کەشناسی هەرێم رایگەیاند، کەش بە گشتی ساماڵ و پەڵە هەور دەبێت لەگەڵ زیادبوونی خێرای با، هەروەها پلەکانی گەرما (2-3) پلە نزم دەبنەوە.
بەڕێوەبەرایەتی کەشناسی و بوومەلەرزەزانی هەرێم لە بڵاوکراوەیەکدا رایگەیاند، ئەمڕۆ کەش بە گشتی ساماڵ و پەڵە هەور دەبێت لەگەڵ زیادبوونی خێرای با لە هەندێک کاتی دوای نیوەڕۆ.
ئاماژەی بەوەشکرد، پلەکانی گەرما لە نزیک ناوچە شاخاوییەکان کەمێک نزم دەبنەوە. 
دەربارەی کەشوهەوای سبەینێش رایگەیاند، ئاسمان ساماڵ و پەڵە هەور دەبێت و لە هەندێک کات و ناوچە نیمچە هەور دەبێت.
کەشناسی ئەوەشی خستەڕوو، پلەکانی گەرما (2-3) پلەی سیلیزی نزم دەبنەوە بەراورد بە پلەکانی دوێنێ. 
بەرزترین پلەی گەرمای پێشبینیکراو بۆ ئەمڕۆ:-
هەولێر : 38 پلەی سیلیزی 
پیرمام : 34 پلەی سیلیزی
سلێمانی : 35 پلەی سیلیزی
چەمچەماڵ : 37 پلەی سیلیزی
دهۆک : 36 پلەی سیلیزی
زاخۆ : 37 پلەی سیلیزی 
حاجی ئۆمەران : 26 پلەی سیلیزی 
گەرمیان : 40 پلەی سیلیزی

کەشناسی: پلەی گەرما نزم دەبێتەوە 

بەپێی رۆژمێری فەرمی، رۆژی سێشەممە بە بۆنەی سەری ساڵی کۆچییەوە دەکرێتە پشووی فەرمییە.
بەپێی رۆژمێری فەرمی حکومەتی هەرێم، رۆژی سێشەممە، 16ـی 6 بە بۆنەی یادکردنەوەی سەری ساڵی کۆچییەوە دەکرێتە پشووی فەرمی.
هەروەها، ئەم پشووە سەرجەم وەزارەتەکان، فەرمانگەکان و دامودەزگا فەرمییەکان دەگرێتەوە.

رۆژێک پشوو راگەیەندرا

شارەوانیی سلێمانی رایگەیاند، رۆژی هەینی بەشێک لە شەقامی بازنەیی مەلیک مەحمود لە مەودای کارکردندا بەربەست دەکرێت.
ئەمڕۆ پێنجشەممە، 11-6-2026، سەرۆکایەتیی شارەوانیی سلێمانی لە ئاگادارییەکدا دەڵیت، ئەمڕۆ پێنجشەممە لەدوای کاتژمێر (12)ـی نیوەڕۆ دەست بە کاری (قشط) هەڵگرتنەوەی بەشە خراپبووەکانی شەقامی بازنەیی مەلیک مەحمود لە مەودای نزیک مزگەوتی ئەحمەد حاجی عەلی بە ئاڕاستەی چوارڕیانی سەرچنار دەکرێت بەمەبەستی ئامادەکردنیان بۆ سەرلەنوێ قیرتاوکردن.
ئاماژەی بەوەشکرد، بۆ ئاسانکردنی جێبەجێکردنی کارەکان، رۆژی هەینی بەشێک لە شەقامی بازنەیی مەلیک مەحمود لە مەودای کارکردندا بەربەست دەکرێت، هەروەها شۆفێران دەتوانن شەقامی خزمەتگوزاریی مزگەوتی ئەحمەد حاجی عەلی وەک رێگای جێگرەوە بەکاربهێنن.

