خوان لاپۆرتا سەرۆکی یانەی بارسێلۆنا، دوای دورخرانەوەی یانەکەی لە چامپیۆنزلیگ نیگەرانییەکی زۆری نیشان دا و بە تووندی ڕەخنەی لە بڕیارەکانی ناوبژیوانی یارییەکە گرت، لاپۆرتا ئاماژەی بەوە دا کە بڕیارەکانی ڤار و ناوبژیوان لە یارییەکەی بەرامبەر ئاتلێتیکۆ مەدرید نادادپەروەرانە بوون و کاریگەرییەکی ڕاستەوخۆیان لەسەر ئەنجامەکە هەبووە.
سەرۆکی بارسا باسی لەوە کرد کە یانەکەی سکاڵای فەرمی پێشکەشی یوێفا دەکات، چونکە پێی وایە دەرکردنی ئێرک گارسیا و ڕەتکردنەوەی گۆڵەکەی فێران تۆرێس بڕیاری هەڵە بوون، هەروەها گووتی "ئەو جۆرە هەڵانە لە ئاستێکی بەرزی وەک چامپیۆنزلیگ جێگەی قبوڵکردن نین و بارسێلۆنا قوربانی ئەو بڕیارانە بووە."
لە کۆتاییدا لاپۆرتا دوپاتی کردەوە کە سەرەڕای ئەم بێ ئومێدییە، تیمەکە هەموو وزەی خۆی بۆ بەدەستهێنانی نازناوی لالیگا تەرخان دەکات.

بارسێلۆنا شکات دەکات

یانەی ڕیال مەدرید لە ئێستادا بە قۆناغێکی سەختدا تێپەڕ دەبێت، چونکە بەشێکی زۆر لە یاریزانە سەرەکییەکانی بەهۆی پێکانەوە دوورکەوتوونەتەوە, ئەم دۆخە بووەتە ئاڵانگاریەکی گەورە بۆ پلانە ته‌کتیکییەکانی یانەکە، بەتایبەت کە یارییە چارەنووس سازەکانی خولی ناوخۆیی و چامپیۆنزلیگ نزیک بوونەتەوە. 
لیستی یاریزانە پێکراوەکان یەکێک لە گەورەترین نیگەرانییەکانی مەدرید پێکانە سەختەکەی ڕۆدریگۆیە، ڕاپۆرتەکان ئاماژە بەوە دەکەن کە ئەم هێرشبەرە بەڕازیلییە تووشی پچڕانی بەستەرەکانی (ACL) بووە، ئەمەش واتە ڕەنگە بۆ تەواوی ئەم وەرزە نەگەڕێتەوە، لەدەستدانی ڕۆدریگۆ گورزێکی کوشندەیە بۆ هێڵی هێرشبەری یانەکە.
لەلایەکی دیکەوە، کیلیان ئێمباپێ بەدەست کێشەی ئەژنۆیەوە دەناڵێنێت کە وایکردووە بەشدارییەکانی سنووردار بن، خێرایی و توانای گۆڵکردنی ئێمباپێ مۆرکێکی تایبەتی هەیە و نەبوونی ئەو کاریگەرییەکی ڕاستەوخۆی لەسەر هێزی هێرشبەری شاهانەکان دەبێت.
جود بێلینگهام، داینەمۆی هێڵی ناوەڕاست، بەهۆی کێشەی بەستەرەکانی پشت ئەژنۆوە لە لیستەکەدا نییە، بێلینگهام لە کاتی هاتنی بۆ مەدرید بڕبڕەی پشتی یانەکە بووە و بێ ئەو، مەدرید لە جڵەوگیرکردنی ناوەڕاستی یاریگا تووشی زەحمەتی دەبێت.
بارودۆخی هێڵی بەرگری و ناوەند لە هێڵی بەرگریدا، هۆیسن و ئیدێر میلیتاو هەردووکیان بەدەست پێکانی ماسولکەییەوە دەناڵێن، ئەم دوو یاریزانە ئەزموون و سەرکردایەتییەکی زۆریان هەیە و ئامادە نەبوونیان وادەکات ستافی ڕاهێنەران پەنا بۆ یاریزانی لاو یان کەم ئەزموون ببەن، هەروەها دانی سیبایۆسیش لە قۆناغی چاکبوونەوەدایە و ڕەنگە تا چەند هەفتەیەکی تر نەگەڕێتەوە,هەر ئەمڕۆش ڕۆژنامە ئیسپانییەکان ڕایانگەیاند کارێراسیش تووشی پێکان بووە. هەفتەکانی داهاتوو بۆ مەدرید یەکلاکەرەوە دەبن، ئەگەر یاریزانەکان زوو بگەڕێنەوە، یانەکە دەتوانێت هاوسەنگی ڕابگرێتەوە، بەڵام ئەگەر قەیرانەکە بەردەوام بێت، فشارەکان لەسەر یانەکە لە هەموو خولەکاندا دوو هێندە دەبن، ئێستا پرسیاری سەرەکی هاندەرانی ڕیاڵ مەدرید ئەوەیە: ئایا مەدرید دەتوانێت بەبێ ئەستێرە گەورەکانی وەک ئێمباپێ و بێلینگهام لە لوتکەدا بمێنێتەوە؟

