کەشناسی هەرێم رایگەیاند، لە هەفتەی داهاتووەوە شەپۆلێکی بەفر و بارانبارین روو لە ناوچە جیاوازەکانی هەرێم دەکات.

بەڕێوەبەرایەتی کەشناسی و بوومەلەرزەزانی هەرێم لە بڵاوکراوەیەکدا رایگەیاند، ئەمڕۆ ئاسمان بەگشتی نیمچە هەور دەبێت و پلەکانی گەرما بەگشتی کەمێک نزم دەبێتەوە بە (1- 2) پلەی سیلیزی بە بەراورد بە پلەکانی دوێنێ.

دەربارەی کەشوهەوای سبەینێش رایگەیاند، ئاسمان نیمچە هەور دەبێت لە کاتەکانی ئێوارە بۆ هەوری تەواو دەگۆڕێت.

ئەوەشی خستەڕوو، شەپۆلێکی بەفر و نمەباران لە سەرەتای هەفتەی داهاتوو ناوچەکە دەگرێتەوە، بەفرێکی کەم سەرەتا لە ناوچە شاخاوییە سنووریەکانی رۆژهەڵات و پارێزگای سلێمانی دەبارێت و پاشان رۆژی شەممە کاریگەرییەکەی درێژ دەبێتەوە بۆ زۆربەی ناوچەکانی هەرێم، هەروەها پلەکانی گەرما نزیک دەبێتەوە لە تۆمارکراوەکانی ئەمڕۆ.

بەرزترین پلەی گەرمای پێشبینیکراو بۆ ئەمڕۆ:-

هەولێر : 14 پلەی سیلیزی

پیرمام : 9 پلەی سیلیزی

سۆران : 8 پلەی سیلیزی

حاجی ئۆمەران : 1 پلەی سیلیزی

سلێمانی : 9 پلەی سیلیزی

چەمچەماڵ : 12 پلەی سیلیزی

دهۆک : 12 پلەی سیلیزی

زاخۆ : 13 پلەی سیلیزی

هەڵەبجە : 13 پلەی سیلیزی

گەرمیان : 15 پلەی سیلیزی