بەرپرسی بنکەی تەندروستیی سیدەکان، رایگەیاند، کەسێک بەهۆی تەقینەوەی مینەوە گیانی لەدەستدا.

بەیانی ئەمڕۆ شەممە، تەحسین عوسمان، بەرپرسی بنکەی تەندروستیی سیدەکان، لە لێدوانێکدا رایگەیاند، کاتژمێر 7:15ـی بەیانی ئاگادار کراونەتەوە لە بوونی حاڵەتێکی گیانلەدەستدان بەهۆی تەقینەوەی مینەوە و قوربانیەکە گوازراوەتەوە بۆ بنکەکەیان.

بەپێی زانیارییەکان، قوربانیەکە ناوی عوسمان سدیق محەممەدە، کاری شوانی کردووە، لە کاتی لەوەڕاندنی مەڕ و ماڵاتەکەیدا مینی پێدا تەقیوەتەوە و گیانی لەدەستداوە.