ئەنجوومەنی باڵای فەتوا: خۆدزینەوە لە باج بە گرێبەستی ساختە حەرامە و فرۆشتنەوەی کاڵای قیست قەدەغە دەکرێت ئەنجوومەنی باڵای فەتوای هەرێمی کوردستان لە کۆبوونەوەی ئاسایی خۆیدا دوو بڕیاری شەرعیی گرنگی لەبارەی مامەڵە داراییەکان و چەوساندنەوەی مافی فەرمانبەرانی کەرتی تایبەت پەسەند کرد. لە تەوەری یەکەمدا، ئەنجوومەنەکە تاوتوێی دیاردەی فرۆشتنەوەی ئەو کاڵایانەی کرد کە بە قیست کڕدراون؛ بەپێی دەقی فەتواکە، فرۆشتنەوەی کەلوپەلەکە بە هەمان فرۆشیار پێش ئەوەی قیستەکانی تەواو بکرێت، لە ڕووی شەرعییەوە پەسەند نییە و کاری نادروستە (مەکرووهـە)، مەگەر لە کاتی ناچاریی تەواودا نەبێت کە سێ مەرجی سەرەکیی بۆ دانراوە: نەبوونی هیچ جۆرە ڕێککەوتنێکی ژێربەژێر لە نێوان کڕیار و فرۆشیاردا، وەرگرتنی تەواوەتیی کاڵاکە و هەبوونی دەسەڵاتی خاوەندارێتی لەلایەن کڕیارەوە، لەگەڵ ڕوونکردنەوە و دیاریکردنی وادەی دانەوەی یەکەمین قیست. سەبارەت بە شێوازی کارکردنی بەشێک لە پڕۆژە و کۆمپانیا و ناوەندە پەروەردەییە ئەهلییەکان، ئەنجوومەنی فەتوا پەردەی لەسەر فێڵێکی یاسایی و دارایی هەڵدایەوە کە تێیدا خاوەنکاران دوو گرێبەستی جیاواز لەگەڵ کارمەند و مامۆستایاندا دەکەن؛ گرێبەستێکیان بە ژمارە و مووچەی بەرز بۆ باج و لایەنە پەیوەندیدارەکانی حکوومەت، و گرێبەستێکی دیکەش بە کرێیەکی کەمتر و سەپاندنی کاری زیاتر بەسەر کارمەندەکەدا. ئەنجوومەنەکە ئەو هەنگاوەی کۆمپانیاکانی بە «حەرامی ڕەها، غەش و فێڵکردن، و خواردنی ماڵی خەڵک بە ناڕەوا» هەژمار کرد؛ هاوکات جەختیشی کردەوە کە بڕەپارەی وەرگیراوی کرێکاران حەڵاڵە بەڵام نابێت ڕاستییەکان لە لیژنەکانی چاودێری بشارنەوە، هاوکات داوای لە دەزگا ڕەسمییەکانی حکوومەتیش کرد چاودێریی توند بخەنە سەر کەرتی تایبەت و ڕێگە لە پێشێلکردنی مافی کارمەندان بگرن.

