تەرمی شانۆکار فەتاح خەتاب لە ماڵەکەی خۆیدا دۆزرایەوە
٢٠ تەمموزی ٢٠٢٥
بڵاویبکەرەوە لە
تەرمی شانۆکارێک دوای چوار رۆژ لە گیانلەدەستدانی لەناو ماڵەکەی خۆیدا لە هەولێر دۆزرایەوە و رەوانەی پزیشکی داد کرا.
ئەمڕۆ یەکشەممە، تەرمی فەتاح خەتاب، شانۆکار و نووسەر، لەناو ماڵەکەی خۆیدا لە هەولێر دۆزرایەوە.
بەپێی زانیارییەکان، ناوبراو دوای چوار رۆژ لە گیانلەدەستدانی تەرمەکەی لە ماڵەکەی خۆیدا دۆزراوەتەوە، بڕیارە هەر ئەمڕۆ، لە پزیشکی دادی هەولێرەوە تەرمەکەی بەرەو گۆڕستان بەڕێ بکرێت و بەخاک بسپێردرێت.
فەتاح خەتاب، شانۆکار و پێشمەرگە بووە و لە چەندین شانۆییدا رۆڵی بینیوە، هەروەها لە بواری هونەر و شیعردا چەند کتێبێکی نووسیوە و کاری وەرگێڕانی بۆ چەند کتێبێکی دیکەش کردووە.