کەشناسی هەرێم رایگەیاند، لە چەند ناوچەیەکی هەرێم باران و بەفر دەبارێت تا کاتەکانی نیوەڕۆ پاشان دابارین کۆتایی دێت.

بەڕێوەبەرایەتی کەشناسی و بوومەلەرزەزانی هەرێم لە بڵاوکراوەیەکدا رایگەیاند، ئەمڕۆ ئاسمان لە ناوەڕاست و باکوری هەرێم ساماڵ و پەڵە هەور بۆ نیمچە هەور دەبێت، بەڵام لە ناوچەکانی رۆژهەڵات و باکووری رۆژهەڵاتی هەرێم هەوری تەواو دەبێت لەگەڵ دابارینی بەفر و بارانی پچڕ پچڕ تا کاتەکانی نیوەڕۆ پاشان کۆتایی دێت .

ئاماژەی بەوەشکرد، پلەکانی گەرما (3-5) پلە نزم دەبێتەوە بەراورد بە پلەی گەرمی دوێنێ.

دەربارەی کەشوهەوای سبەینێش رایگەیاند، ئاسمان ساماڵ و پەڵە هەور دەبێت، لە ناوچە شاخاوییەکانیش نیمچە هەور دەبێت.

ئەوەشی خستەڕوو، پلەکانی گەرما بەرزترین پلەکانی گەرما بە (2-3) پلەی سیلیزی بەرز دەبێتەوە بە بەراورد بە پلەکانی گەرمی ئەمڕۆ.

ئاشکراشیکرد، بەهۆی نزمبوونەوەی پلەکانی گەرما شەختە و بەستن روودەدات لە هەندێک ناوچە، بەتایبەت لەو ناوچانەی بەفری لێ باریوە.

بەرزترین پلەی گەرمای پێشبینیکراو بە پلەی سیلیزی:-

هەولێر : 7 پلەی سیلیزی

پیرمام : 3 پلەی سیلیزی

سۆران : 3 پلەی سیلیزی

حاجی ئۆمەران : -4 پلەی سیلیزی

سلێمانی : 5 پلەی سیلیزی

چەمچەماڵ : 6 پلەی سیلیزی

هەڵەبجە : 5 پلەی سیلیزی

دهۆک : 5 پلەی سیلیزی

زاخۆ : 5 پلەی سیلیزی

ئاکرێ : 5 پلەی سیلیزی