بەڕێوەبەری دابەشكردنی خۆراكی هەولێر، رایگەیاند، گۆڕانکاری لە دابەشكردنی بەشەخۆراكی مانگانەی هاوڵاتییان دەكرێت.

دلێر عەبدولواحید، بەڕێوەبەری دابەشكردنی خۆراكیی هەولێر، لە لێدوانێکدا رایگەیاند: "لەو ئەپڵیكەیشنەی كە خەڵك خۆیان لە پسووڵەی خۆراكیی ئەلیكترۆنی تۆمار دەكەن، لە بەشێكیدا پیشانی دەدات کە مانگانە هاوڵاتییەکە سەردانی بریكاری خۆراك دەكات یان نا".

ئەوەشی خستەڕوو: "بەهەمان شێوە بریكاری خۆراكیش ئەپڵیكەیشنێكی تایبەتی هەیە، كاتێك هاوڵاتی خۆراكی لا وەربگرێت یاخود نا ئاماژەی پێ دەدرێت".

وتیشی: "جارێ ئەو بەشە لە ئەپڵیكەیشنەكە كارا نەبووە، ئەگەری هەیە لە مانگی داهاتوودا كارا بكرێت".