ئەمڕۆ دەست بە دابەشکردنی مووچەی مانگی ئابی مامۆستایانی گرێبەست دەکرێت، کە مووچەکانیان لەسەر داهاتی ناوخۆیە.

وەزارەتی دارایی و ئابووری هەرێم رایگەیاند، دەست بە دابەشکردنی مووچەی مانگی ئابی مامۆستایانی گرێبەستی وەزارەتی پەروەردە و خوێندنی باڵاو توێژینەوەی زانستی دەکرێت و تا ڕۆژی پێنجشەممە 24ـی ئەیلوول، سەرجەمیان مووچەکانیان وەردەگرن.

ئاماژەی بەوەشکرد، لەهەمان کاتدا دەست بە دابەشکردنی مووچەی مانگی ئابی سەرجەم ئەو فەرمانبەرانە دەکرێت کە لەدوای 1ی تەمموزی 2024ـەوە بە شێوەی گرێبەست و هەمیشەیی لەسەر میلاکی دامەزراوەکانی حکومەتی هەرێم دامەزراون و شایستەکانیان لەسەر داهاتی ناوخۆی هەرێمی کوردستان خەرج دەکرێت.

ئەمەش لەکاتێکدایە، لە هەرێمی کوردستان زیاتر لە 80 هەزار مامۆستا و فەرمانبەر هەیە، کە بەشێوەی گرێبەست کاردەکەن و مووچەکانیان لەسەر داهاتی ناوخۆیە، دوێنێ فالح ساری، وەزیری دارایی عێراق ڕایگەیاند، سەرجەم گرێبەستەکان لەناو پڕۆژە یاسای بودجەی 2027 دەکرێنە هەمیشەیی.

مووچەی مانگی ئابی مامۆستایانی گرێبەست دابەش دەکرێت

کەشناسی هەرێم: ئەمڕۆ ئاسمان ساماڵ دەبێت، پلەکانی گەرما ڕوو لە نزمبوونەوە دەکەن.

ئەمڕۆ یەکشەممە 20ـی ئەیلوولی 2026، کەشناسی هەرێم رایگەیاند، ئاسمان ساماڵ دەبێت، پلەکانی گەرما لە ناوەراست و باکووری هەرێم کەمێک نزمتر دەبێتەوە، بەڵام لە رۆژهەڵاتی هەرێم (2-3) پلە نزم دەبێتەوە بە بەراورد بە تۆمارەکانی دوێنێ.

بەرزترین پلەکانی گەرمای ئەمڕۆ:

هەولێر: 34 پلەی سیلیزی
پیرمام: 29 پلەی سیلیزی
سلێمانی: 35 پلەی سیلیزی
چەمچەماڵ: 35 پلەی سیلیزی
هەڵەبجە: 35 پلەی سیلیزی
دهۆک: 32 پلەی سیلیزی
زاخۆ: 33 پلەی سیلیزی
ئاکرێ: 34 پلەی سیلیزی
گەرمیان: 38 پلەی سیلیزی
حاجی ئۆمەران: 25 پلەی سیلیزی

بەپێی ڕاپۆرتەکەی کەشناسی هەرێمی کوردستان، سبەینێ دوو شەممە، ئاسمان پەڵەهەور بۆ نیمچە هەور دەبێت، لە ناوچە شاخاوییەکانی باکووری هەرێم هەندێک کات دەگۆڕێت بۆ هەوری تەواو.

بەرزترین پلەکانی گەرمای پێشبینیکراو بە پلەی سیلیزی
هەولێر: 36 پلەی سیلیزی
پیرمام: 31 پلەی سیلیزی
سلێمانی: 36 پلەی سیلیزی
چەمچەماڵ: 36 پلەی سیلیزی
هەڵەبجە: 36 پلەی سیلیزی
دهۆک: 32 پلەی سیلیزی
زاخۆ: 33 پلەی سیلیزی
ئاکرێ: 35 پلەی سیلیزی
گەرمیان: 38 پلەی سیلیزی
حاجی ئۆمەران: 26 پلەی سیلیزی.

کەش و هەوا فێنک دەکات

وەزارەتی دارایی خشتەی دابەشکردنی مووچەی مانگی ئابی مامۆستایانی گرێبەست و فەرمانبەرانی نوێ ڕادەگەیەنێت.

ئەمڕۆ شەممە 19ـی ئەیلوولی 2026، وەزارەتی دارایی و ئابووریی حکومەتی هەرێمی کوردستان، خشتەی نوێی دابەشکردنی مووچەی ڕاگەیاند و تێیدا جەخت لەوە کراوەتەوە، که لە هەفتەی داهاتوودا مووچەی مامۆستایانی گرێبەست و چەند چینێکی تری فەرمانبەران دابەش دەکرێت.

