دەستەی کەشناسی عێراق، پێشبینییەکانی بۆ ڕۆژانی داهاتوو بڵاوکردەوە و پێشبینی هاتنی شەپۆلێکی خۆڵبارین و بەزربوونەوەی پلەکانی گەرما دەکات.

ئەمڕۆ هەینی 1/8/2025، دەستەی کەشناسی عێراق، پێشبینیی کەشوهەوای بۆ ڕۆژانی داهاتوو بڵاوکردەوە پێشبینی هاتنی شەپۆلێکی خۆڵبارین و بەزربوونەوەی پلەکانی گەرما دەکات.

بەپێی پێشبینییەکانی کەشناسی عێراق، بەرزترین پلەکانی گەرما بۆ سبەی شەممە بەم شێوەیە دەبن:

بەسرە: 50 پلەی سیلیزی

میسان و زیقار: 49 پلەی سیلیزی

نەجەف و موسەننا: 48 پلەی سیلیزی

کەربەلا، دیوانیە، واسیت، و بابل: 47 پلەی سیلیزی

بەغدا و سەڵاحەدین: 46 پلەی سیلیزی

کەرکووک و دیالە: 45 پلەی سیلیزی

هەولێر: 43 پلەی سیلیزی

دهۆک و سلێمانی: 42 پلەی سیلیزی

دەستەکە ئاماژەی بەوەش کردووە کە ڕۆژی یەکشەمە، بایەکی چالاک لە بەشەکانی ڕۆژهەڵاتی ناوچەکانی ناوەڕاست و باشوور هەڵدەکات و دەبێتە هۆی زیادبوونی ڕێژەی خۆڵبارین.

هەروەها ڕۆژی دووشەممە، خۆڵبارین لەو ناوچانە بەردەوام دەبێت، بەڵام بۆ ڕۆژی سێشەممە، پلەکانی گەرما بە گشتی بەرز دەبنەوە و بایەکی مامناوەند هەڵدەکات.