وتەبێژی گەشتوگوزاری سلێمانی ڕایگەیاند، لە سێ ڕۆژی جەژنی ڕەمەزاندا 50 هەزار گەشتیار ڕوویان لە شاری سلێمانی کردووە و چاوەڕواندەکرێت ژمارەکە ڕوو لە زیادبوون بکات.

گۆران قادر، وتەبێژی گەشتوگوزاری سلێمانی لە لێدوانێکدا ڕایگەیاند، پلانی ڕۆژانی نەورۆز و جەژنی ڕەمەزان بە سەرکەوتوویی جێبەجێکراوە، لە هەردوو دەروازە سەرەکییەکەی سلێمانی پێشوازییان لە گەشتیاران کرد و ڕێنمایی پێویستیان پێدان.

ئاشکراشیکرد، لە هەر سێ ڕۆژی جەژنی ڕەمەزاندا نزیکەی 50 هەزار گەشتیار ڕوویان لە پارێزگای سلێمانی کردووە.

جەختیشیکردەوە، لەبەرئەوەی پشووی ڕۆژانی جەژن ئەمڕۆ و سبەینێشی لەسەرە چاوەڕوانێدەکرێت ژمارەی گەشتیاران ڕوو لە بەرزبوونەوە بکات.