلیزی
پیرمام: 29 پلەی سیلیزی
سلێمانی: 35 پلەی سیلیزی
چەمچەماڵ: 35 پلەی سیلیزی
هەڵەبجە: 35 پلەی سیلیزی
دهۆک: 32 پلەی سیلیزی
زاخۆ: 33 پلەی سیلیزی
ئاکرێ: 34 پلەی سیلیزی
گەرمیان: 38 پلەی سیلیزی
حاجی ئۆمەران: 25 پلەی سیلیزی

بەپێی ڕاپۆرتەکەی کەشناسی هەرێمی کوردستان، سبەینێ دوو شەممە، ئاسمان پەڵەهەور بۆ نیمچە هەور دەبێت، لە ناوچە شاخاوییەکانی باکووری هەرێم هەندێک کات دەگۆڕێت بۆ هەوری تەواو.

بەرزترین پلەکانی گەرمای پێشبینیکراو بە پلەی سیلیزی
هەولێر: 36 پلەی سیلیزی
پیرمام: 31 پلەی سیلیزی
سلێمانی: 36 پلەی سیلیزی
چەمچەماڵ: 36 پلەی سیلیزی
هەڵەبجە: 36 پلەی سیلیزی
دهۆک: 32 پلەی سیلیزی
زاخۆ: 33 پلەی سیلیزی
ئاکرێ: 35 پلەی سیلیزی
گەرمیان: 38 پلەی سیلیزی
حاجی ئۆمەران: 26 پلەی سیلیزی.

کەش و هەوا فێنک دەکات

وەزارەتی دارایی خشتەی دابەشکردنی مووچەی مانگی ئابی مامۆستایانی گرێبەست و فەرمانبەرانی نوێ ڕادەگەیەنێت.

ئەمڕۆ شەممە 19ـی ئەیلوولی 2026، وەزارەتی دارایی و ئابووریی حکومەتی هەرێمی کوردستان، خشتەی نوێی دابەشکردنی مووچەی ڕاگەیاند و تێیدا جەخت لەوە کراوەتەوە، که لە هەفتەی داهاتوودا مووچەی مامۆستایانی گرێبەست و چەند چینێکی تری فەرمانبەران دابەش دەکرێت.

بەپێی ڕاگەیەندراوەکە، ڕۆژی دووشەممە (21ـی ئەیلوول)، پرۆسەی دابەشکردنی مووچەی مانگی ئابی مامۆستایانی گرێبەست لە هەردوو وەزارەتی پەروەردە و خوێندنی باڵا و توێژینەوەی زانستی دەست پێ دەکات و پرۆسەکەش تا ڕۆژی پێنجشەممە (24ـی ئەیلوول) بەردەوام دەبێت بۆ ئەوەی سەرجەمیان شایستە داراییەکانیان وەربگرن.

هاوکات، وەزارەتی دارایی ئاماژەی بەوەداوە، که دەست بە دابەشکردنی مووچەی مانگی ئابی سەرجەم ئەو فەرمانبەرانەش دەکرێت کە لە دوای (1ـی تەممووزی 2024) بە شێوەی گرێبەست و هەمیشەیی لەسەر میلاکی دامەزراوەکانی حکوومەتی هەرێم دامەزراون و شایستە داراییەکانیان لەسەر داهاتی ناوخۆی هەرێمی کوردستان بۆ خەرج دەکرێت.

مووچەی مامۆستایانی گرێبەست دابەشدەکرێت

سێنتکۆم: گەرووی هورمز لە مین پاک کرایەوە و هاتوچۆی کەشتییەکان ئاساییە.

ئەمڕۆ شەممە 19ـی ئەیلوولی 2026، فەرماندەییی ناوەندیی هێزەکانی ئەمریکا (سێنتکۆم) ڕایگەیاند، کە ڕێڕەوە سەرەکییەکانی پەڕینەوە لە گەرووی هورمز بە تەواوی لە مین پاک کراونەتەوە و تا ئێستاش هەزاران کەشتی بە سەلامەتی بەو گەرووە گرنگەدا تێپەڕیون.

ئاماژەی بەوەشکرد، کە لە ئێستادا لە هەماهەنگی و کارکردنی بەردەوامدایە لەگەڵ وڵاتانی ناوچەی کەنداو، کۆمپانیاکانی کەشتیوانی و کۆمپانیاکانی دڵنیایی .