فەتوا لەسەر گرێبەستەکانی کەرتی تایبەت درا

بەڕێوەبەرایەتیی گشتیی کار و دەستەبەری کۆمەڵایەتیی هەرێمی کوردستان جێبەجێکردنی بڕیاری بەرزکردنەوەی کەمترین مووچەی خانەنشینانی کەرتی تایبەتی بۆ 500 هەزار دینار ڕاگەیاند، کە لە مووچەی مانگی ئەیلولەوە هەژمار دەکرێت. مەریوان بەگۆک عەزیز، بەڕێوەبەری گشتیی کار و دەستەبەری کۆمەڵایەتی ئاشکرای کرد، ئەو کرێکارانەی پێشتر مووچەکانیان لە نێوان 150 هەزار بۆ 400 هەزار دیناردا بووە، لەمەودوا کەمترین مووچەیان دەبێتە 500 هەزار دینار. مووچەکە هاوشێوەی فەرمانبەرانی کەرتی گشتی، بەپێی ساڵانی خزمەت، پسپۆڕی و دوایین مووچەی کاتی کارکردنیان هەژمار دەکرێت. بەپێی ڕێنماییەکان، مەرجی خانەنشینبوون بۆ پیاوان بە گەیشتن بە تەمەنی 60 ساڵی و 20 ساڵ خزمەت، بۆ ژنانیش بە 55 ساڵی و 20 ساڵ خزمەت دیاریکراوە. هاوکات ژمارەی ئەو کرێکارانەی دەستەبەری کۆمەڵایەتی دەیانگرێتەوە گەیشتووەتە زیاتر لە 350 هەزار کەس، کە 225 هەزار کەسیان لە سەردەمی کابینەی نۆیەمدا ناونووس کراون، پرۆسەی دابەشکردنی مووچەی مانگی ئەیلولیش بە گوژمە نوێیەکە دەستیپێکردووە.

موچەی ئەم چینە بەرز دەکرێتەوە 

ئەمڕۆ چوارشەممە، کەشناسی هەرێم رایگەیاند، پلەکانی گەرما بە شێوەیەکی گشتی کەمێک بەرز دەبێتەوە بەراورد بە تۆمارکراوەکانی دوێنێ، ئاسمان لەنێوان نیمچە هەور و هەوری تەواو دەبێت لە زۆربەی ناوچەکانی هەرێم, لەگەڵ ئەگەری کەمێک نمە باران هەیە لە ناوچە شاخاوییەکانی باکوور و باکووری رۆژئاوای هەرێم . بەرزترین پلەکانی گەرمای پێشبینیکراو بە پلەی سیلیزی
هەولێر: 30 پلەی سیلیزی&nbsp;
پیرمام: 25 پلەی سیلیزی
سلێمانی: 28 پلەی سیلیزی
هەڵەبجە:30 پلەی سیلیزی&nbsp;
چەمچەماڵ: 31 پلەی سیلیزی
دهۆک: 28 پلەی سیلیزی
زاخۆ: 27 پلەی سیلیزی&nbsp;
ئاکرێ:27 پلەی سیلیزی&nbsp;
گەرمیان:37 پلەی سیلیزی&nbsp;
حاجی ئۆمەران:17 پلەی سیلیزی
 سبەی پێنج شەممە، پلەکانی گەرما بەشێوەیەکی گشتی کەمێک بەرز دەبێتەوە تەنها لە سنووری پارێزگای دهۆک نەبێت کەمێک نزم دەبێتەوە بەراورد بە تۆمارکراوەکانی ئەمڕۆ، ئاسمان هەوری تەواو دەبێت لە ئەنجامی کاریگەری لاوازی نزمە پەستانی دەریایی سپی ناوەراست, سەرەتا باران بارین لە سنووری پارێزگای دهۆک و ئیدارەی سەربەخۆی زاخۆ دەست پێ دەکات بەشێوەی نمە باران و بارانی مام ناوەند دەبێت هەندێک جار هەورە بروسکەشی لەگەڵ دەبێت , پاشان باران بارینەکە دەگاتە سنووری پارێزگای هەولێر و ئیدارەی سەربەخۆی سۆران بەشێوەی نمە باران و بارانی مام ناوەند وە تاکو درەنگانی شەو کاریگەری ئەم شەپۆڵە لەسەر ئەم ناوچانە بەردەوامی دەبێت .&nbsp;&nbsp;&nbsp;&nbsp;&nbsp;
 بەرزترین پلەکانی گەرمای پێشبینیکراو بە پلەی سیلیزی
هەولێر: 31 پلەی سیلیزی&nbsp;
پیرمام: 26 پلەی سیلیزی
سلێمانی: 29 پلەی سیلیزی
هەڵەبجە:31 پلەی سیلیزی&nbsp;
چەمچەماڵ: 32 پلەی سیلیزی
دهۆک: 27 پلەی سیلیزی
زاخۆ: 26 پلەی سیلیزی&nbsp;
ئاکرێ:26 پلەی سیلیزی&nbsp;
گەرمیان:38 پلەی سیلیزی&nbsp;
حاجی ئۆمەران:17 پلەی سیلیزی