تەنگەشەی پێکان بەرۆکی ڕیال مەدرید بەرنادات

بەپێی هەواڵێکی ڕۆژنامەنووسی بەناوبانگی ئیتاڵی فابریزیۆ ڕۆمانۆ، ئیدواردۆ کاماڤینگا بۆ یاری چامپیۆنزلیک بەرامبەر مانچستەر سیتی دەگەڕیتەوە، لە ئێستادا ڕیال مەدرید زیاتر لە 5 یاریزانی سەرەکی پێکانیان هەیەو لە یاریگاکان دوورکەوتونەتەوە لەو یاریزانانەش: ڕۆدریگۆ،میلیتاو،مباپێ،بێلینگهام،سیبایۆس.

ئەم یاریزانەی ڕیاڵ مەدرید بۆ یاری مانچستەر سیتی دەگەڕێتەوە

پێکانی بەستەری ئەژنۆ کە بە ئەی سی ئێڵ دەناسرێت، یەکێکە لە ترسناکترین جۆرەکانی پێکان کە تووشی یاریزانانی تۆپی پێ دەبێتەوە، ئەم پێکانە نەک تەنها یاریزان بۆ ماوەیەکی درێژ لە یاریگاکان دوور دەخاتەوە، بەڵکو کاریگەرییەکی دەروونی و جەستەیی قورسیشی لەسەر داهاتووی وەرزشییان دەبێت. سروشتی پێکانەکە و ماوەی دوورکەوتنەوە کاتێک یاریزانێک تووشی پێکانی بەستەری ئەژنۆ دەبێت، بەزۆری پێویستی بە نەشتەرگەرییەکی ورد و دواتر پڕۆسەیەکی درێژی چاکبوونەوە هەیە، ئەم پڕۆسەیە بەشێوەیەکی گشتی لە نێوان حەوت بۆ نۆ مانگ دەخایەنێت یاخوود هەندێک کات 12 مانگ.

مەترسی لەسەر خێرایی و کارای تەکنیلۆژی یاریزانانی باڵ و هێرشبەران زیاتر لە هەر یاریزانێکی تر پشت بە خێرایی کتوپڕ و گۆڕینی ئاراستەی ڕاکردن دەبەستن، پێکانی بەستەری ئەژنۆ دەکرێت کاریگەری لەسەر ئەو چالاکییە هەبێت، زۆرجار یاریزانان دوای گەڕانەوەیان، ماوەیەکی زۆریان دەوێت تاوەکو دەگەنەوە بەو ئاستە بەرزەی پێش پێکانەکەیان، چونکە ترس لە دووبارەبوونەوەی پێکانەکە لە ڕووی دەروونییەوە کار دەکاتە سەر شێوازی یاری کردنیان. 
هۆکارەکانی زیادبوونی ئەم پێکانە لە سەرەتای وەرزە نوێیەکاندا، بەهۆی زۆری ژمارەی یارییەکان و نەبوونی کاتی پێویست بۆ پشوودان، فشاری سەر ماسولکە و بەستەرەکانی یاریزانان دوو هێندە بووە، ماندووبوونی زۆر دەبێتە هۆی ئەوەی ماسولکەکان نەتوانن پارێزگاری لە جێگیری ئەژنۆ بکەن، ئەمەش ئەگەری پچڕانی بەستەرەکان زیاتر دەکات. 

