کەشناسی هەرێم رایگەیاند، ئاسمان بە گشتی نیمچە هەور دەبێت و ئەگەری بارینی کەمێک نمەباران و هەورەبروسکە هەیە.

بەڕێوەبەرایەتی کەشناسی و بوومەلەرزەزانی هەرێم لە راگەیەندراوێکدا رایگەیاند، ئاسمان بە گشتی نیمچە هەور دەبێت و ئەگەری بارینی کەمێک نمەباران و هەورەبروسکە لە کاتەکانی دوای نیوەڕۆ هەیە.

ئاماژەی بەوەشکرد، پلەی گەرما کەمێک نزم دەبێتەوە و لە ناوچە شاخاوبییەکان زیاتر نزم دەبێتەوە بەراورد بە تۆمارکراوەکانی دوێنێ.

دەربارەی کەشوهەوای سبەینێش رایگەیاند، ئاسمان ساماڵ و پەڵە هەور دەبێت و لە ناوچەکانی باکووری هەرێم نیمچە هەور دەبێت، هەروەها ئەگەری بارینی کەمێک نمەباران و هەورەبروسکە هەیە.

کەشناسی ئەوەشی خستەڕوو، پلەی گەرما نزم دەبێتەوە بە (1 – 3) پلە بەراورد بە تۆمارکراوەکانی ئەمڕۆ.

بەرزترین پلەی گەرمای پێشبینیکراو بۆ ئەمڕۆ:-

هەولێر : 32 پلەی سیلیزی

پیرمام : 27 پلەی سیلیزی

سۆران : 28 پلەی سیلیزی

حاجی ئۆمەران : 19 پلەی سیلیزی

سلێمانی : 30 پلەی سیلیزی

چەمچەماڵ : 33 پلەی سیلیزی

دهۆک : 32 پلەی سیلیزی

زاخۆ : 32 پلەی سیلیزی

هەڵەبجە : 33 پلەی سیلیزی

گەرمیان : 37 پلەی سیلیزی