هاوکات، ئامانج لەم هەماهەنگی و هەنگاوانە، زامنکردنی زیاتری ئاسایشی دەریایی و بەرزکردنەوەی قەبارە و ڕەوتی هاتوچۆی کەشتییەکانە لە گەرووی هورمزدا.

گەرووی هورمز لە مین پاک کرایەوە

بەڕێوەبەرایەتی گشتی کەشناسی و بوومەلەرزەزانیی هەرێمی کوردستان، پێشبینیی کەشوهەوای ئەمڕۆ و سبەی هەینی، بڵاوکردەوە.

بەپێی پێشبینییەکانی کەشناسی، کەشی ئەمڕۆ پێنجشەممە بە گشتی ساماڵ دەبێت و خێرایی با لە نێوان 10 تا 20 کیلۆمەتر لە کاتژمێرێکدا دەبێت، ئاراستەی باش بە باکووری خۆرئاوا دەبێت و مەودای بینین لە نێوان 8 تا 10 کیلۆمەتر دەبێت.

هەروەها، پلەکانی گەرما نزیک دەبنەوە لەو پلە گەرماییەی کە دوێنێ تۆمارکراوە، و بەرزترین پلەی گەرما بەم شێوەیە پێشبینی کراوە:

هەولێر: 39 پلەی سیلیزی
پیرمام: 33 پلەی سیلیزی
سلێمانی: 36 پلەی سیلیزی
هەڵەبجە: 40 پلەی سیلیزی
چەمچەماڵ: 38 پلەی سیلیزی
دهۆک: 37 پلەی سیلیزی
زاخۆ: 39 پلەی سیلیزی
ئاکرێ: 37 پلەی سیلیزی
گەرمیان: 42 پلەی سیلیزی
حاجی ئۆمەران: 29 پلەی سیلیزی
بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاندووە کە سبەی هەینی، 18ـی ئەیلوولی 2026، ئاسمان ساماڵ و پەڵەهەور دەبێت، لەگەڵ ئەگەری بەرزبوونەوەی کەمێک تۆزوخۆڵ لە کاتەکانی دوایی نیوەڕۆدا.

خێرایی با لە نێوان 10 تا 20 کیلۆمەتر لە کاتژمێرێکدا دەبێت، بەڵام لە دوایی نیوەڕۆدا لە هەندێک کاتدا خێرایی با چالاک دەبێت و دەگاتە سەرووی 30 کیلۆمەتر لە کاتژمێرێکدا.

مەودای بینینیش لە نێوان 6 تا 8 کیلۆمەتر دەبێت و پلەکانی گەرما کەمێک بەرزتر دەبن بەراورد بە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بەم شێوەیەیە:

هەولێر: 40 پلەی سیلیزی
پیرمام: 35 پلەی سیلیزی
سلێمانی: 38 پلەی سیلیزی
هەڵەبجە: 41 پلەی سیلیزی
چەمچەماڵ: 39 پلەی سیلیزی
دهۆک: 38 پلەی سیلیزی
زاخۆ: 40 پلەی سیلیزی
ئاکرێ: 39 پلەی سیلیزی
گەرمیان: 44 پلەی سیلیزی
حاجی ئۆمەران: 29 پلەی سیلیزی

پلەیەکانی گەرما لە هەندێک ناوچەدا بەرز دەبێنەوە

وەزیری پەروەردە: پرۆسەی خوێندن هیچ دواکەوتنێک بەخۆوە نابینێت و بڕیارە ڕۆژی 20ـی ئەیلوول وەک یەکەم ڕۆژی دەوامی فەرمی لە سەرجەم ناوەندەکانی خوێندن لە هەرێمی کوردستان دەست پێ بکات.

ئالان حەمە سەعید، وەزیری پەروەردەی حکومەتی هەرێم، لە کۆنفرانسێکی ڕۆژنامەوانیدا، کۆمەڵێک بڕیار و پێشاتی گرنگی سەبارەت بە دەستپێکی ساڵی نوێی خوێندن و دۆخی مامۆستایان ڕاگەیاند و کۆتایی بە دەنگۆکانی دواخستنی دەوام هێنا.





ئاماژەی بەوەشکرد، که‌ به‌پێی ماددەی 114ـی دەستوور، هەرێمی کوردستان خاوەنی دەسەڵاتی تایبەت بە خۆیەتی لە بواری پەروەردە و بەڕێوەبردنیدا، و ئەو بڕیارانەی حکومەتی عێراق دەیدەن بەسەر پەروەردەی هەرێم جێبەجێ ناکرێت.