ئاییندەی یاریزان دوای چاکبوونەوە بەهۆی پێشکەوتنی پزیشکی وەرزشییەوە، ئێستا زۆربەی یاریزانان دەتوانن بە سەرکەوتوویی بگەڕێنەوە، نموونەی زۆر هەبوون کە دوای ئەم پێکانە بەهێزتر گەڕاونەتەوە، بەڵام ئەمە پێویستی بە دیسپلینێکی بەرز لە ڕاهێنانی بەهێزکردنی ماسولکەکان و ئارامییەکی زۆر هەیە لە لایەن یانەکە و هاندەرانەوە.

پێکانی بەستەری ئەژنۆ مۆتەکەی ئەستێرە لاوەکانی تۆپی پێ

لەم ساڵانەی دواییدا، تۆپی پێ گۆڕانکارییەکی ڕیشەیی بەخۆوە بینیوە، ئەگەر جاران تەنها لێهاتوویی یاریزان و تاکتیکی ڕاهێنەر بڕیاردەر بووایە، ئێستا تەکنەلۆژیا و داتا بوونەتە بزوێنەری سەرەکی سەرکەوتن.
یانە گەورەکان وەک (لیڤەرپوول و مانچستەر سیتی) چیتر تەنها بە چاو سەیری یاریزانەکان ناکەن، ئەوان سوود لە زیرەکی دەستکرد وەردەگرن بۆ دۆزینەوەی ئەو یاریزانانەی کە لەگەڵ شێوازی یاری یانەکانیان دەگونجێن، AI دەتوانێت پێشبینی بکات کە ئایا یاریزانێک لە خولێکی جیاوازدا سەرکەوتوو دەبێت یاخود نا، ئەمەش مەترسی بەهەدەردانی ملیۆنان دۆلار کەمدەکاتەوە.
یانە مامناوەندەکانی وەک برایتۆن و برێنتفۆرد لە ئینگلتەرا، بوونەتە نموونەی باڵا لە بەکارهێنانی AI، ئەوان یاریزانێک بە 2 ملیۆن پاوەند دەدۆزنەوە کە هیچ کەس ناوی نەبیستووە، دوای دوو ساڵ بە 100 ملیۆن پاوەند دەیفرۆشنەوە، ژیری دەستکرد شیکردنەوە بۆ هەزاران کاتژمێر ڤیدیۆ و ملیۆنان داتا دەکات بۆ دۆزینەوەی یاریزانێک کە تایبەتمەندییەکانی لەگەڵ شێوازی یانەکە دەگونجێت، پێش ئەوەی یانە گەورەکان پێی بزانن.

پێشبینیکردنی گونجاندن
یەکێک لە گەورەترین کێشەکانی تۆپی پێ ئەوەیە یاریزانێک لە ئەڵمانیا گۆڵکارە، بەڵام کە دێتە ئینگلتەرا شکست دەهێنێت، زیرەکی دەستکرد دەتوانێت هاوشێوەسازی (Simulation) بکات: "ئەگەر ئەم یاریزانە لە خولێکی خێراتر و بەرگرییەکی بەهێزتردا یاری بکات، ئاستی چۆن دەبێت؟". ئەمە وادەکات یانەکان پارەکانیان بە فیڕۆ نەدەن.

کەمکردنەوەی مەترسی پێکان
لە کاتی گواستنەوەدا، AI سەیری مێژووی پزیشکی و جەستەیی یاریزانەکە دەکات، دەتوانێت پێشبینی بکات کە ئایا ئەم یاریزانە لە داهاتوودا ئەگەری تووشبوونی بە پێکانی درێژخایەن چەندە؟ ئەمەش کار دەکاتە سەر نرخی یاریزانەکە لە بازاڕدا.

