دەزگای ئاسایشی هەرێم ڕایگەیاند، ئەو هێرشبەرەی کە لە جەژنی ئەکیتۆدا لە دهۆک دوو کەسی بریندارکرد دەستگیرکرا.

ئەنجومەنی ئاسایشی هەرێمی کوردستان، لە ڕاگەیەندراوێکدا بڵاویکردەوە، لە ڕۆژی 1-4-2025، لە کاتێکدا کە خەڵکی پارێزگای دهۆک لە ڕێوڕەسمەکانی جەژنی ڕەمەزان و جەژنی ئەکیتۆ بوون، کەسێکی هەڵگری بیروباوەڕی تیرۆریستی سەر بە داعش، بە ئامێرێکی تیژەوە لە ناوبازاڕ هێرشی کردە سەر هاوڵاتییان و دوو کەسی بریندار کرد.

دەشڵێت، دەستبەجێ هێزەکانی سەر بە بەڕێوەبەرایەتی ئاسایشی دهۆک کەسی هێرشبەریان دەستگیرکرد، کە خەڵکی سوریایە.

ئاماژەی بەوەشکرد، “لێکۆڵینەوە لە سەر بابەتەکە بەردەوامە و لە دوای کۆتاییهاتنی، دەرەنجامەکان بۆ هاوڵاتییان و ڕایگشتی ڕادەگەیەنین”.