ئەمریکا 60 تانکەری نەوت و بارھەڵگری پڕ لە گەنمی لە سوریاوە بۆ عێراق گواستوەتەوە

٦ کانونی دووەمی ٢٠٢٣

بڵاویبکەرەوە لە

ھێزەکانی ئەمریکا زیاتر لە 60 تانکەری نەوت و بارھەڵگری پڕ لە گەنم لە سوریا بۆ عێراق دەگوازنەوە.

بە پێی ھەواڵێکی ئاژانسی پوتنیکی روسی لە زاری سەرچاوەکانی پارێزگای حەسەکەوە بڵاویکردەوە، ھێزەکانی ئەمریکا لە ناو خاکی سوریا بەردەوامن لە بردنی سەروەت و سامانی سروشتی ئەو وڵاتە و فرۆشتنەوەی لە بازاڕی رەشدا و داھاتەکەشی بۆ ژمارەیەک فەرماندەی سەربازیی ئەمریکایە کە لە سوریان.

ئاماژەی بە ئەوەشکرد، لە دواین کاری نا یاساییاندا ھێزەکانی ئەمریکا زیاتر لە 60 تانکەری نەوت و بارھەڵگری پڕ لە گەنمیان لە شارۆچکەی یەعریبیەی سوریاوە لە رێگەی دەروازەی وەلیدەوە گواستووەتەوە بۆ بنکە سەربازییەکانیان لە عێراق و 24 ئۆتۆمبێلی سەربازیی ئەمریکاش لەگەڵ ئەو کاروانی نەوت و گەنمەدا بوون بۆئەوەی پارێزگارییان لێبکەن.