کەشناسی هەرێم ڕایگەیاند، لە ئەنجامی هاتنی نزمەپاڵەپەستۆی دەریای ناوەڕاست بۆ سەر ناوچەکە، کەشوهەوای ٤٨ کاتژمێری داهاتوو بە گشتی ناجێگیر دەبێت و شەپۆلێکی بارانبارین و بروسکە لە ناوچە جیاوازەکاندا دەستپێدەکات.

بۆ ئەمڕۆ پێنجشەممە، ئاسمانی هەرێمی کوردستان لە نێوان نیمچەهەور و هەوری تەواودا دەبێت سەرەتا لە سنووری پارێزگای دهۆک و ئیدارەی گەرمیانەوە دەست بە بارانبارین بە شێوەی نمەباران و بارانی مامناوەندی پچڕپچڕ لەگەڵ هەورەبروسکەدا دەکرێت، لە کاتەکانی ئێوارەشدا کاریگەریی بارانەکە بە لاوازی لە زۆربەی ناوچەکان و بەتایبەت لە ناوچە شاخاوییەکان بەردەوام دەبێت. هاوکات پلەکانی گەرما لە تۆمارەکانی دوێنێ نزیک دەبنەوە.

پلەکانی گەرمای ئەمڕۆ پێنجشەمە

گەرمیان: 34 

زاخۆ: 32 

هەڵەبجە: 31

 هەولێر: 30

 سلێمانی: 30

 دهۆک: 30

 چەمچەماڵ: 30 

ئاکرێ: 30 

سۆران: 29

پیرمام: 26

 حاجی ئۆمەران:22

بۆ سبەی هەینیش، دۆخی ناجێگیریی کەشوهەوا بەردەوام دەبێت و پلەکانی گەرما بە نزیکەی یەک بۆ دوو پلە نزمتر دەبنەوە بەراورد بە تۆمارەکانی ئەمڕۆ. سەرلەبەیانیی سبەی بارانبارینەکە لە سنووری پارێزگای دهۆک و ئیدارەی سۆران چڕ دەبێتەوە، دوای نیوەڕۆش ڕووبەری شەپۆلەکە فراوان دەبێت بەرەو ناوچەکانی سنووری پارێزگای سلێمانی و هەڵەبجە، لە هەندێک کاتیشدا ئەگەری چالاکبوونی هەورەبروسکە لە ئارادایە.پلەکانی گەرمای ئەمڕۆ پێنجشەمە

بەرزترین پلەکانی گەرمای سبەی هەینی بە پلەی سیلیزی:

گەرمیان: 33 

هەولێر: 29 

هەڵەبجە: 29 

چەمچەماڵ: 29 

زاخۆ: 29

 سلێمانی: 28

دهۆک: 28 

سۆران: 27

 ئاکرێ: 27 

پیرمام: 24

حاجی ئۆمەران: 20