بەپێی ڕاگەیەندراوەکە، ڕۆژی دووشەممە (21ـی ئەیلوول)، پرۆسەی دابەشکردنی مووچەی مانگی ئابی مامۆستایانی گرێبەست لە هەردوو وەزارەتی پەروەردە و خوێندنی باڵا و توێژینەوەی زانستی دەست پێ دەکات و پرۆسەکەش تا ڕۆژی پێنجشەممە (24ـی ئەیلوول) بەردەوام دەبێت بۆ ئەوەی سەرجەمیان شایستە داراییەکانیان وەربگرن.

هاوکات، وەزارەتی دارایی ئاماژەی بەوەداوە، که دەست بە دابەشکردنی مووچەی مانگی ئابی سەرجەم ئەو فەرمانبەرانەش دەکرێت کە لە دوای (1ـی تەممووزی 2024) بە شێوەی گرێبەست و هەمیشەیی لەسەر میلاکی دامەزراوەکانی حکوومەتی هەرێم دامەزراون و شایستە داراییەکانیان لەسەر داهاتی ناوخۆی هەرێمی کوردستان بۆ خەرج دەکرێت.

مووچەی مامۆستایانی گرێبەست دابەشدەکرێت

بەڕێوەبەرایەتی گشتی کەشناسی و بوومەلەرزەزانیی هەرێمی کوردستان، پێشبینیی کەشوهەوای ئەمڕۆ و سبەی هەینی، بڵاوکردەوە.

بەپێی پێشبینییەکانی کەشناسی، کەشی ئەمڕۆ پێنجشەممە بە گشتی ساماڵ دەبێت و خێرایی با لە نێوان 10 تا 20 کیلۆمەتر لە کاتژمێرێکدا دەبێت، ئاراستەی باش بە باکووری خۆرئاوا دەبێت و مەودای بینین لە نێوان 8 تا 10 کیلۆمەتر دەبێت.

هەروەها، پلەکانی گەرما نزیک دەبنەوە لەو پلە گەرماییەی کە دوێنێ تۆمارکراوە، و بەرزترین پلەی گەرما بەم شێوەیە پێشبینی کراوە:

هەولێر: 39 پلەی سیلیزی
پیرمام: 33 پلەی سیلیزی
سلێمانی: 36 پلەی سیلیزی
هەڵەبجە: 40 پلەی سیلیزی
چەمچەماڵ: 38 پلەی سیلیزی
دهۆک: 37 پلەی سیلیزی
زاخۆ: 39 پلەی سیلیزی
ئاکرێ: 37 پلەی سیلیزی
گەرمیان: 42 پلەی سیلیزی
حاجی ئۆمەران: 29 پلەی سیلیزی
بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاندووە کە سبەی هەینی، 18ـی ئەیلوولی 2026، ئاسمان ساماڵ و پەڵەهەور دەبێت، لەگەڵ ئەگەری بەرزبوونەوەی کەمێک تۆزوخۆڵ لە کاتەکانی دوایی نیوەڕۆدا.

خێرایی با لە نێوان 10 تا 20 کیلۆمەتر لە کاتژمێرێکدا دەبێت، بەڵام لە دوایی نیوەڕۆدا لە هەندێک کاتدا خێرایی با چالاک دەبێت و دەگاتە سەرووی 30 کیلۆمەتر لە کاتژمێرێکدا.

مەودای بینینیش لە نێوان 6 تا 8 کیلۆمەتر دەبێت و پلەکانی گەرما کەمێک بەرزتر دەبن بەراورد بە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بەم شێوەیەیە:

هەولێر: 40 پلەی سیلیزی
پیرمام: 35 پلەی سیلیزی
سلێمانی: 38 پلەی سیلیزی
هەڵەبجە: 41 پلەی سیلیزی
چەمچەماڵ: 39 پلەی سیلیزی
دهۆک: 38 پلەی سیلیزی
زاخۆ: 40 پلەی سیلیزی
ئاکرێ: 39 پلەی سیلیزی
گەرمیان: 44 پلەی سیلیزی
حاجی ئۆمەران: 29 پلەی سیلیزی

پلەیەکانی گەرما لە هەندێک ناوچەدا بەرز دەبێنەوە

وەزیری پەروەردە: پرۆسەی خوێندن هیچ دواکەوتنێک بەخۆوە نابینێت و بڕیارە ڕۆژی 20ـی ئەیلوول وەک یەکەم ڕۆژی دەوامی فەرمی لە سەرجەم ناوەندەکانی خوێندن لە هەرێمی کوردستان دەست پێ بکات.

