نوێنەری گشتی مامۆستایانی گرێبەست ڕایگەیاند، “مامۆستایانی گرێبەست لە ھەولێر لە بەردەم بینای ئەنجومەنی وەزیران خۆپێشاندان ئەنجام دەدەن”.

عەلی رەئووف مستەفا، نوێنەری گشتی مامۆستایانی گرێبەست لەھەرێمی کوردستان لە بڵاوکراوەیەکدا ڕایگەیاند: “ڕۆژی دووشەممە ڕێکەوتی 3ی 2ی 2025 خۆپیشاندانی بەرفراوانی مامۆستایانی گرێبەست لە ھەولێر لە بەردەم بینای ئەنجومەنی وەزیران کاتژمێر 10:00 بەیانی دەست پێدەکات”.

باسی لەوەشکرد: “لە پێناو داواکردنی مافی سەرەتایی مان کە وەرگرتنی مووچەی مانگی حەوت و هەشتی ساڵی رابردوو، مووچەی مانگی 12، 1ی ساڵی 2025 ، لە پێناو گەڕانەوەی شکۆ بۆ مامۆستا”.

ئەوەشی خستەڕوو: “لە پێناو بەرەو پێش چوونی کەرتی پەروەردە، لە پێناو بە یەک چاو سەیرکردن لە ماف و ئەرک دا، ئامادەکاری تەواو کراوە لە سەرجەم پەروەردەکان”.

ئەم نوێنەرە داوا لە مامۆستایان دەکات کە “مەردبن ئامادەبن بۆ مافی خۆتان، ماف نادێ، دەسەنرێت”.