وەزارەتی دارایی و ئابوری حکومەتی هەرێمی کوردستان ڕێنماییەکی نوێی دەرکرد لەسەر بەستنەوەی دەرماڵە بە ئەندامبوونەوە لە سەندیکاکان.

بەپێی نوسراوێکی وەزارەتی دارایی و ئابوری کە واژۆی ئاوات جەناب نوری وەزیری لەسەرە و ئەمڕۆ پێنج شەممە 27ی نیسانی 2023، وێنەیەکی دەست قەڵەم کەوتووە، تیایدا هاتووە: "پاڵپشت بە بڕیاری ئەنجومەنی وەزیران بڕیار درا بە:

1-کاکردن بە هەر دەقێکی ڕێنماییە داراییەکانمان کە خەرجکردنی دەرماڵە دەبەستێتەوە بە ئەندامبوون لە سەندیکا و یەکێتییەکان ڕابگیرێت.

2-ئەم ڕێنماییە لە لە ڕۆژی دەرچونیەوە کاری پێدەکرێت و لە ڕۆژنامەی فەرمی وەقائعی کوردستان بڵاو دەکرێتەوە".