پشوو راگەیەندرا
٢٤ تشرینی دووەمی ٢٠٢٥
بڵاویبکەرەوە لە
لە هەرسێ پارێزگای بابل، میسان و زیقاڕ بەبۆنەی یادی شەهیدبوونی كچی پێغەمبەری ئیسلام (د.خ) بڕیاردرا رۆژی سێشەممە بكرێتە پشووی فەرمی.
ئەمڕۆ دووشەممە، دیوانی هەرسێ پارێزگای بابل، میسان و زیقاڕ، لە سێ راگەیەندراوی جیادا بڵاویانكردەوە، بەبۆنەی یادی شەهیدبوونی فاتیمەی زەهرا، كچی پێغەمبەری ئیسلام (د.خ) و هاوسەری ئیمام عەلی كوڕی ئەبو تاڵب، بڕیاردرا رۆژی سێشەممە، 25ـی ئەم مانگە بكرێتە پشووی فەرمی لە فەرمانگە و دامەزراوە حكومییەكانی ئەو پارێزگایانە.
هەر بەپێی راگەیەندراوەكان، پشووەكە فەرمانگە ئەمنی و تەندروستیی و خزمەتگوزارییەكان ناگرێتەوە و دەوامی ئاسایی دەکرێت.