رەنج پشدەری ڕایگەیاند، ژمارەیەک کۆچبەری کورد لە ئاوەکانی فەڕەنساوە بۆ بەریتانیا بە بەلەم بەڕێکەوتوون بەڵام بەهۆی کێشەیەک لە بەلەمەکەیان گیریانخواردووە.

ئەمڕۆ هەینی 21.3.2025، رەنج پشدەری، چالاكوانی مافی كۆچبەران و رۆژنامەنووس لە لێدوانێکدا راگەیاند، نزیکەی 60 کۆچبەر لە دەوروبەری کاتژمێر 3:00ـی بەیانی بەڕێکەوتوون بە مەبەستی گەیشتن بە بەریتانیا و لە ئاوەکانی فەڕەنسا گیریانخواردووە.

هاوکات، کۆچبەرەکان قسەیان بۆ رەنج پشدەری کردووە و وتویانە، پۆلیسی فەڕەنسا چاودێریان دەکات، بەڵام ئەوان نایانەوێت بگەڕێنەوە و مەبەستیانە بگەنە بەریتانیا.

ئەوەشی خستەڕوو، زۆربەی کۆچبەرەکان کوردن و خەڵکی باشوور و رۆژهەڵاتی کوردستانن، بە وتەی خۆیان خێزان و ژن و منداڵیشیان لەگەڵدایە.