وەزارەتی ئەوقاف رایگەیاند، بەمەبەستی راییکردنی مامەڵە و کاری حاجیان، دەوامی فەرمانبەرانی وەزارەتەکە زیاددەکرێت و پشووی رۆژانی شەممەش نامینێت.
|

ئەمرۆ پێنجشەممە 20ـی تشرینی دووەمی 2025، وەزارەتی ئەوقاف و کاروباری ئایینی رایگەیاند، لەپێناو بەرژەوەندی گشتی و خزمەتی حاجیانی کوردستان، بڕیاردرا کە دەوامی رەسمی فەرمانبەرانی بەڕێوەبەرایەتیی حەج و عومرە رۆژانە تا کاتژمێر 4:00ـی ئێوارە بەردەوامبێت، پشووی رۆژانی شەممەش هەڵوەشێندرایەوە.

ئاماژەی بەوەشکرد، بڕیارەکە تا تەواوبوونی مامەڵەی حاجیان کاری پێدەکرێت.