ئەنجوومەنی وەزیرانی عێراق سەبارەت بە ناردنی مووچە و وەرگرتنی نەوتی هەرێم بڕیار دەدات
٥ ئابی ٢٠٢٥
بڵاویبکەرەوە لە
پرسی مووچەی مووچەخۆرانی هەرێم، نەوت و ڕاپۆرتی لیژنەکانی پەیوەست بە هەرێم بۆ کۆبوونەوەی ئەمڕۆی ئەنجومەنی وەزیرانی عێراق زیادکرا.
ئەمڕۆ سێشەممە، سەرچاوەیەک لە ئەنجوومەنی وەزیرانی عێراق، لە لێدوانێکدا ڕایگەیاند: "کەمێکی دیکە لە کۆبوونەوەی ئەنجومەنی وەزیرانی عێاق، بابەتی مووچە و نەوت، هەروەها ئەو لیژنانەی سەبارەت بە هەرێمی کوردستان پێکهێندراون ڕاپۆرتی خۆیان پێشکەشی سەرۆک وەزیران دەکەن و گفتوگۆی لەبارەوە دەکەن".
چاوەڕواندەکرێت، ئەگەر ڕاپۆرتەکان جێگای ڕەزامەندیی سەرۆک وەزیران بن، بڕیارێک لەبارەی مووچەی فەرمانبەرانی هەرێم بدرێت و وەرگرتنی ئەو بڕە نەوتەی هەرێم بەرهەمی دەهێنێت تاوتوێ بکرێت".