شەقامێکی سەرەکی بەربەست دەکرێت

کەشناسی هەرێم رایگەیاند، ئاسمان بە گشتی ساماڵ دەبێت و پلەکانی گەرماش (1 تــــا 2) پلە بەرز دەبنەوە.
بەڕێوەبەرایەتی کەشناسی و بوومەلەرزەزانی هەرێم لە بڵاوکراوەیەکدا رایگەیاند، ئەمڕۆ ئاسمان بە گشتی ساماڵ دەبێت و پلەکانی گەرماش (1 تــــا 2) پلە بەرز دەبنەوە بەراورد بە تۆمارکراوەکانی دوێنێ.
دەربارەی کەشوهەوای سبەینێش رایگەیاند، ئاسمان ساماڵ و پەڵە هەور دەبێت، هەروەها پلەی گەرما بە نزیکی (2 تـــــا 3) پلە نزمتر دەبێت بەراورد بە تۆمارەکانی ئەمڕۆ.
بەرزترین پلەکانی گەرمای پێشبینیکراو بۆ ئەمڕۆ:-
هەولێر : 42 پلەی سیلیزی 
پیرمام : 37 پلەی سیلیزی
سلێمانی : 39 پلەی سیلیزی
چەمچەماڵ : 42 پلەی سیلیزی
دهۆک : 40 پلەی سیلیزی
زاخۆ : 42 پلەی سیلیزی 
حاجی ئۆمەران : 30 پلەی سیلیزی

کەشوهەوای سبەینێ بۆ سەیران گونجاوە؟

نرخی زێڕ لە بازاڕەکانی جیهان و هەرێم دابەزی و لە ئێستادا نرخی ئۆنسەیەک زێڕ بە زیاتر لە 4212 دۆلار مامەڵەی پێوەدەکرێت.
ئەمڕۆ چوارشەممە، 10-6-2026، لەسەر ئاستی جیهان و هەرێم نرخی ئۆنسەیەک زێڕ دابەزی و بە چوار هەزار و 212 دۆلار و حەوت سەنت مامەڵەی پێوەدەکرێت.
نرخی ئێستای زێڕ لە بازاڕەکانی هەرێم بەم شێوەیەیە:-

یەک مسقاڵ زێڕی عەیارە 18 بە 782 هەزار دینارە. 

یەک مسقاڵ زێڕی عەیارە 21 بە 912 هەزار دینارە.

یەک مسقاڵ زێڕی عەیارە 22 بە 955 هەزار دینارە. 

یەک مسقاڵ زێڕی عەیارە 24 بە ملیۆنێک و 42 هەزار دینارە.

نرخی زێڕ دابەزی

بەڕێوەبەرایەتی پسوولەی خۆراكیی هەولێر رایگەیاند، مامەڵەی زیادکردنی منداڵی خوار تەمەن 12 ساڵ بۆ سەر پسوولەی خۆراک کرایەوە.
بەڕێوەبەرایەتی رێکخستنی پسوولەی خۆراكی هەولێر لە بڵاوکراوەیەکدا رایگەیاند، دوای چاوەڕوانییەکی زۆر مامەڵەی زیادکردنی منداڵی خوار تەمەن 12 ساڵ بۆ سەر پسوولەی خۆراک کرایەوە لە رێگەی سیستەمی ئەلیکتڕۆنی پسوولەی خۆراک.
ئاماژەی بەوەشکرد، لە ئێستادا دەتوانن ناوی منداڵەکانتان تۆماربکەن لە رێگەی سیستەمی ئەلیکترۆنی پسوولەی خۆراک، هەر هاوڵاتییەکیش کێشەی هەبوو لە کاتی تۆمارکردنی ناوی منداڵەکەی لە سیستەمی ئەلیکترۆنی، دەتوانێت سەردانی بەڕێوەبەرایەتیەکەیان بکات بۆ ئاسانکاری و تۆمارکردنی ناوی منداڵەکەی.
تێبینی:
پێویستە بۆتۆمارکردنی ناوی منداڵ یەکێک لەم ڤیزە کارتانە لەلاتان بێت بۆ پارەدانی ئەلیکتڕۆنی:
1- ڤیزە کارتی بانکی جنوبی.
2- ڤیزە کارتی Q Card.

