کەشناسی هەرێم رایگەیاند، ئاسمان ساماڵ و پەڵە هەور دەبێت و پلەی گەرما (2 – 4) پلە بەرز دەبێتەوە.

بەڕێوەبەرایەتی کەشناسی و بوومەلەرزەزانی هەرێم لە بڵاوکراوەیەکدا رایگەیاند، ئەمڕۆ ئاسمان ساماڵ و پەڵە هەور دەبێت هەندێک کات دەگۆڕێت بۆ نیمچە هەور.

ئاماژەی بەوەشکرد، پلەی گەرما (2 – 4) پلە بەرز دەبێتەوە بەراورد بە تۆمارکراوەکانی دوێنێ.

دەربارەی کەشوهەوای سبەینێش رایگەیاند، ئاسمان لەنێوان پەڵە هەور و نیمچە هەور دەبێت، پاشان بۆ کاتەکەکانی دوای نیوەڕۆ ئاسمان بۆ هەوری تەواو دەگۆڕێت و شەپۆلی بارانبارین دەست پێدەکاتەوە.

بەرزترین پلەی گەرمای پێشبینیکراو بۆ ئەمڕۆ:-

هەولێر : 19 پلەی سیلیزی

پیرمام : 15 پلەی سیلیزی

سۆران : 17 پلەی سیلیزی

حاجی ئۆمەران : 11 پلەی سیلیزی

سلێمانی : 17 پلەی سیلیزی

چەمچەماڵ : 19 پلەی سیلیزی

دهۆک : 18 پلەی سیلیزی

زاخۆ : 18 پلەی سیلیزی

هەڵەبجە : 19 پلەی سیلیزی

گەرمیان : 23 پلەی سیلیزی