پلەکانی گەرمان بەرزدەبێتەوە

دوا مۆڵەت دیاری دەکرێت هۆشداریی سزادان دەدرێتە بریکارەکانی خۆراک لە سلێمانی بەڕێوەبەرایەتیی بازرگانیی کەلوپەلی خۆراکی سلێمانی لە ئاگادارییەکی فەرمیدا داوا لە بریکارەکانی ناوشار دەکات لە ڕۆژی چوارشەممە 14-10-2026ـەوە دەست بە دانانی (ئیداع) پارەی سەبەتەی شەشەمی خۆراکی ئەمساڵ بکەن و دوا وادەش بۆ ئەو پرۆسەیە 18ی ئەم مانگە دەبێت. بەپێی گشتاندنەکەی بەڕێوەبەرایەتییەکە پارەکە بە شێوەی کاش لە ڕێگەی بانکی «جنوب ئیسلامی» وەردەگیرێت بە مەرجی پێشکەشکردنی کارتی بانکی و کارتی نیشتمانی هاوکات جەخت کراوەتەوە کە هەر بریکارێک لە کاتی دیاریکراودا پارەکە ڕادەست نەکات، بەپێی ڕێنماییەکانی بەغدا سزای دارایی (غەرامە) دەدرێت و ڕووبەڕووی لێپێچینەوە دەبێتەوە.

دوامۆڵەت بۆ بریکارەکانی خۆراک دیاری کرا

ناوەندی قەزای کەلار شەوێکی نائارامی بەڕێکرد، دوای ئەوەی کۆمەڵێک چەکداری نەناسراو هێرشێکی چڕیان کردە سەر ئۆتۆمبێلی تایبەتی هاوڕێ جەلیل، لێپرسراوی پۆلیسی دارستان و ژینگەی قەزای خانەقین. بەگوێرەی لێکۆڵینەوە مەیدانییەکان، دەستڕێژەکە ڕاستەوخۆ بەشی دواوە و شوێنی عەمباری سووتەمەنیی ئۆتۆمبێلەکەی کردووەتە نیشانە، بە مەبەستی دروستکردنی تەقینەوە و ئاگرکەوتنەوە، بەڵام پیلانەکە تەنها زیانی مادیی لێکەوتەوە و لەو کاتەدا کەسی تێدا نەبووە. ئەو لێپرسراوە ئەمنییە دووپاتی کردەوە کە پەلامارەکە لە پێش دەرگای ماڵەکەی ئەنجامدراوە و دەستبەجێ بەڵگە سەرەتاییەکان ڕادەستی دەزگا ئەمنییەکانی سنووری گەرمیان کراون، هاوکات دۆسیەی یاسایی بۆ ڕووداوەکە کراوەتەوە تا ناسنامەی تەقەکەرەکان و سەرچاوەی پیلانەکە ئاشکرا بکرێن.

پەلامارێکی چەکداری لە گەرمیان؛ دەستڕێژ لە شوێنی مانەوەی بەرپرسێکی باڵای پۆلیس دەکرێت

بڕیارە هەفتەی داهاتوو دەست بە دابەشکردنی نەوتی سپی ماڵان بکرێت، بە وتەی پەرلەمانتارێک هێشتا نرخەکەی دیاری نەکراوە. لە ڕاگەیەندراوێکدا ئاماژە بەوە کراوە، هەفتەی داهاتوو نەوتی سپیی ماڵان دەگاتە سەرجەم ناوچەکانی هەرێمی کوردستان و دەست بە دابەشکردنی دەکرێت، بەڵام هێشتا نرخەکەی دیارینەکراوە. ئەمە لەکاتێکدایە بەهۆی دابەشنەکردنی نەوتی سپی ماڵانەوە لە لایەن حکومەتی عێراق و حکومەتی هەرێمەوە، نرخی بەرمیلێک نەوتی ماڵان لە بازاڕی ڕەش گەیشتووەتە سەرو 300 هەزار دینار.

