بەڕێوەبەری سەنتەری فریاکەوتنی خێرای سلێمانی، ڕایگەیاند، لە دوو ڕۆژی جەژندا لە سلێمانی 36 کەس برینداربوون و سێ کەسیش گیانیان لەدەستدا.

سامان نادر، بەڕێوەبەری سەنتەری فریاکەوتنی خێرای سلێمانی، لە لێدوانێکدا ڕایگەیاند، لە یەکەم ڕۆژی جەژنی ڕەمەزاندا 23 کەس بە ڕووداوی جۆراوجۆر برینداربوون و دووەم ڕۆژیش 13 کەس برینداربوون.

وتیشی: “ژمارەیەک بریندار لە نەخۆشخانەکاندا تاوەکو ئێستا ماونەتەوە و چارەسەر وەردەگرن بەتایبەت ئەو کەسانەی شکاوییان هەیە پێویستیان بەوەیە بۆ ماوەی دوو هەفتە لە نەخۆشخانە بمێننەوە”.

باسی لەوەشکرد، لە یەکەم ڕۆژی جەژنی ڕەمەزاندا، ژمارەیەکی زۆر ڕووداوی هاتووچۆ ڕوویانداوە و سێ کەس گیانیان لەدەستداوە.