پڕۆسەی زیادکردنی ناوی منداڵ بۆ سەر پسوولەی خۆراک دەستیپێکردەوە

وەزارەتی دارایی هەرێم رایگەیاند، حکومەتی عێراق مووچەی هەردوو مانگی تشرینی دووەم و کانوونی یەکەمی خەرج نەکردووە، لەکاتێکدا مووچەی تەواوی دامەزراوەکانی دیکەی عێراق لەو دوو مانگەدا دابەشکراوە.
ئەمڕۆ سێشەممە، 9-6-2026، لە روونکردنەوەیەکدا بەڕێوەبەرایەتیی گشتیی ژمێریاریی وەزارەتی دارایی هەرێم رایگەیاند، لە وەڵامی لێدوانەکانی عەدنان فەیحان دلێمی، جێگری یەکەمی سەرۆکی پەرلەمانی عێراق کە داوای راگرتنی شایستە داراییەکانی هەرێم دەکات تا یەکلاییکردنەوەی سەرجەم کێشەکان، دووپاتی دەکەنەوە کە هەولێر بەپێی یاسای ئیدارەی دارایی و یاسای بودجەی فیدراڵی بۆ ساڵەکانی (2023، 2024، 2025) سەرجەم ئەرکەکانی بە تەواوی جێبەجێکردووە.
لە راگەیەندراوەکەدا ئاماژە بەوە کراوە، لە ساڵی 2025دا هەرێم پشکی گەنجینەی فیدراڵیی بەپێی رێککەوتنەکان رادەستکردووە، بەڵام حکومەتی عێراق تەنیا پارەی مووچەی 10 مانگی فەرمانبەرانی هەرێمی ناردووە و مووچەی هەردوو مانگی تشرینی دووەم و کانوونی یەکەمی خەرج نەکردووە، لەکاتێکدا مووچەی تەواوی دامەزراوەکانی دیکەی عێراق لەو دوو مانگەدا دابەشکراوە.
وەزارەتی دارایی روونیشیکردووەتەوە، بۆ ساڵی 2026، بەپێی رێککەوتنەکان هەرێم پشکی بەغدای لە داهاتە نانەوتییەکانی مانگەکانی کانوونی دووەم، شوبات، ئازار، نیسان و ئایار رادەستکردووە. سەبارەت بە کەمبوونەوەی داهاتەکانیش لە هەردوو مانگی ئازار و نیسان، وەزارەتەکە هۆکارەکەی بۆ دۆخی جەنگ لە ناوچەکە و نەگەیشتن بە رێککەوتن لەسەر جێبەجێکردنی سیستەمی "ئەسیکودا" لە دەروازە سنوورییەکان گەڕاندووەتەوە، کە وەک ئامرازێک بۆ سەپاندنی گەمارۆی ئابووری بەسەر هەرێمدا بەکارهێنراوە. سەرەڕای ئەوەی گفتوگۆکانی تایبەت بەو سیستەمە گەیشتبوونە قۆناغی کۆتایی، بەڵام بەغدا لە دەرکردنی بڕیاری پێویست کەمتەرخەمی کردووە، بۆیە بەپێی رێککەوتنێک، بڕیاردراوە تەنیا 50٪ی داهاتە نانەوتییەکان رادەست بکرێت بەهۆی دابەزینی قەبارەی داهاتەکانەوە.
لە کۆتایی راگەیەندراوەکەشدا هاتووە، وەزارەتی دارایی رەخنەی توند لە جێگری یەکەمی سەرۆکی پەرلەمان دەگرێت و ئاشکرای دەکات کە باشتر بوو ناوبراو هەوڵی دۆزینەوەی چارەسەری یاسایی و دەستووری بۆ کێشەی بڕگەی "خەرجیی فیعلی" بدایە کە بەشێوەیەکی نادادپەروەرانە و تەنیا بەسەر هەرێمی کوردستاندا جێبەجێ دەکرێت، کە بووەتە هۆی خەرجنەکردنی تەواوەتی شایستە داراییەکان و مووچە. هەروەها دەڵێت: "جێگەی سەرسوڕمانە کەسایەتییەک لەو پۆستەدا، لەبری پاراستنی یەکسانی و مافی سەرجەم هاووڵاتییان، داوای بڕین و راگرتنی مووچەی بەشێکی دیاریکراو لە هاوڵاتییانی وڵات بکات."

