کەشناسی هەرێم رایگەیاند، بە گشتی ئاسمان ساماڵ دەبێت، هەروەها پلەی گەرما بەرز دەبێتەوە (2 -4) پلەی سیلیزی.

بەڕێوەبەرایەتی کەشناسی و بوومەلەرزەزانی هەرێم لە بڵاوکراوەیەکدا رایگەیاند، ئەمڕۆ بە گشتی ئاسمان ساماڵ دەبێت لەگەڵ دروستبوونی هەندێک پەڵە هەوری جیا جیا.

ئاماژەی بەوەشکرد، پلەی گەرما بەرز دەبێتەوە بە (2 -4) پلە بەراورد بە تۆمارەکانی دوێنێ.

دەربارەی کەشوهەوای سبەینێش رایگەیاند، ئاسمان ساماڵ و پەڵە هەور دەبێت لە ناوچە شاخاوییەکان هەندێک جار نیمچە هەور دەبێت لەگەڵ ئەگەری بارینی تاوەبارانی کورت خایەن بە تایبەتی لە ناوچە شاخاوییەکانی رۆژئاوا و باکوری هەرێم.

ئاماژەی بەوەشکرد، پلەی گەرما بەرز دەبێتەوە بە (2 – 3) پلە بەراورد بە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بۆ ئەمڕۆ:-

هەولێر: 31 پلەی سیلیزی

پیرمام: 26 پلەی سیلیزی

سۆران: 27 پلەی سیلیزی

حاجی ئۆمەران: 18 پلەی سیلیزی

سلێمانی: 28 پلەی سیلیزی

چەمچەماڵ: 30 پلەی سیلیزی

دهۆک: 29 پلەی سیلیزی

زاخۆ: 30 پلەی سیلیزی

هەڵەبجە: 30 پلەی سیلیزی

گەرمیان: 32 پلەی سیلیزی