لەرووداوێکی هاتوچۆدا ماتۆڕسوارێک گیانی لەدەستدا
٢٨ تشرینی یەكەمی ٢٠٢٥
بڵاویبکەرەوە لە
لە گوندی شێخ لەنگەری گەرمیان بە رووداوی هاتوچۆ لە نێوان ئۆتۆمبێلێکی تایبەت و ماتۆڕسکیلێک، کەسێک گیانی لەدەستدا.
سامان عەلی، وتەبێژی ھاتوچۆی گەرمیان لەلێدوانێکدا رایگەیاند: "کەمێک پێش ئێستا لەناو گوندی شێخ لەنگەر سەر بە ناحیەی کۆکس لە ئیدارەی گەرمیان، رووداوێکی ھاتوچۆ لە نێوان ئۆتۆمبێلێکی جۆری مازدا و ماتۆڕسکیلێک روویداوە".
وتیشی، لە رووداوەکە کەسێک گیانی لەدەستداوە کە شۆفێری ماتۆڕسکیلەکەیە و گەنجێکی تەمەن 19 ساڵە دانیشتووی گوندەکەیە.