دارایی هەرێم: بەغدا مووچەی دوو مانگی هەرێمی خەرج نەکردووە

سەرۆکی ئەنجوومەنی باڵای موەلیدە ئەهلییەکانی پارێزگای هەولێر دەڵێت، بڕیاریان داوە تەواوی موەلیدەکان لەنێو شار، قەزا و ناحیەکان لە نەبوونی کارەبادا کارپێبکەن.
ئەمڕۆ یەکشەممە، 7-6-2026، خۆران خۆرانی، سەرۆکی ئەنجوومەنی باڵای موەلیدە ئەهلییەکانی پارێزگای هەولێر لە لێدوانێکدا رایگەیاند، دوای کۆبوونەوەیەک بڕیاریان دا تەواوی موەلیدەکان لەنێو شار، قەزا و ناحیەکان لە نەبوونی کارەبادا کارپێبکەن.
وتیشی: "هەر موەلیدەیەک پێشتر کارەبای داوە و پارەی وەرگرتووە، ئەگەر 300 کاتژمێری کارەبای دابێت و هیچ قەرزداری هاوڵاتییان نەبێت، بۆ یەک ئەمپێر دەبێت پێنج هەزار و 750 دینار لە ماڵان وەربگرێت".
راشیگەیاند: "ئەو بڕە پارەیەی بۆ یەک ئەمپێر وەردەگیرێت بۆ 100 کاتژمێر کارکردنە، لە داهاتوودا هەرکاتێک لەو گەڕەکانە کارەبا بڕا، موەلیدە کار دەکات تاوەکو 100 کاتژمێرەکە پڕدەکاتەوە".

بڕیاری کارپێکردنەوەی موەلیدەکان لەم ناوچانە درا

کەشناسی هەرێم رایگەیاند، ئاسمان بە گشتی ساماڵ و پەڵە هەور دەبێت، هەروەها ئەگەری بارانبارین لە چەند ناوچەیەک هەیە.
بەڕێوەبەرایەتی کەشناسی و بوومەلەرزەزانی هەرێم لە بڵاوکراوەیەکدا رایگەیاند، ئەمڕۆ ئاسمان ساماڵ دەبێت لە کاتەکانی شەودا لە رۆژهەڵاتی هەرێم دەگۆڕێت بۆ پەڵە هەور و نیمچە هەور.
ئاماژەی بەوەشکرد، پلەکانی گەرما کەمێک بەرزتر دەبێت بەراورد بە تۆمارکراوەکانی دوێنێ.
دەربارەی کەشوهەوای سبەینێش رایگەیاند، ئاسمان بە گشتی ساماڵ و پەڵە هەور دەبێت هەندێک جار دەگۆڕێت بۆ نیمچە هەور بە تایبەتی لە رۆژهەڵاتی هەرێم لەگەڵ ئەگەری بارینی بارانێکی کەم هەیە لە سنووری پارێزگای سلێمانی و ئیدارەی راپەرین.
بەرزترین پلەی گەرمای پێشبینیکراو بۆ ئەمڕۆ:-
هەولێر : 38 پلەی سیلیزی 
پیرمام : 33 پلەی سیلیزی
سلێمانی : 35 پلەی سیلیزی
چەمچەماڵ : 37 پلەی سیلیزی
دهۆک : 37 پلەی سیلیزی
زاخۆ : 37 پلەی سیلیزی

