کەشناسی هەرێم رایگەیاند، ئاسمان بەگشتی هەور دەبێت لەگەڵ تاوەباران و بروسکە لە زۆربەی ناوچەکان و پلەکانی گەرماش (2 – 4) پلە نزم دەبێتەوە.

بەڕێوەبەرایەتی کەشناسی و بوومەلەرزەزانی هەرێم لە بڵاوکراوەیەکدا رایگەیاند، بەهۆی بەردەوامی ناسەقامگیری کەش ئاسمان بەگشتی هەور دەبێت لەگەڵ تاوەباران و بروسکە لە زۆربەی ناوچەکاندا.

ئاماژەی بەوەشکرد، هەندێک کات پێشبینی لێزمەباران و تەرزە دەکرێت و پلەکانی گەرماش (2 – 4) پلە نزم دەبێتەوە بەراورد بە تۆمارکراوەکانی دوێنێ.

دەربارەی کەشوهەوای سبەینێش رایگەیاند، ئاسمان نیمچە هەور دەبێت و لە ناوچە شاخاوییەکان تاکو دوایی نیوەڕۆ ئەگەری تاوەباران و بروسکەی لاواز هەیە.

کەشناسی ئەوەشی خستەڕوو، پلەکانی گەرما بە گشتی نزیک دەبنەوە لە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بۆ ئەمڕۆ:-

هەولێر : 20 پلەی سیلیزی

پیرمام : 17 پلەی سیلیزی

سۆران : 18 پلەی سیلیزی

حاجی ئۆمەران : 12 پلەی سیلیزی

سلێمانی : 19 پلەی سیلیزی

چەمچەماڵ : 20 پلەی سیلیزی

دهۆک : 17 پلەی سیلیزی

زاخۆ : 18 پلەی سیلیزی

هەڵەبجە : 20 پلەی سیلیزی

گەرمیان : 22 پلەی سیلیزی