وتەبێژی بەرگری شارستانی دهۆک ڕایگەیاند، ئێوارەی ئەمڕۆ ئاگر لە یەکەیەکی نیشتەجێبوون لە گەڕەکی رەزا'ی شاری دهۆک کەوتەوە و کەسێک بووە قوربانی.

بێوار عەبدولعەزیز، وتەبێژی بەرگری شارستانی دهۆک لە لێدوانێکدا ڕایگەیاندووە، ئێوارەی ئەمڕۆ ئاگر لە یەکەیەکی نیشتەجێبوون، لە گەڕەکی رەزا'ی شاری دهۆک کەوتەوە و بە هۆی ڕووداوەکەوە ژنێک لەناو شوقەکەدا گیانی لەدەستدا، کە بەشێکی زۆری جەستەی سوتاوە.

ئاماژەی بەوەشکردووە، تیمەکانی بەرگری شارستانی، توانیویانە ئاگرەکە کۆنترۆڵ بکەن و لێکۆڵینەوەکان بەمەبەستی دیاریکردنی هۆکاری ئاگرکەوتنەوەکە دەستیپێکردووە.