کەشناسی هەرێم رایگەیاند، ئاسمان پەڵە هەور بۆ نیمچە هەور دەبێت و لە ئێوارەدا بارینی نمەباران لە چەند ناوچەیەکی هەرێم دەستپێدەکات، پلەکانی گەرماش دادەبەزێت.

بەڕێوەبەرایەتی کەشناسی و بوومەلەرزەزانی هەرێم لە بڵاوکراوەیەکدا رایگەیاند، ئەمڕۆ ئاسمان پەڵە هەور بۆ نیمچە هەور دەبێت پاشان دەگۆڕێت بۆ هەوری تەواو، لە ناوچەکانی رۆژئاوای هەرێم ئەگەری کەمێک تۆز و خۆڵ هەیە.

هەروەها، لە ئێوارەدا سەرەتا بارینی نمەباران لە ناوچە شاخاویەکانی باکوور و رۆژئاوای هەرێم دەست پێدەکات پاشان رێژەی دابارین زیاد دەکات و کاریگەری بارانبارین درێژ دەبێتەوە بۆ زۆربەی ناوچەکانی دیکەى هەرێم.

ئاماژەی بەوەشکرد، پلەکانی گەرما کەمێک نزمتر دەبێت بەراورد بە تۆمارکراوەکانی دوێنێ.

دەربارەی کەشوهەوای سبەینێش رایگەیاند، ئاسمان بە گشتی هەور باراناوی دەبێت و لە زۆربەی ناوچەکان باران دەبارێت و هەندێک کات لە هەندێک ناوچە دەگۆڕێت بۆ لێزمەباران و هەورە تریشقە، هەروەها پێشبینی دەکرێت لە ناوچە شاخاوییە بەرزەکان و ناوچە سنووریەکان کەمێک بەفر ببارێت.

ئەوەشی خستەڕوو، پلەکانی گەرما بە نزیکی (4 تــــــا 6) پلە نزمتر دەبێت بەراورد بە تۆمارکراوەکانی ئەمڕۆ.

بەرزترین پلەی گەرمای پێشبینیکراو بە پلەی سیلیزی:-

هەولێر : 22 پلەی سیلیزی

سلێمانی : 19 پلەی سیلیزی

دهۆک : 20 پلەی سیلیزی

زاخۆ : 22 پلەی سیلیزی

کەرکوک : 24 پلەی سیلیزی

هەڵەبجە : 20 پلەی سیلیزی

حاجی ئۆمەران : 11 پلەی سیلیزی

گەرمیان : 24 پلەی سیلیزی