تەندروستی سلێمانی ڕایگەیاند، لە ساڵی ڕابردوودا سێ حاڵەتی لەدایکبوونی چواری لەسەرجەم نەخۆشخانەكان تۆماركراون.

تەندروستی سلێمانى لە بڵاوکراوەیەکدا ڕایگەیاند، لەماوەی ساڵی ڕابردوودا 30 هەزار و 65 منداڵ لەنەخۆشخانە حكومیەكان و ئەهلیەكانی سنووری پارێزگای سلێمانی لەدایكبوون، لەو ژمارەیەك 15 هەزار و 706 منداڵیان كوڕ بوون و 14 هەزار و 359 منداڵیان كچ بوون.

ئاشکراشیکرد، ساڵی ڕابردوو 15 هەزار و 847 منداڵ لەنەخۆشخانە حكومیەكانی سنووری پارێزگای سلێمانی لەدایكبوون.

جەختی لەوەشکردەوە، هەروەها 14 هەزار و 218 منداڵ لەنەخۆشخانە ئەهلیەكان لەدایكبوون.

باسی لەوەشکرد، ساڵی ڕابردوو 375 حاڵەتی لەدایكبوونی دووانە و 13 حاڵەتی لەدایكبوونی سیانە.

وتیشی، سێ حاڵەتی لەدایكبوونی چواری لەسەرجەم نەخۆشخانەكان تۆماركراون.