وەزارەتی بازرگانی عێراق دەڵێت، دەستیانکردووە بە دابەشکردنی بەشەخۆراکی مانگی سێ، و داوا لە هاووڵاتیان دەکات سەردانی بریکارەکانی خۆراک بکەن بۆ وەرگرتنی بەشەکانیان.
ئەمڕۆ دووشەممە، ئەسیر داود، وەزیری بازرگانی عێراق وتی، ستافەکانی کۆمپانیای گشتی بۆ بازرگانیی خۆراک لە بەغدا و لقەکانی پارێزگاکان بەردەوامن لە وەرگرتن و دابەشکردنی بەشەخۆراکی سەبەتەی خۆراک.
وتیشی، لەسەر ئاستی ناوەندی شارەکان و ناحیەکان، بە شێوەیەکی رێک و پێک و بەپێی لیستە دەستنیشانکراوەکان دابەشدەکرێت، وەزارەتی بازرگانی داوا لە هاوڵاتیانی دانیشتووی ئەو ناوچانە دەکات سەردانی بریکارەکانی خۆراک بکەن بۆ وەرگرتنی بەشەخۆراکی ئەم مانگەیان.