ئەمڕۆ لە کۆنگرەیەکی ڕۆژنامەوانیدا کریستیانۆ ڕۆناڵدۆ بێ دەنگی شکاند و وەڵامی ڕەخنەکانی دایەوە.
پاش ئەوەی لە یاری نێوان و پرتوگال و دانیمارک هەڵبژاردەی پرتوگال بە گۆڵێکی بێ وەڵام دۆڕا، کریستیانۆ ڕۆناڵدۆ ڕوبەڕووی رەخنەی توند بۆوەو بە هۆکاری شکستی هەڵبژاردەکە تۆمەتبارکرا، ئەمڕۆ لە کۆنگرەی ڕۆژنامەوانی پێش ڕوبەڕووبونەی دانیمارک گوتی:
'قسەم لەگەڵ ڕا‌هێنەر کردووە و پێم وتووە ئەگەر من هۆکاری خراپی ئاستی پرتوگالم ئەوا با بێ دودڵی بمخاتە سەر کورسی یەدەگ، من هیچ کێشەیەکم نییە'.

رۆناڵدۆ بێدەنگی شکاند 

فیدریکۆ ڤاڵڤێردی ئۆرگوایی ڤینیسیۆس و ئیمباپێ وەک نموونەی بەرز دەبینێت.
پاش کۆتای هاتنی یاری نێوان ڕیاڵ مەدرید و ڤیاڕیاڵ ، فیدریکۆ ڤاڵڤێردی ئۆرگوایی لە لێدوانێکیدا گووتی:
'بە مناڵەکەمم وتووە ڤینیسۆس جونەیەر و کلیان ئیمباپێ بکات بە نموونەی بەرزی خۆی و چاو لەوان بکات".
ئەم لێدوانەی ڤاڵڤێردی لە کاتێکدایە کە هەواڵی رۆژنامە ئیسپانییەکان باسیان لەوە دەکرد لە ناو ژووری خۆگۆڕینی ڕیاڵ مەدرید کێشە هەیە.

ڤالڤێردی ئەم یاریزانانە وەک نموونەی بەرز دەبینێت

یاریزانانی بارسێلۆنا لە شۆکێکی دەروونی توندان دوای گیانلەدەستاندی پزیشکی یانەکە.
بەپێی ڕاپۆرتە هەواڵیەکانی میدیا وەرزشیەکانی ئیسپانیا و بە تایبەتی کەتەلۆنیا، یاریزانانی بارسێلۆنا لە شۆکێکی دەروونی توندان لە دوای گیان لەدەستدانی پزیشکی یانەکە بە جەڵدەی دڵ، هەر بەپێی ڕاپۆرتەکان بەشێک لە یاریزانەکان بە گریانەوە چوونەتەوە بۆ ماڵەوە شەوی گیانلەدەستدانی پزیشکەکە.

یاریزانەکانی بارسێلۆنا لە شۆکدان

کارلۆ ئەنچیلۆتی ڕاهێنەری یانەی ڕیاڵ مەدرید ئەمڕۆ لە کۆنگرەیەکی ڕۆژنامەوانیدا بێزاری خۆی دەڕبڕی.
ئەمڕۆ لە کۆنگرەیەکی ڕۆژنامەوانیدا کارلۆ ئەنچیلۆتی بێزاری خۆی دەڕبڕی سەبارەت بە کەیسی نیگرێرا و گووتی: 
"ئەوە ماوەی دوو ساڵە هەر دەڵێن لێکۆڵینەوە دەکەین لە کەیسی نێگرێرا، کەچی تا ئێستا هیچ ئەنجامێکی ئەو لێکۆڵینەوەیەمان نەبینیوە".

کەیسی نێگرارا کەیسێکی بەناوبانگی بەرتیلی وەرزشییە کە لەلایەن یانەی بارسێلۆناوە پارە دراوە بە سەرۆکی ئەوکاتەی دەستەی ناوبژیوانی ئیسپانی و تا ئێستاش لیكۆڵینەوە لەو کەیسەدا بەردەوامە.

ئەنچیلۆتی توڕەیە 

ڕۆبێرت لیڤاندۆڤسکی پۆڵەندی دەیەوێت بۆ وەرزێکی دیکەش بۆندەکەی نوێ بکاتەوە.
بە پێێ ڕاپۆرتێکی ڕۆژنامەی مۆندۆدیپۆرتیڤۆی کەتەلۆنی نزیک لە یانەی بارسێلۆنا، ڕۆبێرت لیڤاندۆڤسکی ویستی خۆی بۆ نوێکردنەوەی گرێبەستەکەی بۆ وەرزێکی دیکە پشان داوە و داوای لە دەستەی کارگێڕی یانەکە کردووە بۆندەکەی بۆ نوێ بکەنەوە.
ڕۆبەرت لیڤاندۆڤسکی لە ئێستادا تەمەنی 36 ساڵەو گۆڵکاری خولی ئیسپانییە.

