کەشناسی هەرێم رایگەیاند، ئاسمانی هەرێم نیمچە هەور دەبێت و کاریگەری تۆز و خۆڵ لە چەند ناوچەیەک لاواز دەبێت.

بەڕێوەبەرایەتی کەشناسی و بوومەلەرزەزانی هەرێم لە بڵاوکراوەیەکدا رایگەیاند، ئاسمانی هەرێم نیمچە هەور دەبێت و لە ناوچە شاخاوییە سنووریەکانی باکوور و رۆژهەڵات هەوری تەواو دەبێت.

ئاماژەی بەوەشکرد، ئەگەری بارینی کەمێک نمەباران تاکو کاتەکانی ئێوارە هەیە، هەروەها کاریگەری تۆز و خۆڵ لە ناوچەکانی پارێزگای سلێمانی و گەرمیان بۆ کاتەکانی ئێوارە لاواز دەبێت و پلەی گەرماش (3- 4) نزم دەبێتەوە.

دەربارەی کەشوهەوای سبەینێش رایگەیاند، ئاسمان بەگشتی لەنێوان نیمچە هەور و پەڵە هەور دەبێت، هەروەها ئەگەر بوونی تۆزێکی سووک لە ناوچەکانی سنووری (پارێزگای سلێمانی و گەرمیان) هەیە.

کەشناسی ئەوەشی خستەڕوو، پلەی گەرما کەمێک نزم دەبێتەوە بە (1 – 2) پلە بەراورد بە تۆمارکراوەکانی ئەمڕۆ.

بەرزترین پلەی گەرمای پێشبینیکراو بۆ ئەمڕۆ:-

هەولێر : 27 پلەی سیلیزی

پیرمام : 22 پلەی سیلیزی

سۆران : 22 پلەی سیلیزی

حاجی ئۆمەران : 17 پلەی سیلیزی

سلێمانی : 25 پلەی سیلیزی

چەمچەماڵ : 29 پلەی سیلیزی

دهۆک : 26 پلەی سیلیزی

زاخۆ : 25 پلەی سیلیزی

هەڵەبجە : 28 پلەی سیلیزی

گەرمیان : 30 پلەی سیلیزی