ئالان حەمە سەعید، وەزیری پەروەردەی حکومەتی هەرێم، لە کۆنفرانسێکی ڕۆژنامەوانیدا، کۆمەڵێک بڕیار و پێشاتی گرنگی سەبارەت بە دەستپێکی ساڵی نوێی خوێندن و دۆخی مامۆستایان ڕاگەیاند و کۆتایی بە دەنگۆکانی دواخستنی دەوام هێنا.





ئاماژەی بەوەشکرد، که‌ به‌پێی ماددەی 114ـی دەستوور، هەرێمی کوردستان خاوەنی دەسەڵاتی تایبەت بە خۆیەتی لە بواری پەروەردە و بەڕێوەبردنیدا، و ئەو بڕیارانەی حکومەتی عێراق دەیدەن بەسەر پەروەردەی هەرێم جێبەجێ ناکرێت.



هاوکات، ئەنجوومەنی وەزیران بڕیاریدا سیستمی لەجێگەدانانی گرێبەست لەسەر داهاتی ناوخۆ بۆ هەردوو وەزارەتی پەروەردە و خوێندنی باڵا کارابکرێتەوە، کە پێشتر لە سەرەتای مانگی ئابەوە ڕاگیرابوو.



ئەمەش لەکاتێکدایە،بەپێی ئامارەکان بۆ ئەمساڵی خوێندن نزیکەی سێ هەزار مامۆستا خانەنشین بوون، و بڕیارە لە ڕێگەی سیستمی لەجێگەدانانەوە شوێنەکانیان پڕ بکرێتەوە بۆ ئەوەی هیچ کورتهێنانێک لە ناوەندەکانی خوێندن دروست نەبێت.

دوا بڕیار لەبارەی وادەی دەستپێکردنەوەی خوێندنەوە

وەزارەتی دارایی: زیاتر لە 831 ملیار دینار وەک پارەی مووچەی مانگی هەشت خرایە سەر هەژماری بانکی وەزارەتی دارایی.


ئەمڕۆ دووشەممە 14ـی ئەیلوولی 2026، وەزارەتی دارایی حکومەتی هەرێم رایگەیاند، 831 ملیار و 666 ملیۆن دینار وەک تەمویلی مووچەی مانگی ئابی فەرمانبەران و مووچەخۆرانی هەرێم خرایە سەر هەژماری بانکی وەزارەتی دارایی لە لقی هەولێری بانکی ناوەندی عێراق و دوای تەواوکردنی ڕێکارەکان لیستی مووچە بڵاودەکەرێتەوە و لە نزیکترین کاتدا دەست بە دابەشکردنی دەکرێت.


ئاماژەی بەوەشکرد هاوشێوەی چەند مانگی ڕابردوو وەزارەتی دارایی فیدراڵ بڕی 120 ملیار دیناری وەک پشکی گەنجینەی فیدراڵی لە داهاتی نانەوتی هەرێم بۆ مانگی ئاب لە کۆی تەمویلی مووچە بڕیوە.


دەشڵێت، بەغدا بڕی زیاتر لە شەش ملیار دینار لە تەمویلی موچەی مانگی ئاب نەناردووە کە بریتییە لە شایستەی موچەی مانگەکانی ڕابردووی خانەنشینانی شارستانی و سەربازی.

هاوکات، دوای تەواوکردنی ڕێکارەکان و وەرگرتنی پارەکە بەشێوەی کاش لە لقی هەولێری بانکی ناوەندی عێراق ڕاستەوخۆ لیستی مووچە بڵاو دەکرێتەوە و لە نزیکترین کاتدا دەست بەدابەشکردنی مووچەی مانگی ئاب دەکرێت.

وەزارەتی دارایی بە فەرمی هاتنی مووچە و کاتی دابەشکردنی راگەیاند

شارەوانیی سلێمانی: شەقامی ڕۆیشتن لە ئاڕاستەی سلێمانییەوە بەرەو کەرکوک بۆ ماوەیەک بەربەست دەکرێت، هاوکات داوا لە شۆفێران دەکەین کە شەقامی جێگرەوە بەکاربهێنن.

