سوپای پاکستان ڕایگەیاند، لە شەوی چوارشەممەوە 25 درۆنی ھیندستانیان خستووەتە خوارەوە.

ئەمڕۆ پێنجشەممە، ئەحمەد شەریف شودری، بەڕێوەبەری گشتیی لە یەکەی پەیوەندیيە گشتییەکانی سوپای پاکستان، لە ڕاگەیەنراوێکدا بڵاویکردەوە: "لە دوێنێ شەوەوە تاکو ئێستا هیندستان 25 درۆنی لە جۆری هارۆپ ڕەوانەی ناوچەکانمان کردووە و ئەمەش کردەیەکی دیکەی ئاشکرای دەستدرێژی سەربازییە".

ئاماژە بەوەشکرد، سوپاکەیان لە ئامادەباشی تەواودایە و لە دوێنێوە بە گشتی 25 درۆنیان خستووەتە خوارەوە.

باسی لەوەشکرد، ئەو درۆنانەی تێکشکێندراون، دروستکراوی ئیسرائیلن.