کەشناسی هەرێم رایگەیاند، ئاسمان لەنێوان نیمچە هەور و هەوری تەواو دەبێت و لە ناوچە شاخاوییەکانیش بەفر دەبارێت.

بەڕێوەبەرایەتی کەشناسی و بوومەلەرزەزانی هەرێم لە بڵاوکراوەیەکدا رایگەیاند، ئەمڕۆ ئاسمانی هەرێم لەنێوان نیمچە هەور و هەوری تەواو دەبێت بەتایبەتی لە ناوچە شاخاوییەکان لەگەڵ بارینی نمەباران لە زۆربەی ناوچەکان، هەروەها کەمێک بەفر لە ناوچە شاخاوییە سنوورییەکان دەبارێت.

ئاماژەی بەوەشکرد، پلەکانی گەرما کەمێک نزم دەبێتەوە بە (1- 3) بەراورد بە تۆمارکراوەکانی دوێنێ.

دەربارەی کەشوهەوای سبەینێش رایگەیاند، ئاسمان لەنێوان هەور و نیمچە هەور دەبێت، لەگەڵ بارینی نمەباران لە ناوچە جیاجیاکان، هەروەها ئەگەری بارینی تاوەبارانی بە بروسکە لە ناوچەکانی سنووری پارێزگاکانی هەولێر، سلێمانی، کەرکوک و ئیدارەی سەربەخۆی گەرمیان هەیە.

بەرزترین پلەکانی گەرمای پێشبینیکراو بۆ ئەمڕۆ:-

هەولێر : 16 پلەی سیلیزی

پیرمام : 12 پلەی سیلیزی

سۆران : 12 پلەی سیلیزی

حاجی ئۆمەران : 4 پلەی سیلیزی

سلێمانی : 13 پلەی سیلیزی

چەمچەماڵ : 14 پلەی سیلیزی

دهۆک : 12 پلەی سیلیزی

زاخۆ : 12 پلەی سیلیزی

هەڵەبجە : 12 پلەی سیلیزی

گەرمیان : 18 پلەی سیلیزی