ئەمڕۆ دووشەممە 14ـی ئەیلوولی 2026، شارەوانیی سلێمانی رایگەیاند، بەهۆی بەردەوامبوونی کار لە یەکتربڕی ژمارە 11ـی شەقامی 100 مەتری کە دەکەوێتە ناوچەی تاسڵوجە، بە هاوکاری و هەماهەنگی هاتوچۆی سلێمانی، شەقامی ڕۆیشتن لە ئاڕاستەی سلێمانییەوە بەرەو کەرکوک، لە دوانیوەڕۆی ئەمڕۆوە، بۆ ماوەیەک بەربەست دەکرێت.


ئاماژەی بەوەشکرد، بۆ ئاسانکاریی هاتووچۆ و پاراستنی سەلامەتی هاوڵاتیان و شۆفێران، هاوکاریی تیمەکان بکەن و بەپێی نەخشەی دیاریکراو و بە گوێرەی هێما و ڕێنیشاندەری هاتووچۆی دانراو لە شەقامەکە، شەقامی جێگرەوە بەکاربهێنن بۆ ڕۆیشتن لە سلێمانییەوە بەرەو کەرکوک.

رێگایەکی سەرەکی سلێمانی دادەخرێت

چەند بڕیارێك لەقائیمقامییەتی سلێمانییەوە تایبەت بەکێشەکانی زیادەڕەوی:
1- ڕێکخستنی کۆشک و مێزو عارەبانەکان.
2- لابردنی رێگرییەکانی سەر شۆستەو شەقامەکان.
3- رێکاری یاسایی بەرامبەر ئەو کەسانە بگیرێتەبەر کە مامەڵەی نایاسایی بەو شوێنانەوە دەکەن.
4- رێکاری یاسایی بەرامبەر ئەو کەسانە دەگیرێتەبەر کە پابەندی رێنماییەکانی لیژنەی پەیوەندیدار نابن.
قائیمقامییەتی سلێمانی ڕایگەیاند، ئەو بڕیارانە لەكۆبوونەوەی فازڵ عومەر قائیمقامی سلێمانی بەوەکالەت، لەیلا عومەر سەرۆکی شارەوانی سلێمانی، بەڕێوبەری ئاسایشی ناوشاری سلێمانی، سەرۆکی لیژنە هاوبەشەکان، بەڕێوبەری پۆلیسی رێکاریی، نوێنەری هاتوچۆی سلێمانی و نوێنەری ئاسایش لە لیژنە هاوبەشەکان دراوە.

چەند بڕیارێکی نوێ لە قایمقامیەتی سلێمانییەوە

دادگای تاوانی دووی سلێمانی دانیشتنی داهاتووی دۆسیەی لاهور شێخ جەنگی و ژمارەیەک لە گیراوانی لالەزاری بۆ پێنجشەممە، ١٧ی ئەیلوول دیاری کردووە.
لە دانیشتنەکەدا چاوەڕێ دەکرێت وتە لە لاهور شێخ جەنگی، پۆڵاد شێخ جەنگی و ڕێبوار حامید حاجی غالی وەربگیرێت.

ڕۆژی دادگاییکردنی لاهور شێخ جەنگی دیاری کرا

شارەوانی سلێمانی:" سبەی پێنجشەممە، سایدێکی شەقامی سەرچنار لە سلێمانی دادەخرێت و نۆژەن دەکرێتەوە، شۆفێران و هاوڵاتیان ئاگادار بن و رێگاکانی دەورووبەر وەک جێگرەوە بەکاربهێنن ".

ئەمڕۆ چوارشەممە 9ـی ئەیلوولی 2026، سەرۆکایەتی شارەوانی سلێمانی رایگەیاند، لە چوارچێوەی پرۆژەی نۆژەنکردنەوە و چاکسازیی شەقامەکانی شار، سەرلەبەیانی سبەی پێنجشەممە کاتژمێر هەشتی بەیانی تا کاتژمێر 12ـی شەو، سایدی رۆیشتن لە ترافیکی نزیک بەنزینخانەی تاڤگە تا بەردەم سیتی سینەما لەسەر شەقامی سەرەکی سەرچنار بەربەست دەکرێت، بەمەبەستی ئامادەکردنی شەقامەکە و سەرلەنوێ قیرتاوکردنەوە.

هاوکات، شارەوانی سلێمانی داوا لە هاوڵاتیان و شۆفێران دەکات هاوکاری و هەماهەنگیی تیمەکانی شارەوانی بکەن، رێنماییەکانی هاتووچۆ پەیڕەو بکەن و شەقامەکانی دەوروبەر وەک رێگای جێگرەوە بەکاربهێنن، بۆ ئەوەی کارەکان بە خێرایی و سەرکەوتوویی تەواو بکرێن.

