کەشناسی هەرێم رایگەیاند، کەشی ناوچەکە بە گشتی نیمچە هەور دەبێت لەگەڵ بوونی بارستە هەوایەکی فێنک تێکەڵ بە تۆز و خۆڵ، هەروەها لە چەند ناوچەیەکیش ئەگەری بارانبارین هەیە.

بەڕێوەبەرایەتی کەشناسی و بوومەلەرزەزانی هەرێم لە بڵاوکراوەیەکدا رایگەیاند، کەشی ناوچەکە بە گشتی نیمچە هەور دەبێت لەگەڵ بوونی بارستە هەوایەکی فێنک تێکەڵ بە تۆز و خۆڵ لە چینەکانی سەرەوە، هەروەها لە هەندێک کاتدا بە تایبەت لە سنووری پارێزگای سلێمانی و هەڵەبجە ئەگەری بارانبارین لە ناوچە شاخاوییەکان بە شێوەی گەواڵە بارانی بەهاری هەیە.

ئاماژەی بەوەشکرد، پلەی گەرما بەرز دەبێتەوە بە (1-3) پلەی سیلیزی بەراورد بە پلەکانی دوێنێ.

دەربارەی کەشوهەوای سبەینێش رایگەیاند، ئاسمان بە گشتی نیمچە هەور دەبێت و پلەی گەرماش نزم دەبێتەوە، هەروەها ئەگەری بەرزبوونەوەی تۆز و خۆڵ لە بەشێک لە ناوچەکانی هەرێم هەیە.

بەرزترین پلەکانی گەرمای پێشبینیکراو بۆ ئەمڕۆ:-

هەولێر : 26 پلەی سیلیزی

پیرمام : 22 پلەی سیلیزی

سۆران : 25 پلەی سیلیزی

حاجی ئۆمەران : 12 پلەی سیلیزی

سلێمانی: 25 پلەی سیلیزی

چەمچەماڵ : 27 پلەی سیلیزی

دهۆک : 24 پلەی سیلیزی

زاخۆ : 25 پلەی سیلیزی

هەڵەبجە : 26 پلەی سیلیزی

گەرمیان : 28 پلەی سیلیزی