فراکسێۆنی نەوەی نوێ وەک یەکەم حزب بەشداربووە لە خۆپیشاندان

٤ شوباتی ٢٠٢٥

بڵاویبکەرەوە لە

پەرلەمانتاری نەوەی نوێ لە پەرلەمانی کوردستان: "لە یەکەم ڕۆژەوە تا ئێستا هەموو ڕۆژ لەناو خەڵدابووین و وەک یەکەم فراکسیۆن لێرە ئامادەبووین".

عەدنان حسێن حەسەن، پەرلەمانتاری نەوەی نوێ لە پەرلەمانی کوردستان لە کۆنگرەیەکی ڕۆژنامەوانیدا، ڕایگەیاند: "لە یەکەم ڕۆژەوە تا ئێستا هەموو ڕۆژ لەناو خەڵدابووین و وەک یەکەم فراکسیۆن لێرە ئامادەبووین".

وتیشی: ''بە شانازییەوە نەوەی نوێ پشتیوانی هەموو جووڵەیەکی مەدەنی دەکا دژی دەسەڵاتی یەکێتی و پارتی وهەموو هەنگاوێکمان لێرە بۆ کۆتایی هێنانە بە دەسەڵاتی ئەوان".

ڕاشیگەیاند: "پەرلەمانتارانی فراکسیۆنی نەوەی نوێ لە بەغدا یاداشتی ناڕەزایی و سکاڵای مامۆستایانیان گەیاندۆتە محەمەد شیاع سوودانی".

ئاماژەی بەوەشکرد: "سکاڵایی یاساییمان دژی حکومەتی ماوە بەسەرچووی یەکێتی و پارتی تۆمارکردووە چونکە ئەیانەوێ مووچەی مانگی 12 بخۆن".

جەختیشیکردەووە: " سکاڵایی یاسایی لەسەر یەکێتی و پارتی تۆمار دەکەین ئەگەر بیانەوێ مووچەی مانگی12 بخۆن".