بڕیاری کەمکردنەوەی رێژەی سوود لە ئەمریکا، نرخی بیتکۆینی گەیاندە زیاتر لە 117 هەزار دۆلار.

درەنگانی شەوی چوارشەممە، 17-9-2025، بانکی ناوەندیی ئەمریکا سوودی بانکی بە رێژەی 0.25٪ کەمکردەوە و رایگەیاند: "ئاماژەکانی ئەم دواییە دەریدەخەن لە نیوەی یەکەمی ئەم ساڵ، گەشەی چالاکییە ئابورییەکان کەمێک خاوبووەتەوە و ئەگەر مەترسی دروست ببێت و پێویست بکات، ئامادەین سیاسەتی نەختینەیی بگۆڕین".

بەم پێیە، رێژەی سوود لە ئەمریکا لە 4.50٪ـەوە بۆ 4.25٪ دابەزی.

لەدوای راگەیاندنی بڕیارەکە، نرخی بیتکۆین زیاتر لە هەزار دۆلار بەرزبووەتەوە و ئاستی 117 هەزار دۆلاری تێپەڕاند.

لە ئێستادا هەر بیتکۆینێک نرخی 117 هەزار و 500 دۆلارە، ئەمەش بەرزترین ئاستی نرخەکەیەتی لە مانگی رابردوودا.