وەزارەتی ئەوقاف و کاروباری ئایینی، هەلی دامەزراندن لە بواری ئایتی بەشێوەی گرێبەستی كرێی ڕۆژانە ڕادەگەیەنێت و دەڵێت: "گرێبەستەكە بۆ ماوەی یەك ساڵە".

وەزارەتی ئەوقاف و کاروباری ئایینی هەرێم ڕایگەیاند: "پێویستمان بە چەند کارمەندێکە لەبواری ئایتی بەشێوەی گرێبەستی کرێی ڕۆژانە، بۆ کارکردن لە پرۆسەی بەدیجیتاڵکردنی ناوی پاڵێوراوان بۆ حەج، بۆ ماوەی یەک ساڵ".

ئاماژەی بەوەش کردووە: "هەر کەسێک ئارەزوو دەکات و شارەزایی لەو بوارەدا هەیە و ئەو مەرجانەی تێدایە، کەداواکراوە، فۆڕمی پێشکەش کردنی داواکاری پڕبکاتەوە کە لەپەیجی فەرمی وەزارەت و نووسینگەکانی حەج و عومرەی شارەکان بڵاوکراوەتەوە".

ڕاشیگەیاندووە، دواکات بۆ پێشکەشکردنی داواکاری ڕۆژی پێنج شەممە 7/8/2025 کاتژمێر 10ی بەیانی دەبێت و فۆڕمەکان پێویستە بگەڕێندرێتەوە نووسینگەی حەج و عومرەی شار و ئیدارە سەربەخۆکان کە لێی نیشتەجێیە.