سەرۆكوەزیرانی عێراق، بڕیاریدا ماوەی یەک هەفتە مۆڵەتی كاركردنی لیژنە هاوبەشەكانی نێوان بەغدا و هەولێر درێژبكاتەوە.

لە كۆبوونەوەی ئەمڕۆی ئەنجومەنی وەزیرانی عێراقدا، محەمەد شیاع سودانی سەرۆكوەزیرانی عێراق، بڕیاریدا ماوەی یەک هەفتە مۆڵەتی كاركردنی لیژنە هاوبەشەكانی نێوان بەغدا و هەولێر درێژبكاتەوە بۆ ئەوەی كارەكانیان بۆ دیاریكردنی بەرهەمهێنانی نەوت و داهاتی نانەوتیی هەرێم دیاری بكەن.

لەدوای ئەم ماوەیە و پاش تەواوبوونی كاری لیژنەكان، سودانی بڕیار لەسەر ناردنی مووچەی مانگی شەش و حەوتی فەرمانبەرانی هەرێم دەدات.

ئەمەش لە کاتێکدایە، لە عێراق دەستکراوە بە دابەشکردنی مووچەی مانگی هەشت، بەڵام مووچەخۆر و فەرمانبەرانی هەرێم تاکو ئێستا مووچەی مانگەکانی شەش و حەوتیان وەرنەگرتووە.