دابەشکردنی نەوت 

مشتومڕی دابەزین یان بەرزبوونەوەی نرخی دۆلار بەرامبەر دینار پرسێکی ڕۆژانەی هاووڵاتییان و ناوەندە ئابوورییەکانە، بەڵام هاوکێشەی دراوی بەهێز یان لاواز لایەنی ئەرێنی و نەرێنیی تایبەت بە خۆی هەیە، بەتایبەت لە ئابوورییەکی وەک عێراقدا کە زۆرینەی پێداویستییەکانی لە دەرەوە دەهێنێت.
کاتێک دینار بەهێز دەبێت، هاوردەکردنی خواردن، دەرمان، ئۆتۆمبێل و کاڵا تەکنەلۆژییەکان هەرزانتر دەوەستێت، ئەمەش دەستبەجێ هەڵاوسان دادەبەزێنێت و هێزی کڕینی مووچەی هاووڵاتی زیاد دەکات، هاوکات گەشتکردن و دانەوەی قەرزی دەرەکیش ئاسانتر دەبێت؛ لەگەڵ ئەوەشدا، هەرزانیی کاڵای بیانی کێبڕکێ لەسەر کارگە و جووتیارانی ناوخۆ توند دەکات و داهاتی نەوتیی حکومەتیش کاتێک دەگۆڕدرێتەوە بۆ دینار کەمی دەکات.
لە بەرامبەردا، کاتێک بەهای دینار دادەبەزێت، حکومەت لە گۆڕینەوەی دۆلاری نەوتدا دیناری زیاتری دەست دەکەوێت و گرانیی کاڵای هاوردەش دەرفەتێک بە بەرهەمی ناوخۆ دەدات پێشبکەوێت, بەڵام باجی ئەمە گرانیی لەناکاوی بازاڕ، دابەزینی بەهای پاشەکەوت و کەمبوونەوەی بەرچاوی هێزی کڕینی مووچەخۆرانە. بەهۆی ئەوەی عێراق بەرهەمهێنەرێکی گەورەی ناوخۆیی نییە، ئابووریناسان پێیان وایە پاراستنی سەقامگیریی دینار بۆ ئێستای بژێوی خەڵک لەپێشینەترە، بەو مەرجەی هاوتەریب کار بۆ هەمەچەشنکردنی سەرچاوەکانی داهات بکرێت.&nbsp;