کەشناسی: لە چەند ناوچەیەک باران دەبارێت

وەزارەتی تەندروستی قاوەی چوکلێتی بۆ دابەزاندنی کێش قەدەغە دەکات
وەزارەتی تەندروستی بە نووسراوێکی فەرمی کە واژۆی دکتۆر سامان بەرزنجی، وەزیری تەندروستیی هەرێمی کوردستانی لەسەرە 'قاوەی چوکلێتی' قەدەغە دەکات و دەڵێت، بازرگان و فرۆشیارانی قاوەی چوکلێتی دەبێت بدرێنە دادگا چونکە ''خەڵکیان هەڵخەڵەتاندووە، قاوەکە مادەیەکی مەترسیداری تێدایە، تەنیا رێگەیەکە بۆ کۆکردنەوەی پارە و بە نایاسایی هاتووەتە نێو هەرێمی کوردستان''.

قاوەی کێش دابەزاندن قەدەغەکرا

سوپای کوەیت: بەرەبەیانی ئەمڕۆ بە 13 موشەک و 17 درۆن هێرشکرایە سەر وڵاتەکەمان و هێزەکانی بەرگریی ئاسمانی بەرپەرچیان دانەوە.
ئەمڕۆ پێنج جار زەنگی ئاگادارکردنەوە لە شار و ناوچە جیاجیاکانی کوەیت لێدراوە و هێزە ئەمنییەکان دۆخی ئامادەباشیی سەربازییان بۆ ئاستی پێویست بەرز کردووەتەوە.
لە هێرشەکانی ئەمڕۆی دوژمندا هاووڵاتییەکی بیانی بە رەگەز هیندی گیانی لەدەستداوە و ژمارەیەک کەسی دیکەش برینداربوون، جگە لە زیانی زۆری ماددی کە بەر ژێرخانی وڵایەکە کەوتووە.

بە 13 موشەک و 17 درۆن هێرشکرا

وتەبێژی بەڕێوەبەرایەتیی گشتی حەج و عومرەی هەرێم وادەی گەڕانەوەی یەکەم کاروانی حاجییانی هەرێم لەرێی فڕۆکەخانەی هەولێرەوە ئاشکرادەکات.
کاروان ستوونی، وتەبێژی بەڕێوەبەرایەتیی گشتی حەج و عومرەی هەرێم لە لێدوانێکدا رایگەیاند، کاتژمێر 5:00 بەرەبەیانی سبەینێ پێنجشەممە، یەکەم کاروانی حاجییان لە مەدینەوە بەرەو هەرێمی کوردستان بەڕێدەکەون.
ئاماژەی بەوەشکرد، کە چاوەڕوان دەکرێت کاتژمێر 7:30ـی خولەکی بەیانی بگەنە فڕۆکەخانەی نێودەوڵەتی هەولێر.
ئەوەشی خستەڕوو، بڕیارە سبەینێ لە رێگەی حەوت فڕۆکەوە، هەزار و 27 حاجی بگەڕێنەوە کە دابەشبوون بەسەر چوار فڕۆکە بۆ حاجییانی هەولێر، دوو فڕۆکە هی حاجییانی دهۆکن فڕۆکەیەکیش حاجییانی ئیدارەی سەربەخۆی سۆرانی تێدایە دەگەڕینەوە.
دەربارەی حاجییانی پارێزگای سلێمانی و ناوچەکانی دیکەش، کاروان ستوونی رایگەیاند، بەپێی خشتەیەکی راگەیەندراو، لە رۆژانی دواتردا ئەوانیش دەگەڕێنەوە.

سینەمای قەلەم

گەڕان بکە بۆ نوێترین فیلم و دراما جیهانیەکان لە سینەمای قەڵەم بە زمانی کوردی و بیانی

کوردستان