٩ ئایاری ٢٠٢٥
پۆلیسی دارستان و ژینگەی سلێمانی ڕایگەیاند، بەهۆی لێچوونی ڕێژەیەکی زۆر لە نەوتی ڕەش و دروستکردنی ئاستەنگ و مەترسی بۆ شۆفێران، شۆفێری تانکەرێکییان دەستگیرکرد.
بەڕێوەبەرایەتی پۆلیسی دارستان و ژینگەی سلێمانی بڵاویکردەوە، بەهۆی لێچوونی ڕێژەیەکی زۆر لە نەوتی ڕەش و دروستکردنی ئاستەنگ و مەترسی بۆ شۆفێران لەسەر شەقامی سەرەکی نێوان (سەیدسادق- ناڵپارێز) لەلایەن مەفرەزەیەکی بنکەی پۆلیسی دارستان و ژینگەی ناڵپارێز و بە هاوکاری ئاسایش توانرا شۆفێرەکە دەستگیربکرێت و دەست بەسەر تانکەرەکەیدا بگیرێت.
ئاشکراشیکرد، پەڕاوی لێکۆڵینەوە ڕێکخراوە بۆ وەرگرتنی ڕێکاری یاسایی لەلایەن دادوەری لێکۆڵینەوە.
ئاماژەی بەوەشکرد، بەهۆی پابەندنەبوون و کەمتەرخەمی شۆفێرانی بارهەڵگری سووتەمەنی و لێکچوون و ڕژانی جۆر و بەرهەمەکانی (نەوت) مەترسی بۆ شۆفێران و ڕووداوەکانی هاتووچۆ دروست دەبێت.