 رێگایەکی سەرەکی سلێمانی دادەخرێت

نرخی زێڕ لە بازاڕەکانی جیهاندا بەرزبووە و لە بازاڕەکانی هەرێم هەر مسقاڵێک هەشت هەزار دیناری دیکەی چووتەسەر و یەک مسقاڵ زێری عەیارە 21 بەرامبەر بە 963 هەزار دینارە.

ئەمڕۆ چوارشەممە 9ـی ئەیلوولی 2026، نرخی یەک ئۆنسەی زێڕ بەرامبەر بە چوار هەزار و 407 دۆلار دیاریکراوە، هەر مسقاڵێک زێڕی عەیار 21 بە 963 هەزار دینار مامەڵەی پێوە دەکرێت.

نرخى هەر مسقاڵێک زێڕ بەم شێوەیەی خوارەوەیە:

نرخی یەک مسقاڵ زێڕی عەیارە 22 بەرامبەر بە ملیۆنێک و هەشت هەزار دینارە.


نرخی یەک مسقاڵ زێڕی عەیارە 21 بەرامبەر بە 963 هەزار دینارە.


نرخی یەک مسقاڵ زێڕی عەیارە 18 بەرامبەر بە 825 هەزار دینارە.


نرخی یەک مسقاڵ زێڕی عەیارە 14 بەرامبەر بە 742 هەزار دینارە.

نرخی زێڕ بەرزبووەوە

بەڕێوەبەری نەخۆشخانەی نانەکەلی: رێژەی چاکبوونەوە لە نەخۆشی شێرپەنجە لە هەرێمی کوردستان گەیشتووەتە 75٪، بەڵام ساڵانە تاوەکو 1800 حاڵەتی نوێی توشبوون تۆمار دەکرێن.


ئەمڕۆ دووشەممە 7ـی ئەیلولی 2026، هەردی جەواد سابیر بەڕێوەبەری نەخۆشخانەی نانەکەلی تایبەت بە شێرپەنجە و خوێن لە هەولێر رایگەیاند، رێژەی چاکبوونەوە لە نەخۆشی شێرپەنجە لە هەرێمی کوردستان لە ئاستێکی بەرزدایە و گەیشتووەتە 75٪ـی کۆی تووشبووان، لە کاتێکدا ساڵانە لە نێوان 1500 بۆ 1800 حاڵەتی نوێی توشبوون بەو نەخۆشییە تۆمار دەکرێت.


وتیشی، رۆژانە لە نێوان 350 بۆ 400 نەخۆش سەردانی نەخۆشخانەی نانەکەلی دەکەن، هەرچەندە هەموو سەردانیکەران توشبووی شێرپەنجە نین.

ئاماژەی بەوەشکرد ، رێژەی چاکبوونەوە لە نەخۆشی شێرپەنجە لە هەرێمی کوردستان و بەتایبەتی لە نەخۆشخانەکەیان لە ئاستێکی بەرزدایە و گەیشتووەتە 75٪، سەرەڕای ئەم ئاستەی چاکبوونەوە، بەڵام بەرەنگاربوونەوەی زیادبوونی بەردەوامی حاڵەتە نوێیەکان و کەمکردنەوەی کاریگەرییە نەرێنییەکانی نەخۆشییەکە لەسەر ژیانی هاوڵاتیان بە ئاڵۆزی دەمێنێتەوە.

سینەمای قەلەم

گەڕان بکە بۆ نوێترین فیلم و دراما جیهانیەکان لە سینەمای قەڵەم بە زمانی کوردی و بیانی

کوردستان

مووچەی مانگی ئابی مامۆستایانی گرێبەست دابەش دەکرێت

کەش و هەوا فێنک دەکات

مووچەی مامۆستایانی گرێبەست دابەشدەکرێت

پلەیەکانی گەرما لە هەندێک ناوچەدا بەرز دەبێنەوە

دوا بڕیار لەبارەی وادەی دەستپێکردنەوەی خوێندنەوە

وەزارەتی دارایی بە فەرمی هاتنی مووچە و کاتی دابەشکردنی راگەیاند

رێگایەکی سەرەکی سلێمانی دادەخرێت

چەند بڕیارێکی نوێ لە قایمقامیەتی سلێمانییەوە

ڕۆژی دادگاییکردنی لاهور شێخ جەنگی دیاری کرا

رێگایەکی سەرەکی سلێمانی دادەخرێت

نرخی زێڕ بەرزبووەوە

رێژەی چاکبوونەوە لە شێرپەنجە لە هەرێم گەیشتووەتە 75٪