كۆمەڵەی داكۆكیكردن لە مافی خاوەن مۆلیدەكانی سلێمانی لە ڕاگەیەنراوێكدا ئاماژەی بەوەكردووە، "سبەینێ‌ پێوەری كاتژمێرەكانی پێدانی كارەبای مۆلیدە بە هاوڵاتیان وەردەگیرێت" بۆ هەژماركردن و دیاری كردنی پارەی كارەبای مۆلیدە.

كۆمەڵەی داكۆكیكردن لە مافی خاوەن مۆلیدەكانی سلێمانی لە ڕاگەیەنراوێكدا ئاماژەی بەوەكردووە، سەرجەم خاوەنی مۆلیدەكان ئاگادار دەكەین، كە سبەینێ چوار شەممە ڕێكەوتی 2022/8/31 پێوەری كاركردنی مانگی ( 8 ) وەردەگیرێت، بۆیە داوا لە ئیشپێكەرانی مۆلیدەكان دەكەین لەكاتژمێر ( 8 )ی بەیانیەكەی لای مۆلیدەكان بن .

بە پێی زانیارییەکانی قەڵەم، پارەی کرێی ئەمپێری مۆلیدە بۆ مانگی 8 نزیك دەبێت لە پارەی مانگی 7 (كە یەك ئەمپێر لەنێوان 16 بۆ 17 هەزار دینار بوو) بەو پێیەی پێدانی كارەبای نیشتمانی لەم مانگەدا ڕێژەیەكی زۆر زیادی نەكردووە و نزیكەی 16 بۆ 17 كاتژمێر كارەبای نیشتمانی هەبووە و نزیكەی 8 كاتژمێریش كارەبای مۆلیدە.

مانگی ڕابردوو بەڕێوەبەرایەتی كارەبای سلێمانی بڵاویكردەوە، لیژنه‌ی دیاریكردنی نرخی مۆ‌لیده‌ ئه‌هلییه‌كان كۆبووه‌وه‌ و به‌ گوێره‌ی نرخی گازوایل نرخی كاتژمێرێك ئەمپێری مۆ‌لیدە بە (66) دینار بۆ مانگی 7 دیاریكرا، كه‌به‌ تێكڕایی مۆلیدە ئه‌هلییه‌كان لەنێوان (240) بۆ (265) كاتژمێر كاریان كردوە، بەمەش نرخی ئەمپێرێك كاره‌با لەنێوان (16) هه‌زار بۆ (17) هه‌زار و (500) هەزار دینار دەبێت.