کەشناسی هەرێم رایگەیاند، ئاسمان پەڵە هەور دەبێت و پلەی گەرما بەگشتی کەمێک بەرز دەبێتەوە بە (1-2) پلەی سیلیزی.

بەڕێوەبەرایەتی کەشناسی و بوومەلەرزەزانی هەرێم لە راگەیەندراوێکدا بڵاویکردەوە، ئەمڕۆ ئاسمان پەڵە هەور دەبێت و لە ناوچە شاخاوییە بەرزەکان نیمچە هەور دەبێت.

ئاماژەی بەوەشکرد، پلەی گەرما بەگشتی کەمێک بەرز دەبێتەوە بە (1-2) پلە بەراورد بە تۆمارکراوەکانی دوێنێ.

دەربارەی کەشوهەوای سبەینێش رایگەیاند، ئاسمان هەوری تەواو دەبێت، لە کاتەکانی ئێوارە تاکو کاتەکانی بەرەبەیانی رۆژی چوارشەممە نمەباران لەگەڵ بەفرێکی کەم لە ناوچە شاخاوییە سنووریەکانی باکوور و باکووری رۆژهەڵات دەبارێت .

ئەوەشی خستەڕوو، پلەی گەرما بەگشتی نزیک دەبێتەوە لە تۆمارکراوەکانی ئەمڕۆ.

بەرزترین پلەی گەرمای پێشبینیکراو بۆ ئەمڕۆ:-

هەولێر : 20 پلەی سیلیزی

پیرمام : 17 پلەی سیلیزی

سۆران : 17 پلەی سیلیزی

حاجی ئۆمەران : 12 پلەی سیلیزی

سلێمانی : 18 پلەی سیلیزی

چەمچەماڵ : 20 پلەی سیلیزی

دهۆک : 18 پلەی سیلیزی

زاخۆ : 18 پلەی سیلیزی

هەڵەبجە : 18 پلەی سیلیزی

گەرمیان : 23 پلەی سیلیزی