کەشناسی هەرێم رایگەیاند، کاریگەری ئەو شەپۆلە بارانبارینەی رووی لە ناوچەکە کردبوو کۆتایی هات؛ پلەکانی گەرما کەمێک نزم دەبنەوە.

بەڕێوەبەرایەتی کەشناسی و بوومەلەرزەزانی هەرێم لە بڵاوکراوەیەکدا رایگەیاند، کاریگەری ئەو شەپۆلە بارانبارینەی رووی لە ناوچەکە کردبوو کۆتایی هاتووە و لە ئێستادا ئاسمانی هەرێم بە گشتی نیمچە هەورە.

ئاماژەی بەوەشکرد، پێشبینی بارانبارین بۆ ئەمڕۆ بە شێوەی تاوەبارانی کورت خایەنی بەهاری دەبێت لە ناوچە شاخاوییەکان و بەشێک لە سەنتەری قەزا و ناحیەکانی ناوچە شاخاوییەکان.

ئەوەشی خستەڕوو، پلەکانی گەرما کەمێک نزم دەبنەوە بەراورد بە پلەکانی دوێنێ.

دەربارەی کەشوهەوای سبەینێش رایگەیاند، بە گشتی ئاسمان ساماڵ و پەڵە هەور دەبێت پاشان بۆ نیمچە هەور دەگۆڕێت، ئەگەری بارانبارین لە ناوچە شاخاوییەکان هەیە بە شێوەی گەواڵە بارانی بەهاری.

بەرزترین پلەی گەرمای پێشبینیکراو بۆ ئەمڕۆ:-

هەولێر : 21 پلەی سیلیزی

پیرمام : 19 پلەی سیلیزی

سۆران : 18 پلەی سیلیزی

حاجی ئۆمەران : 12 پلەی سیلیزی

سلێمانی : 19 پلەی سیلیزی

چەمچەماڵ : 22 پلەی سیلیزی

دهۆک : 18 پلەی سیلیزی

زاخۆ : 19 پلەی سیلیزی

هەڵەبجە : 22 پلەی سیلیزی

گەرمیان : 23 پلەی سیلیزی