کەشناسی هەرێم ڕایگەیاند، لە سەرجەم ناوچەکە، هەندێ کات لێزمە باران و ئەگەرى هەورە تریشقە و بارینى بەفر لەسەر لووتکەى شاخە بەرزە سنوورییەکان هەیە.

بەڕێوەبەرایەتی کەشناسی و بوومەلەرزەزانی هەرێم، پێشبینی کەشوهەوای ئەمڕۆ و سبەی بڵاوکردەوە و دەڵێت: "کەش هەور و باراناوى دەبێت لە سەرجەم ناوچەکەمان هەندێ کات لێزمە باران و ئەگەرى هەورە تریشقە و بارینى بەفر لەسەر لووتکەى شاخە بەرزە سنوورییەکان هەیە".

دەشڵێت، کاریگەرى ئەم شەپۆلە لەشەودا کۆتایی دێت.

وتیشی، پلەکانی گەرما نزم دەبێتەوە بە (5-7) پلە لە تۆمارەکانی دوێنێ.

دەربارەی کەشوهەوای سبیەینێش وتی، ئاسمان نیمچە هەور دەبێت، بە گشتى و ئەگەرى نمەبارانى کەم لەسەر هەندێ ناوچەى شاخاویی هەیە.

ئاماژەی بەوەشکردووە، پلەکانی گەرما نزم دەبێتەوە بە (3- 4) پلەى سیلیزى.

بەرزترین پلەی گەرمای پێشبینیکراو بە پلەی سیلیزی:-

هەولێر : 15 پلەی سیلیزی

سلێمانی : 17 پلەی سیلیزی

دهۆک : 12 پلەی سیلیزی

کەرکوک : 18 پلەی سیلیزی

زاخۆ : 13 پلەی سیلیزی

هەڵەبجە : 16 پلەی سیلیزی

سۆران : 11 پلەی سیلیزی

حاجی ئۆمەران : 6 پلەی سیلیزی

گەرمیان : 21 پلەی سیلیزی