دیناری بەهێز یان دۆلاری بەرز

&nbsp;بەرهەمهێنانی کارەبا لە هەرێمی کوردستان 1070 مێگاوات کەم دەبێتەوە دانەغاز چاکسازیی نوێ ئەنجام دەدات&nbsp;
هەردوو وەزارەتی سامانە سروشتییەکان و کارەبای حکومەتی هەرێمی کوردستان لە ڕاگەیەندراوێکی هاوبەشدا ئاشکرایان کرد، کۆمپانیای دانەغاز بۆ ماوەی چوار ڕۆژ قۆناغی دووەمی چاکسازییە تەکنیکییەکانی لە کێڵگەی کۆرمۆر دەستپێدەکات، بەهۆیەوە ئاستی بەرهەمهێنانی کارەبا بە بڕی 1070 مێگاوات پاشەکشە دەکات.&nbsp;
بەپێی ڕاگەیەندراوە هاوبەشەکە، بەهۆی پڕۆسەی چاکسازییەکەوە ناردنی غاز لە 520 ملیۆن پێ سێجاوە بۆ 260 ملیۆن پێ سێجا کەم دەبێتەوە. هەردوو وەزارەت جەختیان کردووەتەوە لەوەی لە ماوەی ئەو چوار ڕۆژەدا هەموو هەوڵێک دەدەن بۆ ئەوەی کەمترین کاریگەری لەسەر کاتژمێرەکانی پێدانی کارەبای هاووڵاتییان هەبێت، هاوکات دڵنیاییش دەدەن کە ئەم پڕۆسەیە هیچ کێشەیەک بۆ بەرهەمهێنان و دابینکردنی غازی شلی ماڵان (LPG) دروست ناکات.&nbsp;
کێڵگەی گازی کۆرمۆر لە سنووری چەمچەماڵ کە سەرچاوەی سەرەکیی سووتەمەنیی وێستگەکانی بەرهەمهێنانی وزەیە و زیاتر لە 70%ی کارەبای هەرێمی کوردستان دابین دەکات، ئەم کارە تەکنیکییانەی لەپێناو بەرزکردنەوەی توانای بەرهەمهێنان و ئامادەکارییە بۆ وەرزی زستان کە تێیدا خواست لەسەر بەکارهێنانی کارەبا دەگاتە بەرزترین ئاست.&nbsp;
&nbsp;

کارەبای هەرێم کەمدەکرێتەوە

داهاتی نانەوتی لە سنووری پارێزگاکانی سلێمانی و هەڵەبجە و ئیدارە سەربەخۆکانی ڕاپەڕین و گەرمیان لە ماوەی هەفتەی ڕابردوودا بە ڕێژەیەکی بەرچاو کەمی کردووە و بەراورد بە هەفتەی پێش خۆی بەڕێژەی 43% دابەزیوە.
​بەپێی نوێترین داتاکانی ماڵپەڕی فەرمیی «شەفافییەت»، داهاتی کۆکراوەی سنوورەکە لە هەفتەی ڕابردوودا (3ی تشرینی یەکەم تا 9ی تشرینی یەکەمی 2026) گەیشتووەتە 7 ملیار و 950 ملیۆن دینار؛ لەو بڕەش 84%ی بە نەختینە (کاش) و 16%ی بە شێوەی چەک وەرگیراوە. ئەم ژمارەیە لە کاتێکدایە کە لە هەفتەی پێشتردا (26ی ئەیلوول تا 2ی تشرینی یەکەمی 2026) داهات گەیشتبووە 14 ملیار و 3 ملیۆن دینار، بەمەش ئاستی داهات بە بڕی 6 ملیار و 54 ملیۆن دینار پاشەکشەی کردووە.
​هەر بەپێی ئامارەکان، تێکڕای داهاتی نانەوتیی مانگانەی سنوورەکە لە 9 مانگی ڕابردووی ساڵی 2026 بەم شێوەیە بووە:
​ئەیلوول: 69 ملیار و 369 ملیۆن دینار
​شوبات: 68 ملیار و 313 ملیۆن دینار
​ئاب: 57 ملیار و 475 ملیۆن دینار
​تەممووز: 55 ملیار و 406 ملیۆن دینار
​کانوونی دووەم: 52 ملیار و 336 ملیۆن دینار
​ئایار: 51 ملیار و 667 ملیۆن دینار
​ئازار: 43 ملیار و 927 ملیۆن دینار
​حوزەیران: 43 ملیار و 512 ملیۆن دینار
​نیسان: 43 ملیار و 405 ملیۆن دینار&nbsp;

