٢٨ كانونی یەکەمی ٢٠٢٥
شارەزایەکی کەشناسی هۆشداری لە ئەگەری دروستبوونی لافاو دەدات لە بەشێک لە ناوچەکانی هەرێم، ئەگەری بارینی ببەفرێکی مێژوویی هەیە.
د. لوقمان موفتی، شارەزای کەشناسی و بومەلەرزەزانی بڵاویکردەوە:" بەپێی وێنەکانی ئێستای مانگی دەستکرد بارانی زۆر بەهێز لە زۆر ناوچەی هەرێم دەبارێت و ئەگەری دروستبوونی لافاو لە شوێنە نزمەکان و دۆڵ و ڕووبارەکان هەیە.
ئاماژەی بەوەشکرد، ئەو بارانە زۆرە هەمووی بەفرە لە ناوچە سنووریەکان و شار و دێهاتیە شاخاوییەکان، بۆیە ئەگەری بەفرێکی مێژوویی هەیە لە ناوچە سنووری و شاخاوی و مەرزەکان ببارێت.
ئاگاداری دەدات، ڕێنماییەکانی بەرگری شارستانی جێبەجێ بکرێت و :" ئەوەی کاری زۆر زەرووری نیە نەچێتە ئەو ناوچانەو تەنانەت ناوچە نزیکەکانیش، چونکە ئەوەی ئێستا تەنها شەپۆلی یەکەم یاخود نزمە پەستانی یەکەمە، پێشبینی شەپۆلی دووەم دەکەین بۆ ڕۆژی دووشەممە و ئەگەری بەفروبارانی زیاتر هەیە و پلەکانی گەرما زیاتر دادەبەزێت و بەفر دەگاتە شار و دێهاتە نیمچە شاخاوییەکانیش بۆ ناوچە دەشتاییەکانیش ئەگەر هەیە لە کۆتایی حاڵەت هەندێ بەفر بپروشێنێ.
ئەمەش لەکاتێکدایە، لە شەوی شەممەوە شەپۆلێکی بەفروباران هەرێمی کوردستانی گرتووەتەوە و لە زۆربەی ناوچە شاخاوییەکان بەفرێکی زۆر باریوە، لەناو سەنتەری شارەکانیش، بارانبارینی بە لێزمە و مامناوەند بەردەوامە.