کەشناسی هەرێم ڕایگەیاند، ئاسمان ساماڵ و پەڵە هەور دەبێت و پلەکانی گەرما بە (2-4) پلە بەرزدەبێتەوە.

کەشناسی هەرێم دەربارەی کەشوهەوای ئەمڕۆ و سبەی ڕایگەیاند، ئاسمان ساماڵ و پەڵە هەور دەبێت لە درەنگانى شەودا لە باکورى هەرێم دەگۆڕێت بۆ هەورى تەواو.

وتیشی، پلەکانی گەرما بەرزدەبێتەوە بە (2-4) پلە لە تۆمارکراوەکانی دوێنێ.

دەربارەی کەشوهەوای سبەینێش وتی، ئاسمانى هەرێم هەوری تەواو دەبێت لەگەڵ بارینى شەپۆلێکى نمەباران و هەورە تریشقە سەرەتا لە ناوچە شاخاویەکانى دهۆک دەست پێدەکات پاشان سەرجەم ناوچەکانى هەرێم دەگرێتەوە.

ئاماژەی بەوەشکرد، لە بەشێک لە ناوچە شاخاویەکانى پارێزگای دهۆک شێوازى دابارین هەندێک جار دەگۆڕێت بۆ تاوە بارانى بەلێزمە و هەورە تریشقە وە لە درەگانى شەودا دابارین کۆتایی پێدێت.

دەشڵێت، پلەکانی گەرما نزیک دەبێتەوە لە تۆمارکراوەکانی دوێنێ جگە لە پارێزگای دهۆک کە نزم دەبێتەوە بە (2-3) پلەى سیلیزى.

بەرزترین پلەکانی گەرمای پێشبینیکراو بە پلەی سیلیزی:-

هەولێر : 26 پلەی سیلیزی

سلێمانی : 25 پلەی سیلیزی

دهۆک : 23 پلەی سیلیزی

کەرکوک : 29پلەی سیلیزی

زاخۆ : 23 پلەی سیلیزی

هەڵەبجە : 25 پلەی سیلیزی

سۆران : 21 پلەی سیلیزی

حاجی ئۆمەران : 12 پلەی سیلیزی

گەرمیان : 31 پلەی سیلیزی