ئەمینداری عەسائیبی ئەهلی حەق دەڵێت: "كەركوك عێراقییە، هەر قسەیەكی دیکەش كە دەكرێت بانگەشەی هەڵبژاردنە".

قەیس خەزعەلی، ئەمینداری عەسائیبی ئەهلی حەق، لە چاوپێکەوتنێکیدا وتی: "کەرکوک پارێزگایەکی عێراقییە بۆ هەموو گەلەکەی، پێویستە گەلەکەمان دڵنیا بێت لەوە، کەرکوک شارێكی عێراقییە بە هێڵی سوور و ئەو پرسەمان كۆتایی پێهێناوە، هەر قسەیەکی دیکەش كە پێچەوانەی ئەمە دەكرێت ئێستا تەنیا بانگەشەی هەڵبژاردنە".

ئاماژەی بەوەشکرد: "هیچ کێشەیەکمان لەگەڵ وەبەرهێنانی ئەمریکادا نییە، بەڵام ئەگەر ئەرکی ساڤایا بۆ هەڵبژاردنی سەرۆکوەزیران بێت، ئەوە قەدەغەیە".

وتیشی، داواکاری سوننەکان بۆ پۆستی سەرۆککۆمار لەكاتی خۆیدا نییە.