دیاریکردنی نرخی ڕاستەقینە
زۆرجار یانەکان پارەیەکی زۆر زیادە (Overpriced) دەدەن بە یاریزانێک تەنها لەبەر ناوبانگەکەی، زیرەکی دەستکرد بەبێ لایەنگیری و تەنها بەپێی ئاستی ناو یاریگا، تەمەن، و ماوەی گرێبەستەکەی، نرخێکی دادپەروەرانە بۆ یاریزانەکە دیاری دەکات.

شۆڕشی زیرەکی دەستکرد لە بازاڕی گواستنەوەی یاریزاناندا

ئەمڕۆ جیهانی تۆپی پێ بە هەواڵێکی چاوەڕواننەکراو و هەژێنەر بەخەبەر هات؛ یۆرگن کلۆپ، ئەو ناوەی کە ساڵانێکە وەک داڕێژەر و ئەندازیاری سەرکەوتنەکانی لیڤەرپوول دەناسرێت، تەنها دوای ماوەیەکی کورت لە دەستبەکاربوونی وەک بەڕێوەبەری گشتی تۆپی پێ لە کۆمپانیای ڕێد بۆڵ (Red Bull)، لە پۆستەکەی دوورکەوتووەتەوە. ئەم هەواڵە تەنها گۆڕانکارییەکی کارگێڕی نییە، بەڵکو وەک "بومەلەرزەیەک" وایە بۆ بازاڕی ڕاهێنەران، بەتایبەت کە ڕیاڵ مەدرید لە دوورەوە بە وردی چاودێری دۆخەکە دەکات.
هۆکارەکانی پشت ئەم جیابوونەوەیە چی بوون؟
بەپێی زانیارییەکانی ڕۆژنامەی Salzburger Nachrichtenی نەمسایی، کە یەکێکە لە سەرچاوە هەرە باوەڕپێکراوەکانی نزیک لە کۆمپانیای ڕێد بۆڵ، پڕۆژەی کلۆپ وەک ئەوەی پلانی بۆ داڕێژرابوو سەرکەوتوو نەبوو. چەند خاڵێکی سەرەکی وەک هۆکاری ئەم دوورکەوتنەوەیە باس دەکرێن:
&nbsp;- بەریەککەوتنی دیدگاکان: کلۆپ دەیویست گۆڕانکاری ڕیشەیی لە سیستەمی یاریکردنی یانەکانی (لایپزیگ و ساڵزبۆرگ) بکات، بەڵام کارگێڕی ڕێد بۆڵ پارێزگارییان لە فەلسەفە کۆنەکەی خۆیان دەکرد.

- فشاری هاندەران: لە ئەڵمانیا هاندەرانی خولی بۆندزلیگا بەردەوام ڕەخنەی توندیان لە کلۆپ دەگرت بەهۆی پەیوەندی بە ڕێد بۆڵەوە، ئەمەش کاریگەری دەروونی لەسەر ڕاهێنەرەکە دروست کردبوو.

- خولیای گەڕانەوە: سەرچاوەکان دەڵێن کلۆپ لە کارە کارگێڕییەکان بێزار بووە و "بیری بۆنی چیمەنتۆ و هاواری هاندەران" دەکات.

&nbsp;ڕیاڵ مەدرید وەک ڕاوچییەک لە کەمیندایە
ڕۆژنامە گەورەکانی ئیسپانیا، وەک ئاس (AS) و مارکا (Marca)، دەستبەجێ ئەم هەواڵەیان بەستووەتەوە بە داهاتووی سانتیاگۆ بێرنابیۆوە. سەرەڕای ئەوەی ئۆلیڤەر مینتزلاف، بەڕێوەبەری جێبەجێکاری ڕێد بۆڵ، هەوڵ دەدات دۆخەکە هێور بکاتەوە و دەڵێت: "ئەم هەواڵانە بێ بنەمان و کلۆپ بەشێکە لە پڕۆژەی ئێمە"، بەڵام میدیا ئیسپانییەکان دوپاتی دەکەنەوە کە کار لە کار ترازاوە.
فلۆرێنتینۆ پێرێز، سەرۆکی یانەی ڕیاڵ مەدرید، هەمیشە سەرسامی خۆی بۆ کەسایەتی و وزەی کلۆپ نیشان داوە. لە ئێستادا، ناوی کلۆپ وەک تاکە کاندید دەردەکەوێت کە بتوانێت "کۆنترۆڵی" ئەو هەموو ئەستێرە گەورەیەی وەک (مباپێ، بێلینگهام و ڤینیسیۆس) بکات.

