سەرۆکوەزیرانی عێراق رایگەیاند، پڕۆسەی گواستنەوەی زیندانیانی داعش لە سوریاوە بۆ عێراق بۆ رێگریکردنە لە پشێوییەکانی ناوچەکە.

ئەمڕۆ سێشەممە، 10-2-2026، نوسینگەی سەرۆکوەزیرانی عێراق بڵاویکردەوە، محەممەد شیاع سودانی، سەرۆکوەزیرانی عێراق، پێشوازی لە ماهر سالم تەمیمی، باڵیۆزی ئوردن لە بەغدا کرد و لە کۆبوونەوەکەدا سودانی وتی، پڕۆسەی گواستنەوەی زیندانیانی داعش لە سوریاوە بۆ عێراق بۆ رێگریکردنە لە پشێوییەکانی ناوچەکە.

بە گوێرەی راگەیەندراوەکە، لە کۆبوونەوەکەدا هەردوولا باسیان لە پەرەپێدانی پەیوەندییەکان و بەهێزکردنی هاریکاریی سێقۆڵیی نێوان عێراق، ئوردن و میسر کرد بۆ چەسپاندنی ئارامی لە تەواوی ناوچەکەدا.

ئاماژە بەوەشکراوە، سودانی داوای لە وڵاتانی جیهان کردووە هاوکاری بن بۆ ئەوەی بەزوویی هاوڵاتییە تووندڕەوەکانی خۆیان لە عێراق وەربگرنەوە.