کەم بونەوەی داهاتی سلێمانی

وەزارەتی دارایی و ئابووریی حکومەتی هەرێمی کوردستان خشتەی فەرمیی دابەشکردنی مووچەی مانگی 9 (ئەیلوول)ی فەرمانبەران و مووچەخۆرانی ڕاگەیاند؛ بەپێی خشتەکە، لە ڕۆژی یەکشەممە 11ی تشرینی یەکەمی 2026 دەست بە دابەشکردنی مووچە دەکرێت و لە ماوەی چوار ڕۆژدا کۆتایی بە پڕۆسەکە دێت.&nbsp;
بەپێی خشتە ڕاگەیەندراوەکە، دابەشکردنی مووچە بەم شێوازەی خوارەوە بەڕێوەدەچێت:&nbsp;
<ul>
<li style="margin-left:0px;"></li>
</ul>
یەکشەممە (11ی تشرینی یەکەمی 2026): خانەنشینانی شارستانی و پێشمەرگە.&nbsp;
<ul>
<li style="margin-left:0px;"></li>
</ul>
دووشەممە (12ی تشرینی یەکەمی 2026): زیندانیانی سیاسی، بەرکەوتووانی چەکی کیمیایی، کەسوکاری شەهیدان و ئەنفالکراوان، خوێندنی باڵا و توێژینەوەی زانستی، پەروەردە.&nbsp;
<ul>
<li style="margin-left:0px;"></li>
</ul>
سێشەممە (13ی تشرینی یەکەمی 2026): دەستەی ژینگە، دەستەی دەسپاکی، دەزگای مین، تەندروستی، دەستەی وەبەرهێنان، مافی مرۆڤ، خاوەن پێداویستیی تایبەت، ناوچەکانی دەرەوەی هەرێم، کاروباری شەهیدان و ئەنفالکراوان، کۆمیسیۆنی باڵای هەڵبژاردن، ئاوەدانکردنەوە و نیشتەجێکردن، ناوخۆ، داد، ئەنجومەنی دادوەری، دارایی و ئابووری، پلان دانان، سامانه سروشتییەکان، بازرگانی و پیشەسازی، گواستنەوە و گەیاندن، کار و کاروباری کۆمەڵایەتی، شارەوانی و گەشتوگوزار، کارەبا، ڕۆشنبیری و لاوان، ئەوقاف و کاروباری ئایینی، کشتوکاڵ و سەرچاوەکانی ئاو، سەرۆکایەتیی پەرلەمان، سەرۆکایەتیی هەرێم، سەرۆکایەتیی ئەنجومەنی وەزیران، دیوانی چاودێریی دارایی.&nbsp;
<ul>
<li style="margin-left:0px;"></li>
</ul>
چوارشەممە (14ی تشرینی یەکەمی 2026): پێشمەرگە (فەرماندەیی دەستەکانی 1 و 2)، ئەنجومەنی ئاسایش و دەزگای ئاسایش، بەڕێوەبەرایەتیی گشتیی پۆلیسی دامودەزگا نەوتییەکان، فەرماندەیی پێشمەرگەی زێرەڤانی و بەرگری و فریاکەوتن.&nbsp;&nbsp;

خشتەی موچەی مانگی ٩

شەپۆلی مامەڵەکردن و ساغکردنەوەی کارتەکانی زەوی لە هەولێر، کاردانەوەی توندی شارەوانیی لێکەوتەوە. سەرۆکایەتیی شارەوانیی هەولێر هێڵی سووری بەڕووی ئەو بازاڕەدا کێشا کە لە دەوری زەویی بەخشراوی فەرمانبەران دروست بووە، و بە ڕوونی ڕایگەیاند کە هەر کڕین و فرۆشتنێک پێش تەواوبوونی مامەڵەی تاپۆ ئەنجام بدرێت، هیچ بەهایەکی یاسایی نییە و مەترسیی لەدەستچوونی مافەکانی لەسەرە.
ئەم بڕیارە دوای ئەوە هات کە دەستبەجێ لەگەڵ دابەشکردنی وەجبەکانی زەوی، بەشێک لە فەرمانبەران لە ڕێگەی نێوەندگیر و نووسینگەکانی خانووبەرەوە دەستیان بە فرۆشتنی مافەکانیان کرد بە شێوازی «کارت». شارەوانی هۆشداریی داوە کە ئەم هەنگاوە سەرکێشییەکی مەترسیدارە و سەر دەکێشێت بۆ کێشەی کۆمەڵایەتی و ئاڵۆزیی یاسایی، چونکە موڵکدارییەکە هێشتا لە فەرمانگەی تاپۆ جێگیر نەبووە. هاوکات پەیامێکی توند ئاراستەی نووسینگەکانی کڕین و فرۆشتن کراوە کە بەشداریکردن لەم جۆرە گرێبەستانە بەرپرسیارێتیی ڕاستەوخۆ دەخاتە ئەستۆیان و سزای یاسایی توندی لێدەکەوێتەوە.
لە ڕووی مەیدانیشەوە، شارەوانی ڕەوتی دابەشکردنی پارچە زەوییەکانی خستووەتەڕوو؛ لە کۆی 82 هەزار فەرمانبەری شایستە لە نێو سەنتەری هەولێردا، تا ئێستا لە هەشت کارواندا 55 هەزار کەسیان زەوییان بەردەکەوێت و تۆمار کراون، هاوکات ئامادەکارییەکان بۆ پڕکردنەوەی پشکی ئەوانەی ماونەتەوە لە کاروانەکانی داهاتوودا چڕکراونەتەوە.&nbsp;