ئایا یۆرگن کلۆپ دەبێتە جێگرەوەی ئەربیلوا؟

پێدری گۆنزالێس ناوەڕاستکار و یاریزانی هەڵبژاردەی ئیسپانیا و یانەی بارسێلۆنا لە نوێترین دیمانیدا پریسیاری دەربارەی یاریزانی دڵخوای لیدەکرێت کە یاری بۆ یانەی ڕیال مەدرید دەکات، پێدری لە وەلامدا دەلیت ئیمباپێ یاریزانی دڵخوازمە لە یانەی ریاڵ مەدرید.

 یاریزانی دڵخوازی پێدری لە یانەی ڕیاڵ مەدرید کێییە؟

بە پێی هەواڵێکی تۆڕی وەرزشی Sky Sport، بڕی پارەی گواستنەوەی لویس دیاز بۆ یانەی بایرن میوشن 65 ملیۆن یۆرۆیە.
لویس دیاز هێرشبەری هەڵبژاردەی کۆڵمبیایە و لە ئێستادا تەمەنی 28 ساڵە.

بڕی پارەی گواستنەوەی لویس دیاز بۆ بایرن میوشن چەندە؟

بەپێی هەواڵی میدیا وەرزشییە ئینگلیزییەکان چاکا ڕێکەوتووە لەگەڵ یانەی سەندەرلاند و بەم زوانە گرێبەستەکەی واژۆ دەکات.

چاکا بەرەو سەندەرلاند

بە پێیی هەواڵەکانی میدیا ئینگلیزییەکان یانەی مانچستەر سیتی خۆی ئامادە دەکات بۆ واژۆکردنی گرێبەستێکی 10 ساڵە لەگەڵ کۆمپانیای پوما، گڕیبەستەکە بەبڕی 1 ملیار یۆرۆ دەخەمڵێندرێت، وا بڕیارە گڕیبەستەکە لە پێش دەستپێکردنی خولی ئینگلیزی واژۆ بکرێت. &nbsp;

یانە مانچستەر سیتی خۆی بۆ گرێبەستێکی گەورە ئامادە دەکات

یانەی نەسڕ زۆر نزیکە لە گواستنەوەی جواو فیلێکسی پرتوگالی.
بە پێی دواین هەواڵەکانی میددیا وەرزشییەکانی پرتوگال و سعودیە جواو فیلێکس نزیکە لە یانەی نەسڕی سعودی و لە ئێستادا گفتوگۆکان لەبەروپێشچوندان، هەر بەپێی هەواڵەکان نەسڕ ئامادەیە 44 ملیۆن یۆرۆ پێشکەش بکات بە مەبەستی بەدەستهێنانی تواناکانی هێرشبەرە پرتوگالییەکە.
جواو فیلێکس لە ئێستادا تەمەنی 25 ساڵە و یاری بۆ یانەی چێڵسی ئینگلیزی دەکات.

یانەی نەسڕ نزیکە لە گواستنەوەی ئەستێرەیەکی جیهانی

ئەمڕۆ کاتژمێر 1 بە کاتی هەولێر یانەی بارسێلۆنا لە یارییەکی دۆستانەدا ڕوبەرووی یانەی ڤیسڵ کۆبی ژاپۆنی بویەوە، یانەی بارسێلۆنا توانی بە ئەنجامی سێ گۆڵ بەرامبەر گۆڵێک یارییەکە بباتەوە، مارکۆس ڕاشفۆرد گێمی دووەم بەژداری یارییەکەی کرد و ئاستێکی باشی پێشکەش کرد، لە خولەکەکانی کۆتایدا بە بڕیاری هانزی فلیک یاریزانە ئینگلیزییەکە یارییەکەی بەجێ هێشت.

سینەمای قەلەم

گەڕان بکە بۆ نوێترین فیلم و دراما جیهانیەکان لە سینەمای قەڵەم بە زمانی کوردی و بیانی

وەرزش