چاودێرێكی سیاسی ئیسڕائیلی ڕایگەیاند، ترەمپ لەگەڵ ئەردۆغان ڕێكدەكەوێت بۆ گواستنەوەی نزیكەی 700 هەزار فەلەستینی بۆ ناوچەكانی ڕۆژئاوای كوردستان و ناوچە سنوورییەكان لەگەڵ توركیا و دەڵێت: "بەوە مەترسی توركیا سەبارەت بە پەكەكە ناهێڵێت".

ئیدی كۆهین، نووسەر و چاودێری سیاسی ئیسڕائیلی لە تۆڕی (ئێكس) بڵاویكردۆتەوە: “پیرۆزە بۆ خەڵكی غەززە و سەفە، سەرۆك ترەمپ لێكۆڵینەوە لە ڕێككەوتنێك دەكات لەگەڵ توركیا بۆ گواستنەوەی نزیكەی 600 بۆ 700 هەزار فەلەستینی بۆ ناوچەكانی ڕۆژهەڵاتی فوڕات لە پارێزگاكانی حەسەكە و ڕەقە، كە ئەمریكای تێدایە”.

دەشڵێت: "هەروەها ئەو کەسانە دەگوازرێنەوە بۆ پارێزگای دێرەزوور و ناوچەكانی سنووری سووریا و توركیا، كە ئەوەش نیگەرانییە ئەمنییەكانی توركیا دەڕەوێنێتەوە سەبارەت بە پارتی كرێكاران".