کەشناسی هەرێم ڕایگەیاند، پلەکانی گەرما (2-3) پلە نزم دەبێتەوە و تاوە باران و بروسکە چەند ناوچەیەک دەگرێتەوە.

کەشناسی هەرێم، دەربارەی کەشوهەوای ئەمڕۆ و سبەی دەڵێت، ئاسمان بە گشـتى هەوری تەواو دەبێت لەگەڵ بەردەوامی دابارینی تاوە باران و بروسکە لە ناوچە جیاجیاکانی هەرێم وە زیاتر لەناوچە شاخاوییەکان کاریگەری دابارین زیاتر دەبێت.

وتیشی، بۆ کاتەکانی ئێوارە کەش سەقامگیردەبێتەوە ئاسمان بۆ نیمچە هەور دەگۆڕێت تەنها لەبەشی باکور و باکوری ڕۆژئاوای هەرێم و پارێزگای دهۆک کاریگەری شەپۆلەکە تا درەنگانی شەو دەمێنێ.

ڕاشیگەیاندووە، پلەکانی گەرما نزم دەبێتەوە بە (2-3) پلەی سیلیزی بەراورد بە تۆمارەکانی دوێنێ.

دەربارەی کەشوهەوای سبەینیش دەڵێت، ئاسمان لە نێوان نیمچە هەور و هەوری تەواو دەبێت ئەگەری نمەباران هەیە لەناوچە شاخاوییە سنوریەکاندا.

ئاماژەی بەوەشکردوە، پلەکانی گەرما نزم دەبێتەوە بە (2-3) پلەى سیلیزى بەراورد بە تۆمارەکانی ئەمرۆ.

بەرزترین پلەکانی گەرمای پێشبینیکراو بە پلەی سیلیزی:-

هەولێر : 25 پلەی سیلیزی

سلێمانی : 23پلەی سیلیزی

دهۆک : 21 پلەی سیلیزی

کەرکوک : 27 پلەی سیلیزی

زاخۆ : 20 پلەی سیلیزی

هەڵەبجە : 20 پلەی سیلیزی

سۆران : 21 پلەی سیلیزی

حاجی ئۆمەران : 11 پلەی سیلیزی

گەرمیان : 30 پلەی سیلیزی