هاوکات، ئەنجوومەنی وەزیران بڕیاریدا سیستمی لەجێگەدانانی گرێبەست لەسەر داهاتی ناوخۆ بۆ هەردوو وەزارەتی پەروەردە و خوێندنی باڵا کارابکرێتەوە، کە پێشتر لە سەرەتای مانگی ئابەوە ڕاگیرابوو.



ئەمەش لەکاتێکدایە،بەپێی ئامارەکان بۆ ئەمساڵی خوێندن نزیکەی سێ هەزار مامۆستا خانەنشین بوون، و بڕیارە لە ڕێگەی سیستمی لەجێگەدانانەوە شوێنەکانیان پڕ بکرێتەوە بۆ ئەوەی هیچ کورتهێنانێک لە ناوەندەکانی خوێندن دروست نەبێت.

دوا بڕیار لەبارەی وادەی دەستپێکردنەوەی خوێندنەوە

وەزارەتی دارایی: زیاتر لە 831 ملیار دینار وەک پارەی مووچەی مانگی هەشت خرایە سەر هەژماری بانکی وەزارەتی دارایی.


ئەمڕۆ دووشەممە 14ـی ئەیلوولی 2026، وەزارەتی دارایی حکومەتی هەرێم رایگەیاند، 831 ملیار و 666 ملیۆن دینار وەک تەمویلی مووچەی مانگی ئابی فەرمانبەران و مووچەخۆرانی هەرێم خرایە سەر هەژماری بانکی وەزارەتی دارایی لە لقی هەولێری بانکی ناوەندی عێراق و دوای تەواوکردنی ڕێکارەکان لیستی مووچە بڵاودەکەرێتەوە و لە نزیکترین کاتدا دەست بە دابەشکردنی دەکرێت.


ئاماژەی بەوەشکرد هاوشێوەی چەند مانگی ڕابردوو وەزارەتی دارایی فیدراڵ بڕی 120 ملیار دیناری وەک پشکی گەنجینەی فیدراڵی لە داهاتی نانەوتی هەرێم بۆ مانگی ئاب لە کۆی تەمویلی مووچە بڕیوە.


دەشڵێت، بەغدا بڕی زیاتر لە شەش ملیار دینار لە تەمویلی موچەی مانگی ئاب نەناردووە کە بریتییە لە شایستەی موچەی مانگەکانی ڕابردووی خانەنشینانی شارستانی و سەربازی.

هاوکات، دوای تەواوکردنی ڕێکارەکان و وەرگرتنی پارەکە بەشێوەی کاش لە لقی هەولێری بانکی ناوەندی عێراق ڕاستەوخۆ لیستی مووچە بڵاو دەکرێتەوە و لە نزیکترین کاتدا دەست بەدابەشکردنی مووچەی مانگی ئاب دەکرێت.

وەزارەتی دارایی بە فەرمی هاتنی مووچە و کاتی دابەشکردنی راگەیاند

شارەوانیی سلێمانی: شەقامی ڕۆیشتن لە ئاڕاستەی سلێمانییەوە بەرەو کەرکوک بۆ ماوەیەک بەربەست دەکرێت، هاوکات داوا لە شۆفێران دەکەین کە شەقامی جێگرەوە بەکاربهێنن.

ئەمڕۆ دووشەممە 14ـی ئەیلوولی 2026، شارەوانیی سلێمانی رایگەیاند، بەهۆی بەردەوامبوونی کار لە یەکتربڕی ژمارە 11ـی شەقامی 100 مەتری کە دەکەوێتە ناوچەی تاسڵوجە، بە هاوکاری و هەماهەنگی هاتوچۆی سلێمانی، شەقامی ڕۆیشتن لە ئاڕاستەی سلێمانییەوە بەرەو کەرکوک، لە دوانیوەڕۆی ئەمڕۆوە، بۆ ماوەیەک بەربەست دەکرێت.


ئاماژەی بەوەشکرد، بۆ ئاسانکاریی هاتووچۆ و پاراستنی سەلامەتی هاوڵاتیان و شۆفێران، هاوکاریی تیمەکان بکەن و بەپێی نەخشەی دیاریکراو و بە گوێرەی هێما و ڕێنیشاندەری هاتووچۆی دانراو لە شەقامەکە، شەقامی جێگرەوە بەکاربهێنن بۆ ڕۆیشتن لە سلێمانییەوە بەرەو کەرکوک.

سینەمای قەلەم

گەڕان بکە بۆ نوێترین فیلم و دراما جیهانیەکان لە سینەمای قەڵەم بە زمانی کوردی و بیانی

نوێترین