لیڤاندۆڤسکی داوای مانەوە دەکات

ڤینیسیۆس جونیەری بەڕازیلی و هێرشبەرەی یانەی ڕیاڵ مەدرید لەبەردەم بڕیارێکی قورسدایە سەبارەت بە داهاتووی.
ڕاپۆرتە ڕۆژنامەوانیەکانی ئیسپانیا ئاماژە بەوە دەدەن ڤینیسیۆس جونیەر لەبەردەم بڕیارێکی قورسدایە سەبارەت بە داهاتووی لە یانەی ڕیاڵ مەدرید، هەر بەپێی هەواڵەکان یانەی هیلالی سعودی بۆندێکی پێنج ساڵەی خستۆتە بەردەم ڤینیسیۆس کە بڕەکەی بریتییە لە یەک ملیار یۆرۆ و یانەکە ئامادەیە بۆ هەر ساڵێک بڕی 200 ملیۆن یۆرۆ وەک موچە بداتە یاریزانەکە.
ڤینیسیۆس جونیەر سەبارەت بەو دەنگۆیانە لە دوای یارییەکەی ڕیاڵ مەدرید بەرامبەر مانچستەر سیتی گووتی:
" من دڵخۆشم لە یانەی ڕیاڵ مەدرید ، ئەم یانەیە یانەی خەونەکانی منە و دەمەوێت بۆ ماوەیەکی زۆر لێرە بمێنمەوە".

ڤینیسیۆس لەبەردەم بڕیارێکی قورسدایە 

مارکۆس ڕاشفۆرد نزیکە لە پەیوەندی کردن بە یانەی ئاستۆن ڤێلا.
بەپێی هەواڵەکانی ڕۆژنامە وەرزشییەکانی ئینگلتەرا، مارکۆس ڕاشفۆرد زۆر نزیکە لە پەیوەندی کردن بە یانەی ئاستۆن ڤێلا، ڕۆژنامەنووسی بەناوبانگی ءیتاڵی فابرحزۆ ڕۆماندۆ دەڵێت " مارکۆس ڕاشفۆرد زۆر نزیکە لە پەیوەندی کردن بە یانەی ئاستۆن ڤێلاوە بە شێوەی خواستن، لە ءێستادا یانەی مانچستەر یونایتد و ئاستۆن ڤێلا لە گفتووگۆدان سەبارەت بە مووچەکەی".
مارکۆس ڕاشفۆردی تەمەن 27 ساڵ چەند وەرزێکە ئاستی لە یانەی مانچستەر یونایتد ناجێگیرە و یانەکە دەیەوێت یاریزانەکە ۆلد تڕافۆرد بەجێ بهێڵێت.

ڕاشفۆرد نزیکە لە ئاستۆن ڤێلا

پابلۆ گاڤی دوای نوێکردنەوەی بۆندەکەی لەگەڵ یانەی بارسێلۆنا پەیامێکی نارد بۆ هاندەرانی بارسێلۆنا.
دوای ئەوەی پابلۆ گاڤی بۆندەکەی نوێکردەوە لەگەڵ یانەی بارسێلۆنا تاکوو ساڵی 2030، لە رێگەی تۆڕە کۆمەڵایەتیەکانەوە گاڤی پەیامێکی ئاڕاستەی هاندەرانی بارسێلۆنا کرد و گووتی "من زۆر دڵخۆشم بە نوێکردنەوەی بۆندەکەم لەگەڵ ئەو یانەیەی کە زۆر لە دڵمەوە نزیکە، هیوادارم بتوانین دڵخۆشتان بکەین ئەم وەرزە".
پابلۆ گاڤی لە ئێستادا تەمەنی تەنها 20 ساڵە و دوای پچڕانی بەستەرەی ئەژنۆی و گەڕانەوەی بۆ یاریگاکان ئاستێکی باش پێشکەش دەکات ئەم وەرزە.

گاڤی پەیامی هەیە بۆ هاندەرانی بارسێلۆنا

نەیمار جونیەری بەڕازیلی بە شێوەیەکی فەرمی پەیوەندی کرد بە یانەی سانتۆسی بەڕازیلییەوە، ناوبراو پێش ئەوەی پەیوەندی بە یانەی بارسێلۆناوە بکات یاریزانی یانەی سانتۆس بوو، نەیمار دووبارە گەڕایەوە بۆ یاریکردن لە بەڕازیل.

نەیمار پەیوەندی کرد بە یانەی پێشووی سانتۆس

ئەلڤارۆ مۆڕاتا دەچێتە یانەی گەڵەتەسەرای.
بە پێی وتەکانی ڕۆژنامە نووسی بەناوبانگی ئیتاڵی فابریزیۆ ڕۆمانۆ،یانەی گەڵەتەسەرای نزیکە لە گواستنەوەی ئەلڤارۆ مۆڕاتای ئیسپانی، هەر بە پێی وتەکانی فابریزۆ ڕۆمانۆ گفتوگۆکانی نێوان ئەلڤارۆ مۆڕاتا و گەڵەتەسەرای تورکی لە قۆناغێکی پێشکەوتوودایە و چاوەڕوان دەکرێت بەم نزیکانە ئەلڤارۆ مۆڕاتا پەیوەندی بەو یانەیەوە بکات.
ئەلڤارؤ مۆڕاتا لە ئێستادا تەمەنی 32 ساڵە و لە یانەی ئیسی میلانی ئیتاڵییە.

