به‌پێی راگه‌یه‌ندراوێكی ره‌وتی هه‌ڵوێست، محه‌مه‌د شیاع سودانی، سەرۆکوەزیرانی عیراق لەپەیوەندییەکی تەلەفۆنیدا لەگەڵ عه‌لی حەمە ساڵح، بڕیاردەری رەوتی هەڵوێست، پیرۆزبایی سەرکەوتنی هەڵبژاردنەکان و بەرەوپێشچونی دەنگەکانی رەوتی هەڵوێست کردووە.
رەوتی هەڵوێست لە راگەیەندراوێکدا بڵاویکردەوە، سودانی لە پەیوەندییەکی تەلەفۆنیدا پیرۆزبایی لە عەلی حەمەساڵح کردووە و هیوای خواست کە هەڵوێست ببێتە هێزێکی سەرەکی خزمەتگوزار بۆ خەڵکی عێراق و کوردستان.
به‌گوێره‌ی راگه‌یه‌ندراوه‌كه‌، لای خۆیشییەوە بڕیاردەری رەوتی هەڵوێست پیرۆزبایی لە سودانی کرد بۆ سەرکەوتنی پرۆسەی هەڵبژاردن و بەدەستهێنانی دەنگێکی بەرچاو لەلایەن لیستەکەیانه‌وه‌.