کەشناسی هەرێم رایگەیاند، بە گشتی ئاسمان نیمچە هەور دەبێت لە هەندێک کات و شوێن بۆ هەوری تەواو دەگۆڕێت، پلەکانی گەرماش (2- 4) پلە نزم دەبنەوە.

بەڕێوەبەرایەتی کەشناسی و بوومەلەرزەزانی هەرێم لە راگەیەندراوێکدا بڵاویکردەوە، ئەمڕۆ بە گشتی ئاسمان نیمچە هەور دەبێت لە هەندێک کات و شوێن بۆ هەوری تەواو دەگۆڕێت، لە کاتەکانی نیوەڕۆ تاکو ئێوارە ئەگەری تاوەباران و بروسکە هەیە.

ئەوەشی خستەڕوو، پلەکانی گەرما بەگشتی نزیک دەبێتەوە، لە ناوچە بەرزەکان نەبێت کەمێک نزم دەبنەوە بە (2- 4) پلە بەراورد بە تۆمارکراوەکانی دوێنێ.

دەربارەی کەشوهەوای سبەینێش رایگەیاند، بە گشتی ئاسمان لەنێوان پەڵە هەور و نیمچە هەوردا دەبێت، لە هەندێک کات و شوێن بۆ هەوری تەواو دەگۆڕێت لەگەڵ تاوەبارانی کەم.

ئاشکراشیکرد، پلەکانی گەرما کەمێک نزم دەبنەوە بەتایبەتی لە ناوچە بەرزەکان بە (1 – 3) پلە بەراورد بە تۆمارکراوەکانی ئەمرۆ.

بەرزترین پلەکانی گەرمای پێشبینیکراو بۆ ئەمڕۆ:-

هەولێر : 24 پلەی سیلیزی

پیرمام : 21 پلەی سیلیزی

سۆران : 20 پلەی سیلیزی

حاجی ئۆمەران : 14 پلەی سیلیزی

سلێمانی : 20 پلەی سیلیزی

چەمچەماڵ : 22 پلەی سیلیزی

دهۆک : 22 پلەی سیلیزی

زاخۆ : 21 پلەی سیلیزی

هەڵەبجە : 21 پلەی سیلیزی

گەرمیان : 25 پلەی سیلیزی