مامەڵەی کڕین و فرۆشتنی زەوی قەدەغە دەکرێت

بەڕێوەبەرایەتیی گشتیی کەشناسی ڕەوشی کەشوهەوای 48 کاتژمێری داهاتووی لە سەرتاسەری هەرێمی کوردستان ڕاگەیاند، کە بەپێی پێشبینییەکان ئەمڕۆ بارانبارین بەشێک لە ناوچەکان دەگرێتەوە و پلەکانی گەرما دادەبەزن، لە کاتێکدا سبەی شەپۆلەکە کۆتایی دێت و پلەکانی گەرما دووبارە بەرز دەبنەوە.
ئەمڕۆ چوارشەممە 07-10-2026
ئاسمان بە گشتی هەوری تەواو دەبێت، ئەگەری بارینی نمەباران لە بەشەکانی ڕۆژهەڵاتی هەرێم بەتایبەت سنووری پارێزگای سلێمانی، هەڵەبجە و بەشێک لە ئیدارەی گەرمیان هەیە، هاوکات پروشکەباران لە هەندێک ناوچەی شاخاویی بەرزدا دەبارێت و سەنتەری پارێزگاکانیش ئەگەری نمەبارانێکی کەمیان هەیە. پلەکانی گەرما بە (2-3) پلەی سیلیزی بەراورد بە دوێنێ نزم دەبنەوە.
پلەکانی گەرمی ئەمڕۆ: گەرمیان 29،
هەڵەبجە 28،
چەمچەماڵ 28،
هەولێر 27،
سلێمانی 26،
دهۆک 25،
زاخۆ 25،
ئاکرێ 24،
پیرمام 23،
حاجی ئۆمەران 19
سبەی پێنجشەممە 08-10-2026:
کاریگەریی نزمەپاڵەپەستۆی دەریای سوور تا کاتەکانی بەرەبەیان لەسەر ناوچەکە دەمێنێتەوە و پاشان کۆتایی دێت، ئاسمان لە زۆربەی ناوچەکاندا دەگۆڕێت بۆ نیمچەهەور. پلەکانی گەرما (3-4) پلەی سیلیزی بەراورد بە ئەمڕۆ بەرز دەبنەوە.
بەرزترین پلەکانی سبەی
گەرمیان 33
، هەڵەبجە 30،
چەمچەماڵ 30،
هەولێر 29،
زاخۆ 28،
ئاکرێ 28،
سلێمانی 27،
دهۆک 27،
پیرمام 25،
حاجی ئۆمەران 21&nbsp;

سینەمای قەلەم

گەڕان بکە بۆ نوێترین فیلم و دراما جیهانیەکان لە سینەمای قەڵەم بە زمانی کوردی و بیانی

کوردستان