مۆڕاتا  ئەیسی میلان بەجێ دەهێڵێت

بە فەرمی پێدری گۆنزالێس بۆندەکەی لەگەڵ یانەی بارسێلۆنا نوێ کردەوە.
پێدری گۆنزالێسی تەمەن 22 ساڵ بۆندەکەی لەگەڵ یانەی بارسێلۆنا نوێ کردەووە تاکوو ساڵی 2030، پێدری لە هاوینی ساڵی 2020 لە یانەی لاس پاڵماسەوە پەیوەندی کرد بە یانەی بارسێلۆناوە بە بڕی 5 ملیۆن یۆرۆ،لەو ماوەیەدا لەگەڵ یانەی بارسێلۆنا ئاستێکی نموونەی پێشکەش کرد، لە پێشوودا دەنگۆی ڕۆشتنی پێدری هەبوو لە یانەی بارسێلۆنا بەڵام هەر زوو بارسێلۆنا دەنگۆکانی ڕەت کردەوە و ئەمڕۆش بە شێوەیەکی فەرمی بۆندەکەی تا ساڵی 2030 نوێ کردەوە.

پێدری بۆندەکەی نوێ کردەوە

دوێنێ شەو پاش تەواوبوونی گەڕێکی دیکەی یارییەکانی چامپیۆنسلیگ، یانەی ڕیاڵ مەدرید نەیتوانی بە شێوەی ڕاستەوخۆ سەربکەوێت بەڵکو بە شێوازی پلەی ئۆف ڕووبەڕووی یانەی مانچستەر سیتی یاخود یانەی سێڵتیک دەبێتەوە.
یانەی ڕیاڵ مەدرید دوێنێ شەو توانی بردنەوە بەدەست بهێنێت بەرامبەر یانەی برێست بە ئەنجامی سێ گۆڵی بێ بەرامبەر، کە هەریەکە لە جود بێلنگهام توانی گۆڵێک تۆمارد بکات و ڕۆدریگۆێ بەرازیلیش توانی دوو گۆڵ تۆمار بکات، بەڵام بردنەوەی یارییەکە نەبووە فریادڕەسی یانەی ڕیاڵ مەدرید و نەیتوانی بە شێوەیەکی ڕاستەوخۆ سەربکەوێت بۆ قۆناغی داهاتووی چامپیۆنسلیگ، ئەمەش ئەرکی ڕیاڵ مەدریدی قورستر کرد کە دەبێت ڕوبەڕووی یەکێک لە یانەکانی سێڵتیک یاخود مانچستەر سیتی ببێتەوە، ڕیاڵ مەدرید پاڵەوانی وەرزی ڕابردووی چامپیۆنسلیگ، ئەمساڵ وەرزێکی پڕ لە هەوراز و نشێو بەڕێ دەکات بەتایبەتی لە چامپیۆنسلیگدا، ئەمەش بۆتە هۆکاری ناڕەزایەتی هاندەران کە داوادەکەن کارلۆ ئەنچیلۆتی ڕاهێنەری یانەکە لە پۆستەکەی دوربخرێتەوە چونکە بە بەشێک لە هۆکاری شکستەکانی یانەی ڕیاڵ مەدریدی دەزانن، لە لایەکی دیکەوە خراپی ئاستی باڵەکانی یانەی ڕیاڵ مەدرید بۆتە هۆکاری نیگەرانیەکی زۆر، بە پێی لێکدانەوەی شیکەرەوەکانی تۆپی پێ، هۆکاری خراپی ئاستی ئەمساڵ دەگەرێنەوە بۆ چەند هۆکارێک یەکێک لەوانە خراپی ئاستی باڵەکانی یانەکە و ڕاهێنەرەکەیەتی، ئەمەش لە کاتێکدایە ڕکابەرە سەرسەختەکەی کە یانەی بارسێلۆنایە بە ئاستێکی نموونەیدا تێپەڕ دەبێت ئەم وەرزە.
دەبێت ئەوەش لەبەرچاو بگیرێت کە لە پێشوودا ڕیاڵ مەدرید بە هەمان قۆناغی سەختی وەک ئەم وەرزەی چامپیۆنسلیگدا تێپەڕبووە و لە کۆتایدا توانیویەتی نازناوی چامپیۆنسلیگ بەدەست بهێنێت.

سینەمای قەلەم

گەڕان بکە بۆ نوێترین فیلم و دراما جیهانیەکان لە سینەمای قەڵەم بە زمانی کوردی و بیانی

وەرزش